December 14, 2013

A po përgatitet Berisha për një grusht të ri shteti?




Të gjithë ata që kanë pritur se me largimin e detyruar nga pushteti, përmes një milion votave kundër tij; dhe me largimin “vullnetar” nga posti i kryetarit të PD-së, më në fund do t’u binin veshët rehat nga Berisha, por jo vetëm veshët, e punët do të fillonin nga e mbara, tashmë jo vetëm që janë të zhgënjyer në pritjen e tyre, por edhe e ndjejnë se gjithçka po mbarset me një tension të ri. Janë të zhgënjyer, sepse, ndryshe nga sa pritnin, Berishës nuk iu mbyll një herë goja, por jo vetëm goja; përmes mjeteve që më  parë i përqeshte dhe i tallte, si “ciu, ciu”, ai po mbjell, me gjithë mundësinë e tij, vrerin për pushtetin dhe mallkimin për rrëzimin e tij. Dhe ndryshe nga gjithë të tjerët që kanë shkuar para tij, mallkimin e ka të veçantë; ndaj njerëzve që nuk e paskan kuptuar se sa shumë ai, si “baba i kombit”, mendoi për të mirën e tij, paçka se grupi i njerëzve që u pasuruan ishin besnikët e njëkohësisht shërbyesit e tij.

<img src="Don Kishoti Sali berisha.jpeg" alt="Don Kishoti i Lirise, sali Ram berisha" />

 imazhe shqip

Megjithatë, ky është vetëm fillimi i gjithë asaj që ka planfikuar dhe ka filluar të verë në zbatim, që prej majve e jo vetëm prej disa ditëve, njeriu i larguar nga pushteti, apo më saktë, i përzënë prej pushtetit, dy herë; herën e parë me pushkë, sepse i vuri pushkën popullit të tij, të cilin pasi e grabiti, tentoi edhe ta vriste nën breshërinë e vdekjes; dhe së dyti, përmes votës plebishitare kundër tij.

Plani i Berishës është më i gjerë se “ciu, ciu” i tij në FB apo në rrjete sociale, është më i thellë se ajo që ka shfaqur deri tash, e po ashtu, është më i rrezikshëm se sa një llomotitje “sa kohë të duan” në parlamentin e Shqipërisë. Berisha po përgatitet për një përmbysje me dhunë të pushtetit të sotëm; ai nuk duron që edhe një herë të jetë njeriu-hije dhe nuk duron po ashtu, që në një kohë kaq të shkurtër të kthehet nga njeriu i pardesysë së bardhë në njeriun e territ dhe vdekjes së zezë. Duke qenë njeri pa pushtet, ai e ndjen se shumë shpejt, në ciklin e harkut politik të shkurtër kohor, ai do të mallkohet edhe nga të vetët, e për më tepër do të jetë Njeriu politik që përdhunshëm ka shkelur çdo ligj, juridik e njerëzor, që pas fjalëve të mëdha për kombin fshihej shitësi i tij; që pas buçitjes atdhetare nuk ishte asgjë tjetër veçse hipokrizia e më shumë se kaq; dhe se në fund të fundit çdo gjë që ishte bërë kishte pasur vetëm një qëllim; pasurimin, grabitjen e familjes së tij biologjike e politike. Sa më tepër që të zgjasë periudha e qëndrimit të tij në opozitë, aq më e hapur do të jetë mundësia e diagnostifikimit të plotë të qeverisjes së tij, dhe aq më i qartë do të jetë tumori politik e ekonomik që ai ka lënë pas vetes, për të mos folur për rrjedhojat njerëzore.

Dhe, duke e ditur prej kohësh se kjo do të ndodhë, e për më tepër i sinjalizuar se kjo pritet të ndodhë më shpejt nga sa e kishte menduar edhe vetë ai, Berisha dhe grupi i skifterëve pranë tij, po përgatiten që tani, për riardhjen e tyre në pushtet, jo ligjërisht e ndershmërisht, por përdhunshëm dhe përmes lëvizjeve të caktuara politike.

Berisha, planin e tij të rikthimit përdhunshëm, e ka skicuar që para 23 qershorit, sepse ishte i bindur në humbjen e tij, megjithëse nuk e priste të ishte një humbje kaq e thellë dhe dramatike. Ai, nëse deri më 22 qershor kishte bërë skicimin, pas dy ditëve, që nga e hëna e 24 qershorit, nisi të hedhë themelin e përmbysjes së ardhshme.

Mundësia e parë: 
Rikthimi përmes përmbysjes ekonomike

Të gjitha qeveritë, kur vijnë në pushtet, qoftë edhe për arsye populizmi, bëjnë dhurata. Kjo është një traditë e hershme e pushtetit të ri. Dikur, të gjithë mbretërit, në ditën e kurorëzimit, hidhnin para nga dritarja. Qeveria e sotme, e drejtuar nga Edi Rama, në këtë fund viti, jo vetëm që nuk do të bëjë një dhuratë shtesë, sipas ritit të pushtetit, por të heqë edhe atë që bënin dikur paraardhësit e tyre: rrogën e 13-të në pragun e vitit të ri. Të duket e çuditshme pse ndodh kjo, por fakti është se buxheti i shtetit është i zbrazur deri në fundin e tij, se ajo që quhet arka e shtetit ka mbetur krejt bosh, se tashmë nuk mund të flitet për dhurata, por për mbijetesë. Në tre muajt e parë të qeverisjes së saj, qeveria e re, që e dinte gjendjen e vështirë, vuri re se para saj kishte një humnerë ekonomike, e pamenduar kurrsesi deri në këto përmasa.

Ky ishte qëllimi i parë imediat i Berishës, krijimi i kësaj humnere ekonomike, që sjell trazime e vullkanizime politike.

Nëse të gjitha qeveritë bëjnë dhurata në ditën e kurorëzimit, me Berishën ndodhi ndryshe; ai bëri dhurata në çdo ditë të pushtetit të tij pas shkurorëzimit.

Dhuratat e Berishës nuk ishin të zakonshme. Koha që ishte në mes të zgjedhjeve dhe vendosjes së pushtetit të ri, të dalë nga këto zgjedhje, duke qenë shumë më e gjatë se sa duhej, ishte plotësisht e mjaftueshme për të zhytur vendin në një kolaps edhe më të rënduar financiar, me pikësynimin e shprehur budallshëm nga vetë Berisha, se, “vendi do të shkojë si Greqia”. Ankthi për rikthimin në pushtet përmes përmbysjes ekonomike, i detajuar deri në imtësi nga Berisha dhe grupi i skifterëve ekonomikë pranë tij, ku është jo vetëm Basha apo Mima, por edhe të tjerë që nuk gjenden në listat e pagesës shqiptare, solli një rrëmujë të jashtëzakonshme në financat e vendit. Brenda pak javësh u shit, shpesh edhe me çmime qesharake, një pjesë e rëndësishme e pasurisë së shtetit, u bënë rrokada ekonomike të pashpjegueshme, fluturuan nga Shqipëria disa qindra milionë euro drejt parajsave financiare, ku kanë depozitat e tyre jo pak njerëz të politikës dhe të mafias politike të lidhur me Berishën. Jo vetëm drejt Qipros, që është tashmë një adresë e zbuluar dhe e “licensuar” nga fazlliqët, por edhe drejt vendeve të tjera, ku kanë shkuar më parë edhe qindra milionë euro të tjera.

Parimi i Berishës se “pas meje, të bëhet qameti” nuk është thjeshtë një thënie e zakonshme, por linjë për të arritur qëllimin. E para që ai mund të bënte pas humbjes plebishitare të pushtetit, ishte pikërisht kjo: qameti ekonomik, sepse nuk kishte asgjë tjetër në dorë. Ai nuk mund të bënte pas 23 qershorit dhe deri në shtator asnjë grusht shteti, asnjë përmbysje të lojrave politike me dhunë, mund të bënte vetëm këtë: humnerën ekonomike, në të cilën ai mezi pret që të fundoset i gjithë populli që nuk e besoi, por e ndëshkoi dhe ky do të jetë njëkohësisht ndëshkimi i tij dhe rikthimi i tij në pushtet.

