August 2, 2013

Sali Berisha facebook 2 gusht 2013



A duhet të “ndalim” 
diarrenë politike të Sali Berishës?

Nga Mero Baze

Ka disa ditë që shumë lexues online në komentet e tyre, por dhe shumë kolegë, po diskutojnë me një farë neverie për postimet psikopatike të Sali Berishës në Facebook dhe nevojën e një vendimi të medies për ta injoruar dhe izoluar këtë person si një plak të rrjedhur. Në parim duket një vendim i drejtë. Ai formalisht është një anëtar i thjeshtë i Partisë Demokratike, i mërzitur nga humbja, që shan me nënë dhe babë çdo njeri që i kujtohet çdo mëngjes, përse nuk e kanë votuar shqiptarët. Nga kjo pikëpamje do ishte e shëndetshme për opinionin publik që ky njeri të izolohej prej tij.
Por përtej këtij arsyetimi të thjeshtë ka plot arsye përse Sali Berisha duhet të jetë ende prezent në shoqërinë tonë.
E para, që është dhe thelbësore, Sali Berisha nuk është një anëtar i thjeshtë partie, por udhëheqësi në detyrë i saj, që vazhdon të drejtojë me dorë të hekurt Partinë Demokratike. Atë që ka vënë kryetar, e ka thjesht sa për të qetësuar fëmijët e tij, qoftë dhe me buzëqeshje fallco. Duke qenë kryetari de facto i opozitës më të madhe në vend, pasqyrimi i postimeve të tij psikopatike është detyrë e rëndësishme për të kuptuar se në ç’gjendje të rëndë është opozita dhe çfarë detyrash e presin për t’u ringjallur. Dhjetëra figura serioze në atë parti mërmërijnë me vete kur e dëgjojnë, por nuk guxojnë t’i thonë mbylle gojën. Deri sa të guxojnë, ne kemi punë vetëm me këtë njeri si shef opozite dhe duhet ta respektojmë si të tillë.
Së dyti, Sali Berisha ka një problem serioz me të shkuarën e tij si kryeministër. Ai bëri gjithçka të qëndronte në pushtet, kuroi imazhin e tij me miliona euro nga taksat tona, krijoi alibi për bizneset vdekjeprurëse të djalit dhe pazaret e vajzës, mbrojti vrasjet e 21 Janarit, dhe të gjitha i bëri me shpresë se mandati i tij do përsëritej dhe ai do ta varroste historinë e tij kriminale. I gjendur papritur pa pushtet dhe pa imunitet, me një familje që dhe valixhet i bën fshehurazi gati për të ikur, ai ka nevojë të duket i fortë dhe agresiv. Është si ata meshkujt impotentë, që flasin gjithë ditën për seks. Ka nevojë të kërcënojë, të shajë, të mallkojë, dhe mbi të gjitha të ndjehet që është gjallë. Duke ia botuar gjithë ato marrëzi, ne jo vetëm që dokumentojmë fundin e tij tragjikomik, por dhe mbajmë gjallë kujtesën ç’i ka bërë vendit ky njeri nën sundimin e tij. Kjo është një nga mënyrat që ne të mos e harrojmë atë, dhe aleati më i madh për të mos harruar Sali Berishën është vetë Sali Berisha.
Arsyeja e tretë është etike. Diarreja e tij në Facebook, është një dimension i rëndësishëm i karakterit të tij. Të gjithë ata që në ndonjë moment të jetës u gënjyen prej tij, ju duk i mençur, ju duk intelektual, ju duk i lexuar, ju duk perëndimor apo i iluminuar me aftësi lideri, kanë shansin të shikojnë një grafoman mediokër, halucinant, psikopat, plot urrejtje dhe shpifje për popullin që e flaku në rrugë si një bajgë e prishur. Nuk mund të injorojmë këtë tipar themelor të Sali Berishës, duke ja fshehur atë publikut. Ai meriton të dokumentohet siç është këto ditë në orët e tij të vërteta, i zhveshur nga pushteti dhe i kapluar nga makthi i së ardhmes.
Së fundmi, Sali Berisha nuk duhet censuruar në psikopatinë e tij deri ditën që të fillojë të qeverisi shumica e re. Shqiptarët duhet të bëjnë vetë diferencën nga kush janë qeverisur dhe çfarë ka ndryshuar. Çmendja e Sali Berishës këtë verë të paharruar për të, është një ilustrim perfekt i ndryshimit real që duhet të ndodhë në këtë vend. Ai po sillet si një tigër i mbyllur në kafaz me pabesi nga populli shqiptar, bash atëherë kur ai mendonte se këtë popull e kishte vënë poshtë vetes dhe nuk pyeste për të. Ai po turfullon, po shan, po mallkon, po shpif, po rimerret me të gjallët dhe të vdekurit, vetëm se nuk i shkoi mendja se shqiptarët e kishin shkruar fatin e tij me 1 milion vota kundër. Është kjo arsyeja që duhet dokumentuar fundi i tij tragjikomik, që i ngjan fundit të Hitlerit në bunkerin e tij, që urdhëronte komandantët e vdekur dhe divizionet e mundura të rihidheshin në luftë për të fituar. E bënte këtë dhe disa orë para se të vriste veten. Le t’ia dokumentojmë këtë pjesë të fundit të historisë Sali Berishës. E di që është e neveritshme dhe e lodhshme për shqiptarët, por ndoshta duhet duruar dhe një muaj ta shikojmë kështu të hallakatur, të çmendur, të mllefosur, të depersonalizuar dhe axhituar nga makthi për të ardhmen. Pastaj le të bëjë opozitë, le të dalë dhe në bulevard në protestë, le të rrijë po të dojë dhe aty ku ndenji Ziveri, Aleksi, Faiku apo Hekurani. Nuk ja vlen ta vrasim dhe as të përdorim plumbat si ai. Vrasës të tillë vdesin të çmendur, dhe ne po e përjetojmë fundin e tij.