Qetësia me të cilën duket se e kanë marrë socialistët këtë humnerë, të cilën e shohin, por nuk e mbushin, i jep shpresën e re Berishës se ka gjetur një modus vivendi të jashtëzakonshëm për të bërë përmbysje të madhe dhe për më tepër, të realizojë një shkapërcim drejt pushtetit në këtë prag të fundit të fuqive të tij politike e njerëzore.

Mirëpo i gjithë ky skenar, që është skicuar para 23 qershorit dhe ka marrë tiparet e tij pas kësaj date, ka një të metë, që nuk përputhet me karakterin e Berishës dhe natyrën e tij shpërthyese. Ka të metën e kohës. Koha është armiku i saj dhe Berisha e di këtë.

Për të pasur sukses kjo përmbysje ekonomike Berishës dhe skifterëve pranë tij, përgjithësisht të grumbulluar në shërbimin informativ partiak të tij, i duhet të presë, por ai nuk është mësuar të presë. Ai ende ndjen angushti kur mendon se i gjithë ky mision i tij mund të përmbyset. Ai kishte ankth të jashtëzakonshëm kur u diskutua mundësia e një ndihme të fuqishme ekonomike të SHBA ndaj shtetit shqiptar, në kondicion eleminimin e lëndëve kimike siriane në Shqipëri. Ankthi i tij dhe i grupit rreth tij bëri që gjithçka të transformohet, që shteti shqiptar dhe qeveria amerikane të paraqiten si institucione vrasëse, ku masakra do të jetë në çdo rrugë, shesh e shkollë, ku fëmijët e vrarë do të kallnin tmerrin… dhe e gjitha, pa përjashtim, u kalkulua në qilaret e politikës së zezë berishiane, sëbashku me ankthin se kësisoj Shqipëria mund të dalë nga kriza ekonomike dhe të ketë një vend të ri në staturën e saj politike. Ai ishte i gatshëm të shtrihej në mes të sheshit në Tiranë, ku kishte vrarë demonstrues dhe të shtrihej së bashku me fëmijët e gjorë, (por jo me nipat e mbesat e tij që asokohe bridhnin nëpër Europë) për të dhënë një spektakël ogurzi.

Koha është armiku i Berishës në kalkulimin e parë. Ai nuk do të mund të presë kaq gjatë, edhe pse natyra e tij shpërthyese nuk e lejon; edhe pse mund të ndodhë një ndryshim ekonomik që nuk lejon përmbysje të tjera.

Askush më mirë se ai nuk e di se në tre muaj qeverisje jo vetëm që nuk ka faj për humnerën ekonomike të krijuar, por as që mund të mendosh të dalësh nga kjo humnerë. Për më tepër ai e di krejt mirë se, edhe kjo që është zbuluar deri tani si humnerë ekonomike, është vetëm një pjesë e saj dhe me këtë lidhen shpresat afatgjata të tij.


Rikthimi përmes dhunës së rrugës

Ka disa kohë që, si asnjëherë më parë, Berisha po gjen krahasime me vende të tjera, në të cilat ndodhin revolta, për të bërë përngjasimin me atë që dëshiron të ndodhin në Shqipëri. Atë e josh shembulli ukrainas, jo sepse i qan zemra për ata që protestojnë, por nga dhimbja që ende askush nuk po e ndjek në thirrjet e tij delirante, por njëkohësisht edhe mizore, për përmbysjen e pushtetit në Shqipëri. Thirrjet e tij, qoftë nëpër foltore, qoftë në mediat sociale, janë kaq haluçinante, por edhe kaq të rrezikshme, saqë në çdo vend tjetër të Bashkimit Evropian, ata jo vetëm do të dënoheshin, por njeriu i çartur do të dilte fishek nga skena politike.

Në fakt radikalizmi i skajshëm politik i Berishës, i cili ngjan me radikalizmin vehabist në metodat dhe në përçartjet e tij, duhej të ishte prej kohe jashtë lojës politike në Shqipëri. Ka ndodhur edhe në vende të tjera, jo shumë larg nesh, që njerëz të njohur të politikës, edhe kryeministra, për shkak të qëndrimeve të tyre ultra-radikale, janë shpallur të padëshirueshëm për jetën politike dhe janë përzënë prej saj.

Thirrjet e Berishës për linçimin e qeverisë së re, e cila ende nuk mund të fillojë nga puna, sepse po numëron plagët që ka lënë vetë Ai, kanë pas vetes synimin e përgatitjes së njerëzve të tij për një përleshje të re me qeverinë, e cila, duke pasur një kornizë të licensuar, do të ishte radikale deri në fund. Fakt është se Berisha po përgatit njerëzit e tij për të qenë të gatshëm për fillesën e demonstratave dhe të lëvizjeve të dhunshme, për bllokimin e institucioneve dhe të jetës normale të vendit, për krijimin e një gjendje pasigurie në të gjithë vendin, ndaj shton numrin e vrasjeve, dhunimeve, plagosjeve; për krijimin e një psikoze se jemi në fillimin e një katastrofe të gjithanshme, dhe për t’u përballuar kjo, domosdo, duhet një lëvizje e falangave të tij, të cilët, duke ikur nga pushteti, jo vetëm kanë humbur benificiet e tij, por edhe kanë drojën se mund të jenë ende të pranishëm ku kanë lënë gjurmët e tyre në grabitje, arrestime, dënime e vrasje.

Në muajt e fundit të qeverisjes së tij, jo rastësisht e jo vetëm për disa vota, Berisha dhe klani i tij, familjar e politik, shtuan në mënyrë drastike të punësuarit në administrata, listën e njerëzve që kishin përfitime sociale, etj. Shumica dërrmuese e atyre që përfituan ndihmë sociale ishin familje që garantonin votën proberishiste, ndërsa të punësuarit përmes një liste partiake ishin të zgjedhurit specialë partiakë. Mjaftoi një periudhë e shkutër, nga 1 prilli i këtij viti, kur Meta doli nga koalicioni qeveritar e deri në fillim të korrikut, ku të gjithë të punësuarit e kësaj partie, pra rreth 25 për qind e administratës, u zevëndësuan me njerëz të devotshëm partiakë, berishistë të thekur.

Shumë prej tyre tani, është krejt normale, do të largohen nga detyra. Mendoj se edhe largimi i tyre është zgjatur shumë. Ishte një e keqe që duhej bërë pa dhembje dhe pa drojë. Por kjo falangë është shpresa e qëllimshme e Berishës, ndaj i nguc ata, i shantazhon, i shumëfishon, jep shpresën se nuk janë vetëm, krijon zyra fantazmë për mbrojtjen e tyre, i regjistron (në fakt krijon kështu listësulmin e mundshëm militant) dhe kur do të mendojë se kjo listë është e mjaftueshme, i vendos ata në funksion të skalionit të parë: militantëve të rrugës, që nuk janë të paktë në partinë e tij.

Kjo është një periudhë më e shkurtër në politikën e tij. Mund të zgjasë disa muaj, sepse ende ai ka mendimin se kushtet nuk janë pjekur… ndaj po forcon agresivitetin e gjuhës së tij dhe ashtu helmuese, por fut në lojë edhe disa nga skifterët e tij, ku më i shëmtuari dhe më qesharaku ishte një zogth politik, me emrin Keltis Kruja.

Zakonisht rrëmujën e madhe Berisha e bën ose në fillim të pranverës, kujtoni 2 prillin në Shkodër, ose në fillimin e vjeshtës, kujtoni shtatorin e vitit 1998.

Më e mundshme që këtë lëvizje ai ta fillojë që në fund të këtij dimri dhe këtë tashmë e thonë edhe institucione të rëndësishme studimore të politikës evropiane. Ai, përmes zëdhënësit të tij, Lulzim Basha, fillimisht kërkon të skifterojë partinë, përmes zgjedhjeve të reja, në të cilat skifterët e vjetër do të rrijnë fillimisht larg, nga droja se mos edhe njerëzit që mendojnë normalisht brenda partisë, bëhen pjesë e detantës politike, që si mendoj, kishte menduar të niste Olldashi.