Ne jemi ndryshimi, për Para!

Ja çfarë  ka thënë  K.M. Sali Berisha 
në  17 Janar, 2013


Berisha: Më 23 qershor dua një fitore të madhe, fundërrinat e Ramës do i hedhim në Lanë

Sali Berisha, në kuadër të hapjes së fushatës zgjedhore, ka mbledhur gjithë krerët e degëve të PD-së. Gjatë fjalës së tij, Berisha ka thënë se më 23 qershor kërkon fitore me çdo kusht. “Ndaj dhe duhet të bëjmë gjithçka që më 23 qershor të realizojmë fitoren që presin shqiptarët, fitoren e shkëlqyer të PD-së si një forcë politike që në këto 22 vjet ka pasur dhe shënuar sukseset më të mëdha, transformimet më të thella, arritjet më historike, se çdo forcë tjetër politike e themeluar pas rënies së perdes së hekurt, në Evropën ish-komuniste,” tha Berisha.
Berisha bëri një rezyme të arritjeve që ka bërë vendi gjatë qeverisjes së Partisë Demokratike.
“Kjo parti është faktuar në mënyrë të përsëritur para shqiptarëve se ajo disponon të gjithë potencialin kombëtar të integrimit të vendit në familjen euroatlantike. Ne, në 22 vite nuk i kemi zënë rrugën askujt që të bëjë detyrat e veta në procesin e integrimit, por historia është kjo: Është partia Demokratike që anëtarësoi Shqipërinë në Këshillin e Evropës, është Partia Demokratike që firmosi marrëveshjen e stabilizim-asociimit me BE, pas marrëveshjes së tregtisë me BE. Është Partia Demokratike që mori ftesën për anëtarësimin e Shqipërisë në NATO. Është Partia Demokratike që anëtarësoi Shqipërinë në NATO. Është PD në pushtet bashkë me aleatët e vet, ajo që bëri të mundur lëvizjen e lirë të shqiptarëve në mbarë Evropën,” tha Berisha.
Berisha theksoi më tej se Partia Demokratike duhet ta zhvillojë betejën elektorale duke vënë në pah të gjitha vlerat dhe arritjet që nga krijimi i saj në 22 mars.
“Gjithçka që është realizuar ka në themel, para së gjithash, mundin e djersën e qytetarëve shqiptarë. Edhe ata, të cilët përpiqen të errësojnë këto suksese, shkelmojnë kontributin e çdo qytetari. Natyrisht, të gjitha këto arritje janë edhe rezultat i suksesit të reformave të thella që ndërmori kjo qeveri dhe i guximit të madh që u tregua për ndërmarrjen e këtyre reformave, i besimit të palëkundur të qeverisë, të Partisë Demokratike, të mazhorancës tek liria e potencialet e saj të jashtëzakonshme. Kjo është baza mbi të cilën ne kemi nisur e vazhdojmë betejën tonë elektorale, betejën e fitores,” tha Berisha.
Berisha nuk la pa sulmuar edhe kreun e PS-së Edi Rama që sipas tij po mbledh rreth vetes ato persona të cilët ai i cilësoi si fundërrina.
“Ne kemi jo një, por njëmijë arsye t’u drejtohemi mbarë shqiptarëve, për të na e besuar neve votën. Nuk ka sot qytetar më të zhgënjyer se ata, të cilët katër vjet më parë votuan për PS-në, sepse pas 22 vitesh pluralizëm e shohin atë sërish bllokuese, e shohin në rolin e muratorit fatkeq që lartëson murin e bllokimit, në kundërshtim flagrant me aspiratat e socialistëve shqiptarë, në kundërshtim flagrant me aspiratat e mbarë shqiptarëve.
Dhe si alternativë ata ofrojnë: Fundërrina të të gjitha llojeve të bashkohemi kundër Sali Berishës. Keni dëgjuar a lexuar ndonjëherë në historinë e politikës botërore thirrje për aleanca të tilla?!
Ne do të shkojmë me vlera para çdo qytetari shqiptar. Vlera, vlera dhe vetëm vlera. Le të bashkohen të gjithë fundërrinat, por ju jap fjalën e nderit, në mënyrën më solemne, i përgatitur me gjithë shpirt, për fushatën më të bukur. Për fundërrinat përveç Lanës, vend tjetër nuk mund të kesh. Zgjedhja është e tyre. Por të dalësh me moton: Fundërrina bashkohuni, të mundim Berishën, kjo është dëshmia e dështimit total, kjo është thirrja e njeriut që ka humbur çdo shpresë, e njeriut që ka për shtrojë e mbulojë disfatat e njëpasnjëshme dhe pastaj dëgjon thirrjen: Fundërrina bashkohuni për të fituar kundër Sali Berishës,” tha Berisha.

July 29, 2013

Happy Couple


Çifti i Lumtur 

Kryetari De Facto 
dhe 
Kryetari De Jure i PD

*  *  *
Ali Asllani

Ësht’ pështyma e gjakosur e atdheut të vremosur;
dhe kolltuku ku ke hipur, duke hequr nderin zvarr’,
ësht’ trikëmbshi që përdita varet kombi në litar!
Dhe zotrote kullurdise, diç, u bëre e pandeh,
kundër burrit të vërtetë zë e vjell e zë e leh!

E na tunde, na lëkunde, nëpër salla shkon e shkunde,
mbasi dora e armikut ty me shok’ të heq për hunde.
Rroftë miku yt i huaj, që për dita los e qesh,
të gradoi katër shkallë, pse i the dy fjal’ në vesh!

Koha dridhet e përdridhet, do vij’ dita që do zgjidhet
dhe nga trasta pem’ e kalbur doemos jasht’ do hidhet!
Koha dridhet e përdridhet, prej gradimit katër shkallë
nuk do mbetet gjë në dorë veç se vul’ e zezë në ballë!

Mirpo ju që s’keni patur as nevoj’ as gjë të keqe,
më përpara nga të gjithë, ju i thatë armikut: “Peqe!”
Që të zinit një kolltuk, aq u ulët u përkulët,
sa në pragun e armikut vajtët si kopil u ngulët!
As ju hahet, as ju pihet, vetëm titilli ju kihet…
Teksa fshat’ i varfer digjet… kryekurva nis e krihet!

Sidomos ju dredharakë, ju me zemra aq të nxira,
ju dinakë, ju shushunja, ju gjahtar’ në errësira!
Ç’na pa syri, ç’na pa syri!… Hunda juaj ku nuk hyri:
te i miri, te i ligu, te spiuni më i ndyri!

Dallavera nëpër zyra, dallavera në pazar,
dallavera me të huaj, dallavera me shqiptar’
Vetëm, vetëm dallavera, dhe në dëm të këtij vëndi 
që ju rriti, që ju ngriti, që ju ngopi, që ju dëndi!


*  *  *

July 28, 2013

Happy Birthday Sir Mick Jagger


Mick Jagger feston 70-vjetorin

Ai ka jetuar një jetë intensive në të gjitha kuptimet, plot me sukses profesional, një jetë të mbushur plot me alkool, drogë, femra dhe këngë.