Por Berisha nuk do të ishte Berishë nëse ai do të ndalej këtu.

Më e mundshmja, por edhe më e rrezikshmja, është përmbysja e qeverisë përmes rrugës më radikale, të cilën ai e ka provuar një herë dhe mendon ta provojë edhe një herë tjetër: përmbysjen me dhunë, përmes një grushti shteti, të cilit ai ia ka marrë dorën prej kohe.

Kjo është rruga më e rrezikshme për të… por nga padurimi dhe duke parë se gjendja mund t’i shkasë nga duart, ai do e provojë këtë edhe një herë.

Sikur asgjë të mos kishte mësuar Berisha nga komunizmi, ku ishte pjesë e rëndësishme për më shumë se 20 vite, duhet të kujtohet se ka një thënie marksiste se, “ajo që në fillim shfaqet në formën e tragjedisë, herën tjetër do të jetë një farsë komedie”.

Berisha mendon vetëm për pjesën tragjike të saj. Sidoqoftë viti i ardhshëm kur Berisha mendon të bëjë gati grushtin e tij politik e rrugësor, është krejt ndryshe nga viti 1998.

Në vitin 1998 kishte një koincidencë të habitshme mes grushtit të shtetit të shtatorit të vitit 1998, ofensivës serbe në rajonin e Dukagjinit dhe kërkesës së zotit Rugova ndaj presidentit Klinton për largimin nga pushteti të socialistëve, të cilët, sipas tij, po ndihmojnë forcat nacionaliste dhe separatiste.

Në takimin me përfaqësuesit më të lartë të shtetit shqiptar, zotin Mejdani, zotin Nano, Kastriot Islami që ishte pjesë e takimit në cilësinë e tij si zëvendëskryeministër i qeverisë socialiste, dhe të tjerë, përfaqësia më e lartë e Lëvizjes Popullore të Kosovës dhe e UÇK-së, në gushtin e vitit 1998, ia bënë të qartë asaj se pritej një lëvizje politike e dhunshme, sipas një skenari të mirëditur nga njerëzit e lidhur me UÇK-në brenda strukturës ushtarake të FARK-ut, me të cilët ishte i lidhur Berisha dhe Azem Hajdari. Po ashtu, ata u qartësuan edhe për bisedën e zhvilluar mes zotit Rugova dhe presidentit Klinton, ku ishte i pranishëm edhe Veton Surroi. Çuditërisht, pak para grushtit të shtetit, në rajonin e Dukagjinit, ndodhën tentativa për përmbysje politike në strukturën ushtarake dhe brenda pak ditëve, më shumë se 5 mijë armë u dorëzuan tek ushtria e policia serbe. Dezertorët u bënë pjesë e grushtit të shtetit, por jo rastësisht edhe shtypi beogradas, i lidhur me regjimin e Milloshiviçit, priste e parashikonte lëvizje në Shqipëri.

Tani nuk është më ajo gjendje politike. Shqiptarët e Kosovës që mund të bëhen pjesë e grushtit të shtetit të Berishës janë aq të paktë, saqë as nuk mund të llogariten. Duke qenë pjesë e elitës titiste ose të lidhur me të, ata janë të aftë të vrasin e të shpifin pas shpine, por jo të përballen.

Së dyti, Kosova nuk është në luftë. Atje qeverisin njerëz të dalë nga lufta dhe të jeni të bindur se, nëse bashkohet krahu i luftës, ata do të qeverisin për shumë vite. Ndaj Berisha nuk mund të presë ndihmë prej tyre.

Së treti, në Shqipëri nuk ka struktura të armatosura, si ishte FARK-u i qeverisë Bukoshi, që mund të përbënte një kërcënim. Njerëzit e armatosur janë thjeshtë njerëz të Berishës, pjesë e strukturave të ngritura nga ai, të afta që nga sulmet mbi kullat e deri tek sajimi i aksidenteve automobilistike. Kjo do të thotë se ata janë të mirënjohur.


Favoret e Berishës në përgatitjen e grushtit të shtetit, po ashtu, janë të njohura.

Ndryshe nga viti 1998, kur Ai dhe njerëzit e tij prisnin ndihma financiare nga qeveria e Kosovës, tani, ai vetë dhe njerëzit e tij janë të pasur. Aq të pasur, saqë mund të financojnë jo vetëm një grusht shteti, por një luftë. Nëse lufta në Kosovë, përmes Fondit “Vendlindja thërret”, pra përmes kontributit të njerëzve adhetarë, ka kushtuar jo më shumë se 160 milionë marka, ose rreth 80 milionë euro, kjo shumë është lehtësisht e përballueshme vetëm nga një pjesë e mafias politike dhe ekonomike e lidhur me Berishën. Pra elementi financiar nuk e pengon atë.

Berisha prej kohe ka rreth vetes një grusht besnik njerëzish, të përgatitur, që kanë qenë ose janë pjesë e strukturave të specializuara të ndërhyrjeve policore apo ushtarake. Të grumbulluar në struktura të ditura nga ai dhe një grup i vogël rreth tij, ata janë të gatshëm që përsëri, si në shtatorin e vitit 1998, të hipin mbi tanke dhe të sulmojnë ndërtesat qeveritare. Ky grusht disa dhjetra njerëzish është ajo që mund të quhet “elita ushtarake”. Ata edhe do të dalin, nuk do të dalin gencët, Pollo apo Ruli, nuk do të dalin Mimët apo Bodet, në rrugë do të jenë skifterët, të tjerët do të përgatitin deklaratat politike. Fakti që në një pjesë të rëndësoishme të strukturave të ndërhyrjeve të shpejta nuk është bërë reforma e duhur, u jep shpresë atyre se, si në vitin 1988, do të ketë përsëri njerëz të palës tjetër që do u dhurojnë tanket dhe autoblindat. Ky grup është edhe më i rrezikshmi.

Nëse kjo do të ndodhë, pra kjo lëvizje për përmbysjen me dhunë të qeverisë, Berisha nuk do të ndalet as nga telefonatat që i vijnë nga banorë të Amerikës që flasin një shqipe të malit të Zi, e as nga droja e ndërkombëtarëve. Ai ka në favorin e tij Gjykatën e Lartë, Prokurorin e Përgjithshëm, shefin e SHISH, e në fund edhe Presidentin. Pra, gjithçka që i duhet për t’i dhënë një pamje ligjore përmbysjes së dhunshme. Do të shkojë deri në fund, sepse kësaj here është në lojë e ardhmja e fëmijëve, nipërve dhe mbesave të tij…

Ka edhe një mundësi tjetër, që ai po përpiqet ta blejë sa më lirë, por që është i gatshëm të paguajë sa më shtrenjtë: Ndryshimi i lojës në tavolinë, krijimi i një lidhje të re me LSI. Ndaj edhe po i jargaviten atij, duke ia ditur huqet dhe duke ia pasur frikën.


Cila prej tyre do të ndodhë?

Nëse qeveria e re ndërton linjën e saj të duhur të komunikimit dhe të fillesës së mbarë, nëse ajo krijon përmes staturës së saj modelin e asaj që duhej të ishte prej kohe në Shqipëri, të gjitha mund të shndërrohen në llafazeneritë e zakonshme të Berishës, nga gjuha e të cilit duhet të ruhesh edhe kur të thotë shëndet.
  
Bedri Islami

Vjenë, 14 dhjetor 2013


 imazhe shqip


*   *   *

Hidhet në erë me tritol Kompleksi Jon

“pallati i Bashës” 
në Ujin e Ftohtë, në Vlorë

<img src="Kompleksi Jon tritoli.jpeg" alt="Kompleksi Jon, Uji i Ftohte, Vlore, Hidhet te ere me tritol, imazhe shqip," />

Kompleksi “Jon” në Ujin e Ftohtë nuk ekziston më, por pas ka lënë një grumbull betonarmeje dhe një dosje penale me qindra faqe në prokurori. Kur ora shënonte 14:00 e pasdites së djeshme, teksa zona ishte blinduar me forca sigurie, butoni i kuq është shtypur nga një distancë prej 40 metrash dhe të paktën 300 kg eksploziv plastik shkulën dhe shembën nga vendi dy kullat 8 katëshe. 

<img src="Kompleksi Jon Lulzim Basha.jpeg" alt="Kompleksi Jon, Uji i Ftohte, Vlore, Hidhet te ere me tritol, imazhe shqip," />

<img src="Kompleksi Jon, Lulzim basha.jpeg" alt="Kompleksi Jon, Uji i Ftohte, Vlore, Hidhet te ere me tritol, imazheshqip," />

<img src="Kompleksi Jon.jpeg" alt="Kompleksi Jon, Uji i Ftohte, Vlore, Hidhet te ere me tritol, imazhe shqip" />

<img src="Kompleksi Jon.jpeg" alt="Kompleksi Jon, Uji i Ftohte, Vlore, Hidhet te ere me tritol, imazheshqip" />

<img src="kompleksi jon -lulzim basha.jpeg" alt="Kompleksi Jon, Uji i Ftohte, Vlore, Hidhet te ere me tritol, imazhe shqip" />

Në radion e komandimit është komunikuar gatishmëria e të gjitha pozicioneve ku ishin lidhur kallëpet e eksplozivit dhe pas numërimit ‘count-down’, një zhurmë e fuqishme i la vendin palosjes së kullave dhe tymit të zi. Edhe pse një pjesë e mediave e interpretuan si një shpërthim i pjesshëm, ku kulla jugore nuk ishte shembur plotësisht si ajo veriore, ekspertët treguan se kështu ishin bërë llogaritë që në fillim, pasi një prej pallateve mund të dëmtonte shtëpinë 100 vjeçare ngjitur, ose mund të binte i gjithi në det, pasi ishte më pranë ujit se kulla tjetër.



Operacioni

foto pallati i shemburPrej ditës së premte ishin njoftuar masat e sigurisë, ndalimi i qarkullimit nga ora 08:00-16:00 të pasdites së djeshme. Në dispozicion qindra forca policie, specialistë të Xhenios, Antieksplozivit, INUK, Bashkisë dhe autoritete vendore dhe qendrore. Po kështu dy ambulanca dhe katër zjarrfikëse për rastet emergjente. Në pritje edhe mjetet e rënda të Policisë Ndërtimore, fadroma dhe skrepa. Gjithçka ka shkuar sipas parashikimeve, kur në orën 14:00, 300 kg eksploziv plastik rrafshoi dy kullat në pronësi të Xhafer Isufit, vjehrrit të kryetarit të PD-së, Lulzim Basha. Asnjë incident dhe asnjë dëm njerëzor. I vetmi fakt ishte se kulla jugore u shemb vetëm në tre katet e saj dhe 5 të tjerat që u dëmtuan keqazi mbeten në këmbë. Por specialistët sqaruan se aty ishte vendosur më pak eksploziv, pasi nuk duhej shembur tërësisht për të shmangur dëmtimin e një banese dy katëshe ngjitur, shtëpi 100 vjeçare, por edhe që inertet të mos binin në det, pasi do kërkonte kosto shtesë.


INUK

Menjëherë pas shpërthimit të fuqishëm, drejt krahut gjysmë të shembur të kompleksit ndërhyri një mjet i rëndë i INUK-ut, që nisi të godiste kolonat e kullës për rrafshim të ngadaltë. Kreu i institucionit, Zyhdi Dajti, shpjegoi se “ishte lënë sipas planit që kjo pjesë të shembej me mjete mekanike dhe në mënyrë të ngadaltë, për të mos dëmtuar banesat afër”. Punimet aty do vijojnë me mjete të rënda edhe për disa ditë, deri në pastrimin nga inertet. Rreth orës 15:00 qarkullimi i mjeteve Skelë-Uji i Ftohtë u zhbllokua përsëri. Ky operacion u afrua me një ditë për shkak të ngjarjes së ndodhur në Kryeministri, ku makinës së prefektit të Vlorës iu gjet një kallëp eksplozivi i telekomanduar. Para shpërthimit, pallatit i ishin hapur mbi 1500 vrima për vendosje eksplozivi.



Paligjshmëritë e pallatit

Firmat e 2 të vdekurve, 
leja e parregullt, zaptimi i detit dhe falsifikimet

Prokuroria e Vlorës nuk ka kryer asnjë veprim penal, edhe pse prej dy javësh, Ministria e Brendshme ka depozituar një dosje me 49 faqe me parregullsi ligjore të “Kompleksit Jon”. Madje edhe për falsifikimin e firmave të dy të vdekurve që rezultojnë shitës të truallit tek vjehrri i Lulzim Bashës, kjo prokurori ka heshtur dhe nuk ka kryer asnjë ndalim në flagrancë. Më 1994, familja Ndini merr truallin e zaptuar nga regjimi komunist. Bëhej fjalë për 1 mijë metra truall që ia njohu Komiteti i Kthimit të Pronave me dokumentet e vitit 1937. Por familja Ndini përfiton nga situata dhe i kërkon Gjykatës së Vlorës t’i njohë edhe 600 metrat e detit të tërhequr në kufirin e pronës. Gjykata e legalizon më 1996, edhe pse ligji nuk e lejonte. Më 2008, KRRT e Bashkisë Vlorë dhe kryebashkiaku Gjika, firmosin lejen e ndërtimit për kompaninë “G.B-A Konstruksion” me pronar Xhaferr Isufin, vjehrrin e Lulzim Bashës. Madje e firmos edhe pse kompania kishte përvetësuar truall në det dhe zbritur 40 metra të tjera në det. INUK në 2011 kërkon pezullimin e punimeve dhe e denoncon pallatin. Por denoncimi i Gjergj Bojaxhi hidhet në “kosh” nga prokuroria e Vlorës. Me një sërë procedurash të paligjshme, pallati legalizohet i gjithë dhe aktualisht është nën hetim. Por nuk mjaftohet me kaq, pasi në 11 nëntor 2009, Xhafer Isufi dhe ortaku i tij Xhuvi Sharxhi, firmosin me Elpiniqi Ndinin, Jorgji Ndinin dhe 19 familjarë të tyre. Mirëpo Jorgji kishte vdekur 51 ditë para kontratës së shitjes së legalizuar nga noterja Mimoza Shehu në Tiranë. Kurse Elpiniqi Ndini kishte ndërruar jetë 14 vite më parë, por nënë e bir rezultonin firmëtarë, pra të ngjallur nga varri. Skandali është ende nën hetim, me 50 persona të dyshuar, por asnjë të arrestuar./ Dita

imazhe shqip



*   *   *

Antikomunisti primitiv po ritenton luftën civile



   “Antikomunist primitiv që po kërcënon vendin e tij me atë që di të bëjë më mirë, luftën civile”. Kështu e quan Sali Berishën në blogun e tij Max Brym, një hebre me shtetësi gjermane, i angazhuar si ligjërues në Universitetin e Prishtinës. I cituar shpesh në shtypin kosovar me qëndrime kritike ndaj politikës në Tiranë e Prishtinë, vecanërisht ndaj Berishës e Thaçit, Brym citon postimin e fundit në Facebook të Berishës për të tërhequr zvarrë Edi Ramën si statujën e Leninit në Ukrainë, duke e konsideruar atë si një kërcënim për luftë civile të një antikomunisti primitive që e ka bërë edhe më parë këtë gjë me vendin e tij pa u ndëshkuar.

 imazhe shqip

   Të njëjtin paralajmërim bën edhe gazeta e Prishtinës Ekspres duke cituar të njëjtin postim që citon Brym si dhe radikalizimin e qëndrimeve të ish-kreut të PD-së pas rënies nga pushteti. 
    Të bën përshtypje që komentet e lexuesve kosovarë poshtë shënimit nuk janë ato që zakonisht mendohet në Shqipëri se janë reagimet e publikut kosovar kur flitet për Berishën.
   Ndërsa ata pak që e mbrojnë nuk kanë argumenta por përdorin sharje fyese me “t’i h…m..Berishës” apo “ju q…” etj, shumica janë kritikë dhe e duan Berishën para drejtësisë. 