Për 50 vjet me radhë lideri i padiskutueshëm i një prej grupeve muzikore më të suksesshme në histori siç është ‘Rolling Stones’, Mick Jagger festoi dje ditëlindjen e tij të shtatëdhjetë, ende me një energji të pamatë saqë është e vështirë ta besosh se mban aq vite mbi supe.

I lindur më 26 korrik të vitit 1943, në Dartord të Anglisë, me emrin Sir Michael Phillip Jagger, ai u kthye në një figurë legjendare të muzikës rock and roll për më tepër se 50 vite, pasi së bashku me miqtë e tij themeluan në vitin 1962 grupin e njohur ‘Rolling Stones’, një nga më jetëgjatët në histori.

Protagonist i historive të shumta rozë, ndarjeve dhe bashkimeve me femra të njohura të showbizit, 70 vjeçari energjik sot është babai i dy fëmijëve dhe gjysh i lumtur.

Happy Birthday Sir Mick Jagger

 Mick Jagger Ready to Party

Whoppi it is Mick's Birthday

Mick Jagger Made it To 70

Beyond The Time
Sir Michael Phillip Jagger










ImazheShqip Logo


ImazheShqip 
Logo






Intervistë me kryetarin

 e sapoemëruar të PD-së, 
Lulzim Basha

Nga Deo Graciani


Gazetari: Cili është mesazhi juaj për publikun pas emërimit tuaj si kryetar i ri i PD-së?
Basha: Nuk jam emëruar por jam zgjedhur me anë të sistemit 2 anëtarë një votë.

Gazetari: 2 anëtarë një votë?!! Po Berisha deklaroi që sistemi i përdorur ishte një anëtar një votë. Pse e ndryshuat sistemin?
Basha: E ndryshuam sepse një në dy anëtarë nuk e gjente dot emrin në listë. Prandaj bëmë që dy anëtarë të binin dakord se për cilin do votonin. U votua dy e nga dy. Mosgjetja e emrave në listë nuk ndodhi për fajin tonë, por për fajin e tyre sepse disa mijëra qytetarë erdhën të regjistroheshin në momentin e fundit, ndërsa disa mijëra të tjerë kishin harruar të rinovonin kartat e anëtarësimit.

Gazetari: Si është e mundur që mijëra qytetarë paskan dashur të regjistrohen si anëtarë të një partie që u mund keqas në zgjedhje? Si e shpjegoni këtë fenomen?
Basha: Nuk e shpjegoj dot. Asnjeri nuk e shpjegon dot. Ndoshta ka të bëjë me figurën karizmatike të Berishës, i cili sa herë që hap gojën, i bën njerëzit për vete dhe e magjeps publikun.

Gazetari: E kuptuam. Atëherë cili është mesazhi juaj për votuesit dhe anëtarët e partisë demokratike pas zgjedhjeve të brendshme në PD?
Basha: I falënderoj nga zemra anëtarët e partisë demokratike, sidomos ata që deshën të votonin por nuk arritën të votonin. Megjithëse nuk i gjetën emrat në listë prapëseprapë u përpoqën brenda hapësirave ligjore që të votonin. Përpjekja ka më shumë rëndësi se rezultati, dhe këta anëtarë me këmbënguljen e tyre për të gjetur emrat në listë treguan edhe një herë frymën e vetëmohimit që e ka karakterizuar gjithmonë partinë demokratike dhe anëtarët e saj. Lavdi përpjekjeve të tyre për të votuar!

Gazetari: Rivali juaj Olldashi, deklaroi se procesi i votimit brenda partisë ishte i manipuluar dhe i deformuar. Ai u shpreh se listat ishin plot parregullsi. Më pas edhe nënkryetari i PD-së Astrit Patozi u shpreh se zgjedhja juaj si kryetar ishte paracaktuar dhe procesi i votimit ishte i pakuptimtë. Si i përgjigjeni këtyre akuzave?
Basha: Fillimisht më duhet të them se këto nuk janë akuza por opinione. Janë pjesë e lirisë së mendimit dhe veprimit brenda partisë sonë. Unë përkundrazi, jo vetëm që nuk i mbaj mëri rivalit tim Olldashi, dhe as koleut tim Astrit Patozi për këto deklarata, por i përgëzoj ata, sepse folën haptazi, ashtu siç u ka hije demokratëve të vërtetë. Ata u shprehën se ka patur manipulime dhe deformime në procesin zgjedhor brenda partisë demokratike. Kjo është një shenjë e qartë që tregon transparencën e plotë në parti, dhe gjithashtu tregon përpara së gjithash respektimin e opinioneve dhe mendimeve të çdo anëtari. Ne, edhe kur manipulojmë apo vjedhim votën, e kemi guximin dhe e bëjmë haptazi. Nuk fshihemi skutave dhe ferrave duke u bërë njerëzve presione me paratë e krimit siç bëri koalicioni i majtë, që bleu e shiti vota në fshehtësi të plotë. Ne gjithçka që bëjmë, e bëjmë në dritën e diellit, sepse jemi partia që solli diellin mbi natën e diktaturës komuniste.
Jemi ne që udhëhoqëm revolucionin antikomunist në vitet 90-të, kur Rama akoma nuk kishte lindur.
Jemi ne që me vizionin tonë e drejtuam Shqipërinë nga Evropa, dhe e shpëtuam ekonominë kur Nanoja e kishte fundosur atë.
Jemi ne që mundësuam liberalizimin e vizave, dhe bëmë gjithçka që t’i nisnim me qindra mijëra shqiptarë drejt Evropës për një jetë më të mirë atje, sepse mendonim gjithmonë për të ardhmen e tyre dhe familjeve të tyre. Nuk donim që familjet të mbeteshin të ndara, disa këtej e disa andej, por u përpoqëm maksimalisht që të gjithë të bashkoheshin andej në Evropë.
Jemi ne që filluam negociatat për të sjellur për herë të dytë në Shqipëri eshtrat e Ismail Qemalit.
Jemi ne që për arsye turistike, të paktën 2-3 herë në vit e kthyem Shkodrën në një Venecia të dytë për të thithur turizmin dhe nxitur peshkimin edhe në brendësi të qytetit, në zona ku nuk ishte peshkuar më parë.
Ishim ne që e futëm vendin në NATO dhe së bashku me aletatët tanë çliruam Irakun e Afganistanin, e shumë shtete të tjera duke sjellur demokracinë në vendet që akoma ndodheshin nën diktatura komuniste.
Ishim ne që eksperimentuam dhe arritëm mrekullinë e rritjes ekonomike duke përdorur formulën e suksesshme më pak punë dhe më shumë lekë. Megjithëse papunësia u rrit, edhe ekonomia u rrit paralelisht, një fenomen që nuk kishte ndodhur më parë në asnjë vend të botës. Në këtë sistem të suksesshëm ekonomik, megjithëse shumë njerëz punonin pak ose aspak, ekonomia vazhdonte të rritej. Shumë ekonomistë nga e gjithë bota, na u lutën që ta bënim publike çelësin e këtij suksesi por ne nuk e treguam, sepse e drejta e autorësisë së këtij zbulimi në fushën ekonomike-financiare na përket vetëm neve si parti demokratike. As qeverisë së re nuk ia tregojmë. Le të lodhet aleanca e majtë duke punuar ditë e natë për mbarëvajtjen e ekonomisë. E kemi ne dhe vetëm ne çelësin e suksesit ekonomik.
Ne ishim ata që nuk e dorëzuam shtetin kur grupet e armatosura sulmuan qeverinë me 21 Janar, me armë, tanke dhe aeroplanë luftarakë, madje u përdorën edhe stilolapsa me helm dhe çadra raketahedhëse, por ne nuk u frikësuam, sepse u mbështetëm tek NATO.
Ishim ne që i dhamë një pjesë të detit Greqisë, në mënyrë që qytetarët të laheshin më pranë bregut, duke ulur kështu numrin e mbytjeve gjatë sezonit turistik.

Gazetari: Nuk ju pyetëm për arritjet por parregullsitë e listave të anëtarëve të PD-së.
Basha: Çrregullimet me listat e anëtarëve të partisë demokratike siç e thashë edhe më lart ndodhën sepse 2-3 javë pas zgjedhjeve parlamentare pati një dyndje të madhe të qytetarëve për t’u bërë anëtarë të partisë demokratike. Ky numër i madh kërkesash nuk u përballua dot nga regjistruesit dhe prandaj lindën edhe problemet me listat. Disa mijëra emra, nga shpejtësia dhe intensiteti i procesit të regjistrimit nuk janë shkruar ashtu siç duhet.