   Më poshtë disa prej këtyre komenteve të lexuesve kosovarë të Ekspresit për Berishën:

…Bani tregeti me Milosevicin gjate embargos sa deshi duke mbajt gjalle ate rregjim. $350 milione nafte i ka cu Milosevicit cubi i Vicidolit. Pastaj e zhyti Shqiperine ne lufte civile si ne afrike. Kafsha Sali…

…Nese eshte e verte se ja ke shit greqies detin at her e meriton o sal me qit ne qygje kjo eshte trathti ndaj shtetit…

 …Te pret fati i ish Kryeministrit Kroat: Ivo Sanader… Mos u frigo nga drejtesia, o cub tropoje!

 …I gatshem per destabilizim gjith u kon,muttt gjith u kon

…Shum leht’ dihet kush eshte kan i korrupton. Se ata qe jen kan te korrupton bojn fjal dhe munohen mu khty ne pushtet me akuza. Salih berisha e ben kit, isa mustafa e bon dhe tjer politikan. Tash nuk pi ja di emrat krejtve se shum jon bo ;)

…Me vjen kec more Sali Berisha po duhesh ta tregosh realitetin se bija jote ce le femije airoportve te Evropesh duhesh me u pergjegj per hajni nej fjal popudhore thot (nuk shkon kungulli apo hutini dajma perbi uje dikur sha…)

…Shqiperia pati fatin e keq me kete hajn e antikombetar te mbeshtjellur ne petkat e patriotizmit fals. Do te ishte ne BE para Bullgarise, Rumanise, Sllovenise e Kroacise. Por ky malok i poshter ua vodhi shqiptareve dhe Shqiperise te ardhmen. Kur flitet per kete jashteqitje, nuk duhet ndare as jashteqitjen tjeter, ate te birin e magjupit me emrin ibrahim rugov(n)a, i cili e sabotoi luften e UÇK’s dhe na e shtyu lirine per nje dekade vetem pse donte te jetonte si mbret por pa popull e pa shtet. Do doja te ishte gjalle dhe ky pordheci tjeter e t’i shihja te dyte ne biruce. Felliqesira!

 ….jo veq ty e argites por edhe fazlliqit do i vij fundi se mendojshe me patriotizem fallso i mashtron popullin e pasurohesh me familjen ne kurriz te popullit por populli thot: kadal beg se ka hendek dhe une mendoj se sa ma shpejt te burgosi ty shpeton shqiperia.

 ….Ti o Salua është dashtë kaherë të jesh prapa grilave i dënuar për jetë për bashkëpunimin tënd në kohën më të keqe për Kosovën me kasapin e Ballkanit. Lere popullin tim rehat e poashtu edhe demokracinë e demokratët se ata nuk mund të ta zbardhin ty fytyrën e nxirë kaherë. Mirë që ike dhe drejtohu vet tek dyert e burgut të përjetshëm, vetëm kështu mund të të mbetet ndonjë fije e vockël nderi…

 ….valla se ki larg edhe ti se veq probleme i ke sjell shqiptareve te Kosoves, kurgje te mire nuk ke be o i paftyre

 ….Qëndrimi e fytyra e tij janë të një psikopati…Gjithmonë punon në kurriz e dëmë të shqiptarëve dhe shtetit shqiptar…për karrig të vet,i poshtër është ky njeridhe shumë i rrezikshëm!Allahu na ruajt nga ky e të tillët!/Express

imazhe shqip



*   *   *




Çfarë di Doktori për tritolin?

Ka patur shumë versione e pikëpyetje mbi atë që ndodhi sot në oborrin e kryeministrisë në Tiranë. Ka persona në media e politikë që janë skeptikë për atë që ka ndodhur duke e lidhur kryesisht me figurën e prefektit Dervishi apo ministrit Tahiri, por ka të tjerë në këto grupime e më gjerë që mendojnë se ngjarja është shumë serioze dhe meriton vëmendje maksimale.

<img src="Doktor Sali Berisha.jpeg" alt="Doktor Sali Berisha, tritoli, Besnik Dervishi" />

imazhe shqip

Hetimet (nëse nuk degjenerojnë si zakonisht), ndoshta zbardhin realisht atë që ka ndodhur, por ndërkohë ajo që bën përshtypje është se pas zbulimit të sasisë së tritolit të telekomanduar poshtë kryeministrisë, nga Partia Demokratike vjen një deklaratë e papritur.

Keltis Kruja, deputet i Partisë Demokratike, ka dalë në një konferencë për shtyp nga selia blu, ku foli për një ngjarje të inskenuar sipas tij nga Kryeministri dhe ministri i Brendshëm. Sipas Krujës PD-ja ka informacione se gjithçka ka qenë një skenar i parapërgatitur. Kjo deklaratë e PD-së është tepër e pazakontë sidomos sepse erdhi vetëm pak pasi ngjarja kishte ndodhur dhe hetimi i ngjarjes ishte krejt në fillesat e veta.  Është e qartë se deputeti Kruja është lexues i deklaratës dhe është Berisha dora vetë hartuesi i saj. Të lind një pyetje:  Si e kuptoi Berisha kaq shpejt që gjithçka ishte një teatër i inskenuar?

Përgjigja e kësaj pyetje ka tre opsione logjike:

1. Berisha ka informacione të sakta se është e inskenuar dhe po denoncon aktin
2. Berisha nuk ka asnjë ide nëse është e inskenuar ose jo por bën të vetën në mënyrë populiste
3. Berisha e di mirë se nuk është e inskenuar por është duke mbrojtur dikë.

Le t’i marrim me radhë.

- Në variantin e parë, nëse Berisha ka informacione të sakta që është e inskenuar atëherë minimalisht duhet të vriste mendjen për dekonspirimin ligjor të kësaj skeme që sipas tij është arkitektuar nga Rama-Tahiri. Do mblidhte provat e qarta të inskenimit dhe me siguri që do përfitonte shumë politikisht. Por jo, ai si provë paraqiti disa “informacione informale” vërtetësinë e të cilave nuk është në gjendje të na bindë, por ka nxituar me një alibi të vetën për ngjarjen nga ato tymset e zakonshme të tij duke mos dorëzuar në prokurori asnjë të dhënë.

- Në variantin e dytë nëse Berisha nuk ka asnjë ide dhe informacion mbi këtë ngjarje, mbetet i dyshimtë fakti se si ai pa pasur asnjë informacion kërkon ta bëjë si një ngjarje të inskenuar nga Rama. Në këtë version Berisha po përpiqet që të arrijë qëllime politike duke mos e çarë kokën se kjo lëvizje mund të ndihmojë ndonjë grupim kriminal që mund të ketë orkestruar ngjarjen. Pra praktikisht Berisha është duke dhënë ndihmë të tërthortë për autorët.

- Në variantin e tretë, kur Berisha e di mirë se kush e ka bërë dhe kërkon me çdo kusht ta  mbrojë duke orientuar vëmendjen atëherë mund të kemi të bëjmë me një implikim të drejtëpërdrejtë të vetë Berishës.

Këto dyshime ndaj tij vijnë pikërisht nga kjo deklaratë e nxituar dhe me “alibi të gatshme” nga selia e PD-së. Janë vetë ata me nxitimin e tyre që të bëjnë të mendosh se ose kanë dalë mendsh ose një hall e kishin e prandaj dhe u nxituan. Deklarata të ngjason me atë Fax-in e famshëm drejt zyrës së OSBE-së të dalë nga selia e PD-së ku jepeshin të gjitha detajet e vrasjes së Azem Hajdarit vetëm pak minuta pasi kishte ndodhur ngjarja.


<img src="Doktor Sali Berisha.jpeg" alt="Doktor Sali Berisha - tritoli Besnik Dervishi" />


Dështon atentati te Kryeministria ndaj prefektit të Vlorës


Nga Artur Qoraj dhe Erion Habilaj

Dështon atentati mafioz në Kryeministri ndaj prefektit të Vlorës. Oficeri i Gardës, shefi i njësisë dhe komandanti, shmangin një ngjarje që mund të kishte pasur pasoja të rënda. Poshtë makinës “Peugeot 407”, me targa TR5066N që përdorej nga prefekti Besnik Dervishi, u gjetën në vendin e shoferit, poshtë sediles dhe afër shasisë, 200 gramë eksploziv C4 i lidhur me arsen celady detonatorë dhe një celular të vjetër “Samsung”. Ndërhyrja e shpejtë e Gardës dhe më pas xheniove të RENEA-s, fillimisht me bllokimin e valëve të celularëve dhe më pas me çaktivizimin, bëri të mundur shmangien e tragjedisë. Prefekti sapo kishte zbritur nga makina, kurse shoferi po futej në hyrjen kryesore kur oficeri roje me një pasqyrë konstatoi pakon e dyshimtë dhe lajmëroi eprorët. Prefekti kishte lënë një takim me shefin e Antikorrupsionit në Kryeministri, Ergys Hoxha dhe mjeti kishte leje për të hyrë në institucion. Dervishi u mor në pyetje për 3 orë në Prokurorinë e Krimeve të Rënda, më pas iu sigurua mbrojtje fizike atij dhe familjes. Grupi hetimor i Prokurorisë dhe Policisë së Shtetit ka ngritur disa pista hetimi, mes të cilave ajo për detyrën, që lidhet me të gjitha procedurat e kryera që zbuluan skandalin e paligjshmërive të pallatit në Ujin e Ftohtë dhe ndërtimet pa leje. Po ashtu hetohen pistat e një atentati edhe ndaj shefit të qeverisë, pasi mjeti po hynte në institucion, ku dhe do parkohej.


Ngjarja te Kryeministria

Gjithçka ka ndodhur rreth orës 09:30, kur automjeti tip “Peugeot”, me targa TR5066N, në pronësi të Besnik Dervishit, me detyrë prefekt i Vlorës, është drejtuar për të hyrë në mjediset e selisë së Kryeministrisë. Në mjet ndodhej prefekti në vendin e pasagjerit dhe shoferi i tij. Prefekti ka zbritur pikërisht në momentin që mjeti mori kthesën për në hyrje ku ndodhet oficeri, me qëllim që të shkonte për kafe në lokal në pritje të takimit të rezervuar me shefin e Zyrës Antikorrupsion në Kryeministri. Nga kontrolli i specializuar i ushtruar nga efektivat e Gardës në hyrje të zonës së brendshme të Kryeministrisë, është konstatuar se në pjesën e poshtme të automjetit ishte vendosur një objekt i dyshuar si sasi eksplozivi. “Oficerët e Gardës së Republikës i kërkuan drejtuesit dhe pasagjerit të automjetit, të largoheshin nga mjeti si dhe bënë bllokimin e lëvizjes së mjeteve në hyrje të Kryeministrisë. Menjëherë janë njoftuar shërbimet e specializuara të Policisë së Shtetit dhe Njësia Antieksploziv e repartit RENEA si dhe Prokuroria për Krimet e Rënda”, thanë burime zyrtare.


Operacioni i specialeve

Policia ka urdhëruar dhe ka marrë masa të menjëhershme për evakuimin e të gjithë personave rreth vendit të ngjarjes duke siguruar edhe perimetrin e nevojshëm për kryerjen e veprimeve nga ana e ekspertëve antieksploziv. Njëkohësisht u krye bllokimi i valëve të celularëve në atë zonë. Më tej u konstatua se pakoja përmbante pak më shumë se 200 gramë eksploziv plastik, me të cilën ishin lidhur dy kapsolla detonatore dhe një celular. Brenda dy orëve është kryer veprimi nga specialistët e xhenios dhe njësisë antiminë, ku me një pushkë pneumatike është neutralizuar fillimisht mekanizmi dhe më pas çaktivizimi. Mësohet se ndërprerja e valëve të celularit ka kërkuar një kohë për 20 minuta, ndërsa i sigurua edhe perimetri i evakuimit në kryeministri dhe rreth saj.


Hetimet e para

Pas çaktivizimit, është ngritur menjëherë edhe grupi hetimor, në përbërje të të cilit drejtuesit e lartë të policisë, kreu i Tiranës, Ardian Çipa, nëndrejtori i Përgjithshëm, Sokol Bizhga, kreu i Antiterrorit që ndjek rastet e zyrtarëve, kreu i Prokurorisë së Krimeve të Rënda dhe prokurorë e oficerë gjyqësorë. Kur është verifikuar se mjeti nuk kishte sende të tjera të dyshimta, është kërkuar që prefekti Besnik dervishi të shkonte në Prokurorinë e Krimeve të Rënda për të dhënë sqarime. Ka qëndruar për 3 orë në organin e akuzës dhe prezent kanë qenë të gjithë titullarët e policisë dhe prokurorisë. Nëndrejtori Bizhga tha pas seancës së pyetjeve se ‘nuk mund të jepen detaje nga hetimi, por po vlerësohet e gjithë situata me qëllim zbardhjen e ngjarjes dhe autorëve të këtij krimi”.


Rrëfimi i Dervishit

Mësohet se prefekti i Vlorës, Besnik Dervishi, ka mohuar të ketë pasur kërcënime për detyrën gjatë këtyre dy muajve në post. Gjithashtu ka deklaruar se nuk kishte mosmarrëveshje apo probleme institucionale. Ai nuk ka dhënë deklaratë për mediat pas daljes nga prokuroria, por grupi hetimor e ka dëgjuar për 3 orë me radhë, duke marrë informacion edhe për ndonjë mesazh apo telefonatë anonime dhe kërcënuese. Hetimet janë përqendruar tek një paralajmërim për shkak të detyrës që kryen në kuadër të fushatës së rrafshimit të ndërtimeve pa leje dhe procedurave të tjera si qeveritar vendor dhe atentati po për shkak të detyrës.


Objektivi i atentatit

Burime nga grupi hetimor thanë se qëllimi i autorëve ka qenë dhënia e një mesazhi për të sfiduar shtetin. Por ende nuk mund të thuhet nëse objekt ishte paralajmërimi apo eleminimi fizik i prefektit dhe zyrtarëve të tjerë të lartë të Kryeministrisë që mund të gjendeshin pranë mjetit në një moment të caktuar. Autorët mund të kenë pasur dijeni për itinerarin e prefektit gjatë ditës së djeshme dhe kanë vendosur eksplozivin poshtë makinës. Objektivi i parë cilësohet pikërisht prefekti, të cilin autorët e kanë ndjekur në distancë për të aktivizuar me celular edhe lëndën plasëse në një moment të caktuar.


Eksplozivi i përdorur

Sipas ekspertëve dhe specialistëve të fushës, eksplozivi i konstatuar është i llojit C4. Por ekzaminimet e mëtejshme do përcaktojnë nëse ai është më i avancuar, C6, C8 apo C10. Sipas shkallës së numrave, rritja e tyre nënkupton forcën dhe pasojat që ai shkakton. Ky lloj eksplozivi plastik është vdekjeprurës dhe nëse bëhet fjalë për 200 gramë C10, atëherë fuqia e tij përfshin një rreze të konsiderueshme deri në 100 metra, pa llogaritur që shkatërrimi i makinës ku ishte vendosur do të ishte fatal.