Gazetari: Si është e mundur që Shqipëria edhe pas këtyre 8 viteve ka mbetur vendi me qeverinë më të korruptuar në Evropë?
Basha: Kjo e ka një shpjegim. Kur ne erdhëm në pushtet, e gjetëm vendin të zhytur plotësisht në korrupsion. Qeveria e Fatos Nanos e kishte përhapur korrupsionin në çdo qelizë të shoqërisë. Ne, menjëherë i shpallëm luftë korrupsionit. Pas 8 vitesh luftë pa kompromis ndaj korrupsionit, arritëm ta kufizonim korrupsionim vetëm tek qeveria dhe e çliruam qytetarin nga kjo peshë e panevojshme që rëndonte në jetën e tij. Në mandatin e tretë të cilin fatkeqësisht nuk e fituam, ne kishim hartuar planin e zhdukjes përfundimtare të korrupsionit edhe në rradhët e qeverisë. Gjatë dy mandateve të mëparshme ne luftuam dhe arritëm që ta zhduknim korrupsionin nga shoqëria dhe prandaj nuk patëm kohë të merreshim me korrupsionin në qeveri. Këtë e kishim planifikuar ta bënim gjatë mandatit të tretë.

Gazetari: Keni thënë se do t’i mbroni të gjithë punonjësit e administratës shtetërore që mund të largohen nga puna me ardhjen e qeverisë së re. A do t’i mbroni vërtet?
Basha: Sigurisht që po. Do t’i mbrojmë me çdo mjet të drejtat e tyre nëse pushohen padrejtësisht nga puna.

Gazetari: Pse nuk i mbrojtët të drejtat e punonjësve të bashkisë që u pushuan nga puna, kur u bëtë kryetar bashkie?
Basha: Kjo është pyetje e pakuptimtë. Si mund t’i mbroja, kur isha unë që i pushova nga puna!

Gazetari: Po pse i larguat të gjithë punonjësit kur u zgjodhët kryetar bashkie?
Basha: Po sepse ndryshoi administrata dhe kur ndryshon një administratë punonjësit e administratës së mëparshme duhet të largohen automatikisht.

Gazetari: Po atëherë, pse nuk duhet që edhe qeveria e re të veprojë ashtu si ju?
Basha: Për disa arsye. E para, që nga viti 2011 të drejtat e njeriut kanë evoluar edhe më tej. Në kohët e kaluara njerëzit kanë gëzuar më pak të drejta se sot. Edhe Shqipëria ka evoluar që nga viti 2011. Sot jemi në vitin 2013 dhe shqiptarët gëzojnë më shumë të drejta se ç’gëzonin 2 vite më përpara. E dyta, pushteti vendor nuk është qeveria. Administrata vendore nuk e ka peshën e administratës shtetërore. Pra janë dy gjëra krejt ndryshe, janë dy standarte të ndryshme. E treta, qeveria do të humbasë shumë kohë për të gjetur zëvendësuesit. Ne, punonjësit e administrates i kemi kemi marrë në punë me anë të njohjeve dhe jo me meritë. Do të kishim shpenzuar shumë kohë sikur të bënim konkurse dhe intervista për të parë kush është më i aftë se tjetri. Pra, faktori kohë është shumë i rëndësishëm. E katërta, edhe nëse kërkojnë vështirë se do gjejnë njerëzit e duhur. Mos të harrojmë se 57% e të rinjve janë analfabetë funksionalë. Kurse pjesa tjetër janë emigrantë. Pra ku do i gjesh punonjësit nëse i largon këta që ke! 

Gazetari: Si është e mundur që arsimin e katandisët në këtë pikë, dhe sot 57% e të rinjve janë analfabetë?
Basha: Nuk jemi ne që e kemi katandisur në këtë nivel arsimin. Ne nuk e kemi prekur arsimin, nuk jemi marrë fare me të, kështu e gjetëm dhe kështu e lamë. S’kishim kohë të merreshim me arsimin sepse jemi marrë me ndërtimin e rrugëve dhe kanalizimeve. Pse përpiqeni të na e hidhni fajin për gjithçka!

Gazetari: Tani që do jeni në opozitë, çfarë veprimesh politike do ndërmerrni në parlament?
Basha: Nuk e di, këtë e di kryetari, Sali Berisha.

Gazetari: Si e di kryetari? A nuk u zgjodhët ju kryetar i ri i PD-së?
Basha: Ah po, keni të drejtë, sapo u zgjodha kryetar. Më kishte dalur fare nga mendja. Jemi kaq të ngarkuar me punë saqë nganjëherë harrojmë edhe pozicionet që kemi. A mund të ma përsërisni pyetjen?