Mekanizmi në bombë

Eksplozivi i mbështjellë me letër natriban, ishte mbështetur në faqen anësore me celularin e markës “Samsung”. Forma e lëndës plasëse ka qenë si një simite e shtypur. Por celulari ka qenë i vendosur më së miri, i lidhur fort, që të mos binte apo lëvizte gjatë udhëtimit. Nuk ishte vendosur nga pjesa e poshtme, që mund të goditej nga gurët në rrugë apo të lagej. Celulari ishte i lidhur me dy fije, njëra elektrike dhe tjetra detonatore, që përfundonte si mekanizëm në eksploziv dhe me shkëndijën pas thirrjes në celular të shkaktonte eksplodimin. Celulari ka qenë i vjetër, por bateria e re dhe e plotë, pothuajse e paharxhuar fare. Karta ishte AMC dhe ndaj iu kërkua kompanisë që të zbardhte thirrjet në të. Dyshohet se me telefonin janë kryer thirrje paraprake nga një tjetër celular, për ta provuar kartën e re. Sipas specialistëve, është llogaritur që gjithçka të përfundohej midis intervalit 24-48 orë nga vendosja, pasi edhe bateria nuk mund të shkonte më shumë se tre ditë. Por duke llogaritur edhe të papriturat, autorët mund të kenë bërë llogari këtë hark kohor. Kjo pasi lëkundjet e mjetit mund të rrëzonin eksplozivin nëse lihej më gjatë, ose mund të zbulohej rastësisht.


Kartat e përdorura

Grupi hetimor ka kërkuar me një shkresë të veçantë zbardhjen e kartës telefonike që po ekspertohet nëpërmjet specialistëve të kompanisë celulare. Mendohet se me të janë kryer thirrje nga një numër tjetër, i përket një kompanie celulare shqiptare dhe mund të jetë blerë në tregun e zi, si e paregjistruar. Por nuk ka pasur thirrje gjatë kohës që eksplozivi ka qenë i vendosur dhe i lidhur me detonator. Kurse bateria e telefonit ka qenë plotë. Aktualisht po zbardhet vendi ku është blerë karta, personi që e ka blerë dhe zona nga mund të jenë lëshuar thirrjet e provës. Informacionet janë të rezervuara, por dyshohet se plani kriminal është bërë në Tiranë.


Vendosja e bombës

Prefekti ka dëshmuar se të enjten ka qenë në Vlorë dhe në mbrëmje është kthyer për në Tiranë. Ka mbërritur vonë dhe nuk ka vënë re asgjë të dyshimtë. Është kthyer në shtëpi në zonën e Tiranës së Re, ku ka parkuar mjetin në një parking privat. Në mëngjes ka dalë bashkë me shoferin, për të kryer edhe takimin në Kryeministri që kishte caktuar. Grupi hetimor ka nisur të verifikojë të gjitha kamerat e sigurisë së bizneseve dhe parkingut, dëshmitë e banorëve dhe rojës për të zbuluar se kush ka hyrë dhe dalë gjatë natës. Bateria e paharxhuar sipas specialistëve tregon se bomba është vendosur vetëm pak orë para se të zbulohej nga oficerët e Gardës. Autorët kanë pasur dijeni të plotë se Dervishi do hynte në Kryeministri ditën e djeshme. Një tjetër pistë është vendosja e eksplozivit në Vlorë, para se të nisej për në Tiranë. Por koha e vendosjes nuk është më shumë se intervali kohor i 12 orëve nga gjetja, për shkak se bateria nuk ka lëvizur aspak.


Grupi kriminal

Mendohet të jenë një grup i strukturuar kriminal. Së pari objektivi që kanë zgjedhur. Së dyti vendi ky u zbulua bomba, Kryeministria dhe së treti pasojat që mund të shkaktonte. Një tjetër fakt është se përgatitja e bombave me telekomandë, për më tepër me C4 nuk është një punë e lehtë. Në tregun e zi mund t’i gjesh me një çmim deri në 3 mijë euro. Por kërkon edhe specialistë që llogarisin nga ana matematike, shkencore, apo edhe gjeografike gjithçka me qëllim që të kenë sukses. Në historikun e viteve të fundit, këto bomba përdoren nga grupe kriminale të rrezikshme që paguhen jo pak për të realizuar misionin. Burime policore thanë se autorët kanë qenë në ndjekje të makinës në distancë deri në momentin e fundit. Për këtë shkak në hetime është aktivizuar edhe Njësia e Antiterrorit.


Pistat e dyshuara

Pista kryesore mbetet një hakmarrje e mundshme për të gjithë procesin e nisur nga Qeveria e re kundër paligjshmërive. Në këtë rast procesi i shembjes së ndërtimeve pa leje në bregdetin e Vlorës, përfshi edhe “Pallatin e Bashës” në Ujin e Ftohtë, objekt për të cilin ka pasur edhe protesta. Duke qenë se në krye të grupit evidentues të ndërtimeve pa leje, por edhe zbulimit të parregullsive dhe dokumentimit të tyre në dosje penale ka qenë prefekti i Vlorës, dyshohet se kjo është pista kryesore. Burime zyrtare thanë se “hetojnë ngjarjen si një paralajmërim dhe eleminim fizik për shkak të detyrës”. Dyshohet se qëllim mund të ketë qenë paralajmërimi i një zyrtari të lartë të qeverisë, eleminimi fizik i tij duke dhënë mesazh të fortë ndaj shtetit dhe krijimi i një situate paqëndrueshmërie të sigurisë së rendit dhe destabiliteti në kuadër edhe të disa nismave antikorrupsion. Pista e fundit mbeten konfliktet që vetë prefekti apo shoferi i tij mund të kenë pasur kohët e fundit edhe jashtë detyrës.

-   -   -


Rrëfimi

“Ja si shmangëm atentatin me C4 në Kryeministri”

Flasin Agim Hila, komandanti i Sigurisë së Gardës në Kryeministri dhe Arsen Çela, shefi Njësisë Antieksploziv të Gardës. 

Nënoficeri te porta dha alarmin.

Nëse do të kishte pasur neglizhencë të masave të sigurisë nga punonjësit e Gardës, ndoshta ngjarja e djeshme do të kishte pasur edhe një bilanc tragjik në rast të një thirrjeje në celularin e lidhur me pakon e bombës C4. Por gatishmëria e oficerëve dhe drejtuesve të Gardës, pavarësisht se rrethimi i hekurt i gardhit është hequr, kanë qenë maksimale. Fillimisht nënoficeri Petrit Doko, zbuloi materialin e dyshimtë poshtë makinës me pasqyrën e kontrollit dhe pajisjen e specializuar, ndërsa më tej njoftoi eprorët e tij, shefin e Xhenios së Gardës, Arsen Çela dhe komandantin e Grupit të Sigurisë së Kryeministrisë, Agim Hila. Edhe pse autorët mund ta aktivizonin thirrjen në distancë përgjatë 20 minutave që u bë çaktivizimi i valëve me aparatura, gardistët punuan që të krijonin rrethin e sigurisë, evakuimin e mjeteve dhe njerëzve dhe njoftuan strukturat përkatëse për marrjen e masave.

“Ne i përgatisim çdo ditë nënoficerët e Gardës që të jenë të gatshëm për situatat e sigurisë dhe të mos neglizhojnë për çdo detaj të dyshimtë. Bëhen trajnime të veçanta për ta. Kjo u tregua edhe ditën e djeshme, kur nënoficeri në shërbim tek dera, konstatoi me pajisjen pasqyrë pakon e dyshimtë”, tregon Arsen Çela, shefi i Xhenios dhe Njësisë Antieksploziv të Gardës. Sipas tij makina ka mbërritur aty diku midis orës 09:20-09:30. Në mjet ishte vetëm shoferi gjatë hyrjes, pasi prefekti kishte zbritur sekonda më parë. “Nënoficeri më njofton menjëherë se diçka kishte në makinë. Mbërrita me urgjencë dhe e verifikova vetë. Dallova pakon me natriban dhe celularin me fije. Dyshova direkt, zbrita menjëherë shoferin nga makina duke krijuar perimetrin e sigurisë dhe njoftova komandantin Agim Hila për të kryer veprimet e tjera”, vijon Çela. Në radio dhe me celularë, janë kryer njoftimet e Policisë së Tiranës, eprorëve, forcave RENEA, Njësisë Antieksploziv me mjete të specializuara. “Veprimet e para ishin marrja e masave të sigurisë, që të krijohej perimetri i duhur. Po kështu u kërkua edhe mbyllja e valëve, që celulari të mos aktivizohej. Më tej mbërritën policia dhe forcat RENEA që punuan për çaktivizimin”, thotë komandanti Hila për gazetën “DITA”. Ai thekson se institucioni i Gardës ka pasur nevojë për rritjen e profesionalizmit dhe ky ka qenë rasti më i mirë për ta treguar. “Masat që merren në çdo rast për sigurinë e Kryeministrisë dhe institucioneve të tjera janë maksimale”, shton komandanti. Kurse shefi i Njësisë Antieksploziv, shpjegon edhe procesin e mëtejshëm. “U deshën gati dy orë që gjithçka të mbyllej me sukses sipas procedurave dhe pa dëme. U krye me një pushkë pneumatike çaktivizimi i celularit me detonatorin, e më tej çaktivizimi i eksplozivit. Ishte një celular i markës Samsung, tip i vjetër, por me baterinë e plotë. Ishte i lidhur me dy fije, i mbështetur mirë me letër natriban që të mos binte. Një nga fijet ishte elektrike dhe tjetra detonatore”, rrëfen Çela. Pas çaktivizimit, është bërë edhe administrimi i provave dhe marrja në pyetje nga grupi hetimor për dhënie sqarime të shoferit dhe prefektit.


-   -   -  

Precedentët, 
Vlora kryeqyteti i atentateve

konomiVlora mban rekordin e shpërthimeve me eksploziv në vitet e fundit. Ngjarja më e rëndë mbetet padyshim vrasja e gjyqtarit Skerdilajd Konomi, më 9 shtator 2011. Ende dosja nuk ka asnjë autor dhe hetimet vijojnë.
Në të njëjtin vit u hodh në erë Renato Abazi, i cili u ekzekutua në qendër të qytetit. Ndërkohë që tritol u përdor gjatë muajit qershor 2013, përpara zgjedhjeve, në banesën e Ardian Kollozit, kreut të PD-së Vlorë, sekretarit të Partisë Socialiste dega Vlorë, Kreshnik Tepelena, biznesmenit Ermal Brahimi, si edhe prokurorit të Vlorës, Dorian Tafili. Edhe këto ngjarje janë ende pa autorë.
Në vrasjet pa autorë, dhe më të rëndat të shkaktuara nga shpërthimet me eksploziv, mbetet ajo e biznesmenit palestinez në Tiranë, Anuar Rivzik. Sasia e eksplozivit shpërtheu pak metra në afërsi të selisë së ambasadës amerikane, duke krijuar panik edhe tek banorët në rrugën “Budi”.
Anuar Rizvik, 43 vjeç, humbi jetën nga plagët e rënda të marra në këtë shpërthim. Eksplozivi ishte vendosur në portën e një vile dykatëshe ku banonte palestinezi dhe bashkëshortja e tij.
Mekanizmi i eksplozivit ishte vendosur në mënyrë të atillë, që të vihej në lëvizje pas hapjes së portës, megjithëse ka qenë e pajisur edhe me mekanizmin e komandimit në distancë.
I vendosur në pjesën e jashtme të saj, Rivzik nuk ka pasur mundësinë që ta dallojë atë në momentin që po dilte nga apartamenti i tij.
Por shpërthime me eksploziv me telekomandë ka raste të shpeshta në vend. Në Shkodër, një vit më parë, u ekzekutua një biznesmen. Në Tiranë kanë mbetur të gjymtuar disa persona nga shpërthimet në ecje të automjeteve të tyre. Në Golem, një sasi e konsiderueshme e vendosur në automjetin e kryetarit të komunës nuk shpërtheu. Rastet janë të pafundme. Rezultati që është i njëjtë mbetet vetëm ai, që askush prej atentatorëve nuk është arrestuar.

-   -   -

Dervishi, 
Prefekti në krye të shembjeve të ndërtimeve pa leje, 
dhe një debat me Gjikën

Në muajin tetor, Besnik Dervishi, me vendim të Këshillit të Ministrave, u emërua prefekt i Qytetit të Vlorës. “Është nder dhe privilegj i madh për mua që marr detyrën e prefektit të Vlorës. Unë këtu shoh të gjithë ekipin që bëri të mundur rilindjen e të gjithë Vlorës dhe gjithë Shqipërisë dhe së bashku do punojmë për ta realizuar”, tha Dervishi kur u bë prezantimi i tij në Vlorë, nga kryeministri Rama. Pas kësaj, Dervishi nisi një aksion i ndihmuar nga INUK dhe policia kundër shembjes së ndërtimeve pa leje. Pak javë më parë, ai ishte në krye të punës për shembjen e një hoteli 7 katësh në bregdetin e Vlorës, ndërsa është personi që ka ndjekur hap pas hapi dosjen për denoncimin e pallatit të vjehrrit të Lulzim Bashës. Një javë më parë, Dervishi pati dhe një replikë të ashpër me kreun e bashkisë së Vlorës, Shpëtim Gjika. Në emisionin “Opinion” në KLAN, Dervishi ishte ftuar për të diskutuar për shembjen e pallatit të Bashës. Dervishi gjatë debatit tha se, “ndërhyrja e shtetit nisi nga Vlora, sepse është ky qytet që ka qenë më shumë i dëmtuar në këto vite nga ndërtimet pa leje”. Kjo bëri që të ndrynte me telefon kreu i bashkisë Gjika dhe t’i kërkonte prefektit të tërhiqte mbrapsht të gjitha ato që tha, sepse ishin mashtrime. Sipas Gjikës, ndërhyrja nisi nga Vlora, sepse ishte Vlora qyteti më pak i dëmtuar. Dervishi në fund i tha se nuk ishte vendi për një debat mes tyre.



Besnik Dervishi

Datë lindja: 04.08.1963

Vendlindja: Tiranë

Aktualisht Dervishi është Prefekti i Vlorës, ndërsa njihet për veprimtarinë e tij politike të mëparshme si ministër i Rregullimit të Territorit, deputet i Partisë Socialiste në qarkun e Vlorës, prefekt i Tiranës, ndërsa në karrierën e hershme ka punuar edhe si gjyqtar, avokat dhe konsulent juridik.

-   -   -

Ambasada amerikane paralajmëroi më 26 nëntor qytetarët për shpërthimet e telekomanduara

Ambasada Amerikane në Tiranë ka bërë një paralajmërim të beftë, ku ka thënë se qytetarët e saj duhet të ruhen nga shpërthimet e telekomanduara nëpër automjete. Njoftimi mban datën 26 nëntor 2013 dhe përveçse në e-mail-et e qytetarëve amerikanë në Shqipëri është publikuar dhe në faqen e ambasadës në gjuhën angleze. Në njoftim thuhet; “Ambasada e SHBA në Tiranë njofton qytetarët amerikanë se në raportet e fundit të mediave theksohet rritja e përdorimit Ambasada-amerikane-ne-Tiranetë pajisjeve të vogla shpërthyese të dizajnuara për të shkaktuar dëme kundër individëve në Shqipëri. Viktimat kanë qenë përgjithësisht të përfshirë në biznes apo në konflikte personale. Rritja e përdorimit të këtyre pajisjeve ka shkaktuar shqetësim në mesin e shumë banorëve”. Personeli i ambasadës amerikane është këshilluar që të ushtrojë kujdes në parkimin e automjeteve, në shumë parkime pa shoqërues dhe të përdorin praktikat e shëndosha të sigurisë personale. “Qytetarët e SHBA duhet të monitorojnë lajmet lokale dhe njoftimet e qeverisë shqiptare në lidhje me trazirat e ngjashme. Ne i inkurajojmë qytetarët amerikanë për të praktikuar masa të mira të sigurisë personale. Të mbajë një nivel të lartë të vigjilencës dhe të marrin hapat e duhura për të rritur sigurinë tuaj personale”, thuhet në njoftimin e ambasadës amerikane./Dita

imazhe shqip


*   *   *