Gazetari: Tani që do jeni në opozitë, çfarë veprimesh politike do ndërmerrni në parlament?
Basha: Si kryetar i PD-së dhe deputet i parlamentit shqiptar…

Gazetari: Më falni por ju nuk jeni deputet.
Basha: Nuk ka problem, do bëhem edhe deputet. Do mbledh kryesinë e partisë, dhe do bëjmë një zëvendësim. Një nga deputetët e zgjedhur do të më zëvendësojë mua si kryetar bashkie dhe unë pastaj do bëhem deputet. Madje e kam një ide se cili deputet mund të më zëvendësojë mua si kryetar bashkie.

Gazetari: Për cilin e keni fjalën?
Basha: Për kryeheroin tonë kombëtar, prijësin historik të demokracisë dhe politikanin e ndritur, Sali Berisha.

Gazetari: Pse pikërisht Berisha?
Basha: Sepse gjithmonë e ka patur endërr të bëhej kryetar bashkie. Ka qenë president dhe kryeministër por nuk ka qenë asnjëherë kryetar bashkie, dhe prandaj le ta provojë edhe këtë post. Ai edhe në mbledhjet e PD-së gjithmonë shprehet se po të ishte kryetar bashkie i Tiranës, brenda një kohe të shkurtër Tirana do të lulëzonte siç lulëzon sot qyteti Detroit në Amerikë.

Gazetari: Pyetja e fundit e kësaj interviste. Meqënëse deklaruat pak më parë se në partinë demokratike gjithçka thuhet dhe bëhet haptas në dritën e diellit, me guxim dhe transparencë, atëherë po ju pyes, a ka bërë partia demokratike manipulime në zgjedhjet e 23 Qershorit?
Basha: Po kemi bërë manipulime, por në zgjedhjet parlamentare të 23 Qershorit këto manipulime kanë qenë më të vogla se ato të zgjedhjeve parlamentare 2009 dhe atyre vendore 2011. Ka disa arsye. Në vitin 2009 dhe 2011 arka e shtetit kishte akoma ca lekë brenda dhe ne e boshatisëm plotësisht për të manipuluar ato zgjedhje, ndërsa zgjedhjet e 23 Qershorit e gjetën arkën bosh. Edhe ato pak para që arritëm të mblidhnim, ishin nga kontributi i anëtarëve të PD-së. Meqenëse shuma e lekëve ishte e vogël, vendosëm ta përdorim për të blerë vota vetëm në disa zona të caktuara, ku menduam se humbja e PD-së mund të ishte më e madhe. Votat i blemë me lekë dhe ushqime. Por u befasuam nga ajo që ndodhi.

Gazetari: Çfarë ndodhi?
Basha: Ndodhi ajo që nuk ishte parashikuar. Edhe ata qytetarë që i pranuan lekët dhe ushqimet tona nuk na e dhanë votën. Nuk e kuptoj sjelljen e tyre. Këta qytetarë na e vodhën votën megjithëse ne u dhamë lekët në këmbim të votës. Kjo është paturpësi.

Gazetari: Do i hidhni në gjyq dhe do u kërkoni kthimin e lekëve? Si do veproni?
Basha: Nuk e bëjmë dot sepse shpërndarësit e lekëve dhe ushqimeve nuk kanë mbajtur një listë me emrat e personave dhe meqenëse numri i tyre është i madh, është e pamundur të mbahen mend pa listë dhe emra. Mend për herë tjetër.
Por diçka dua t’u them atyre qytetarëve që votuan kundër Berishës. Pas katër vitesh do ta kërkoni Berishën por ndoshta nuk do ta gjeni. Sot ai është në kulmin e energjisë, dhe të gjithë e keni parë sesi i thyen rekordet, ndërsa pas katër vitesh ai mund të mos ketë takatin që ka sot. Ai kishte parashikuar të bënte mrekulli ekonomike për Shqipërinë dhe shqiptarët në mandatin e tretë. Por ne si demokratë, edhe pse në opozitë, jemi të bashkuar si shkëmb graniti rreth partisë dhe Sali Berishës, të vendosur për ta rikthyer partinë demokratike në udhëheqje të projektit tonë historik, Shqipërisë moderne, të zhvilluar dhe evropiane!

*   *   *