Gazidede
dhe 1140 spiunë e kriminelë të SHIK 1992-1997, kontrollonin trafiqet dhe aferat
korruptive të familjes “Berisha”
Nuk ka nevojë për
koment fakti, që ish-kryeministri Sali Berisha mblodhi dhe instaloi në zyrat e
larta të pushtetit të tij të viteve 2005-2013, gjithë krerët e kupolës së
shërbimit famëkeq të SHIK-ut të viteve 1992-1997. Të larguar jashtë vendit prej
krimeve të tyre, të bëra gjatë pushtetit presidencial të piramidave
“Berisha-Sude”, krerët e SHIK dhe “jeniçerët” e tyre në mbarë vendin u njoftuan
e u rekrutuan përsëri prej Sali Berishës në pushtetin e tij të dytë. Të pajisur
me nga një copë “letër pafajësie” të dhënë prej gjyqtarëve të “plepave” të
Berishës me urdhër të Berishës dhe me “sigurinë e paprekshmërisë” prej ligjit
nën mbrojtjen e pushtetit të “duarve të pastra”, ata u graduan në kupolën e
pushtetit të Berishës. Nuk ishte rastësi, që në vitin 2005 Sali Berisha i ktheu
eksponentët më të “zinj” ish-drejtues të SHIK në krye të pushtetit. Me ta, ai
mbajti me dhunë, krime e trafiqe të pushtetit sadist të viteve 1992-1997. I
kishin shërbyer deri në mënyrë gjakësore ndaj kundërshtarëve politikë, ndaj
mediave opozitare, ndaj kujtdo që nuk hidhtë “vallen” e pushtetit të Saliut në
kohën e piramidave. Të parët që Sali Berisha solli në Shqipëri nga ekzili,
ishin: Bashkim Gazidede, Agim Shehu, Flamur Gjymishka, Arben Sefgjini, Gjergj
Lezhja, Arben Ibro dhe mbi 100 shikas të tjerë në pushtetin qendror dhe afro
1000 shikas në pushtetin lokal nëpër prefektura, të cilët kishin shërbyer në
dispozicion të krimeve të pushtetit vandal të sadistit Sali Berisha, i cili në
vitet 1992-1997 kishte uzurpuar dhe përdorte për qëllimet e sundimit të tij,
gjithë pushtetet. Në shpërblim të shërbimeve të kryera, Sali Berisha i riktheu
eksponentët e SHIK-ut famëkeq, përsëri në pushtet. Me këto monstra krimi, Sali
Berisha ndërtoi pushtetin e tij dhe kupolën e administratës publike në vitet
2005-2013, duke i shpërndarë ata në krejt strukturën e pushtetit e të PD. Nuk
mbeti zyrë qeveritare, shërbimesh publike dhe drejtori qendrore e lokale, që
nuk pati si drejtues e mbikqyrës krerë shikas të viteve 1992-1997, të besuar të
kryeshikasit Sali Berisha. Në çdo institucion, zyrat u mbushën me emrat e
mirënjohur të listë-borderosë së SHIK-ut të viteve 1992-1997. Afro 40% e tyre u
graduan në poste kyçe në administratën e lartë shtetërore, madje deri në zyrat
e arsimit, të shëndetësisë, prefekturave, qarqeve, bujqësisë, burgjeve,
bashkive e komunave që ende i komandon PD-ja në çdo rreth. Për më tepër,
shikasit e kohës së piramidave u graduan dhe “desantuar” deri në zyrat e
Ministrisë Jashtme në selitë diplomatike me detyra të larta, në zyrat të Ministrisë
së Brendshme, të Ministrisë së Mbrojtjes, në zyrat e NATO, të Arsimit, të
Bujqësisë, të Integrimit, të Kuvendit, të SHISH, të presidencës, të KLD, të
licencave, të noterisë e avokatisë. Madje ata janë vendosur deri edhe në
përfaqësitë speciale të shërbimeve shqiptare në botë të BE, OKB, KiE, OSBE, madje
edhe në Vatikan e Pentagon.
Zyrat
e qeverisë “Berisha”,
me të besuar të SHIK të Berishës
Në krejt
administratën publike e atë politike të PD, janë rikthyer 840 ish-shikas. Në
çdo institucion, nëpunësit e dinë mirë që ata janë vendosur aty me urdhër të
Sali Berishës, si shërbëtorë të tij në çdo lëvizje që bën Berisha për të
përdorur, mbrojtur apo uzurpuar pushtetet. Bashkë me ta, Sali Berisha ka
rikthyer si “forcë aktive” të gatshme për çdo situatë shërbimi edhe
ish-kryepolicë e “kalecë” të policisë sekrete të ish-pushtetit të viteve
1992-1997. Këta janë emra të njohur të asaj policie, që së bashku me SHIK-un e
Gazidedes, dihet se çfarë zullumesh e krimesh makabre kanë bërë ndaj
shqiptarëve, intelektualeve, biznesmenëve, artistëve, gazetarëve e opozitës. Të
rikthyerit me porosi e urdhër të Berishës dhe të graduar po prej tij në zyrat
dhe postet qeveritare, janë të shumtë. Psh, janë 24 inspektorë në hipotekë në
qendër, 13 në Tiranë dhe 72 në rrethet e vendit. Janë 113 ish-shikas, drejtorë
shkollash. Janë 92 ish-shikas drejtorë drejtorie në qendër e prefektura. Në
ushtri janë graduar 204 ish-shikas. Në diplomaci janë emëruar 203 ish-shikas me
poste të larta, deri në konsuj e shefa auditimi, apo drejtorë të nivelit të
lartë.
Gazidede,
krye-banditi i SHIK
që kryente dhe zhdukte krimet e Berishës
Ish-shefi i Shërbimit
Informativ Kombëtar, një nga bashkëpunëtorët më të afërt të Sali Berishës.
Ideuesi dhe zbatuesi i gjithë dhunës fizike e psikologjike, që piketonte dhe
urdhëronte Sali Berisha kundër medias, opozitës, biznesit, administratës e
kujtdo që urdhëronte Berisha në ato vite pushteti absolut. Në vitin 1997,
arratiset nga Shqipëria dhe kthehet në vitin 2005, kur gradohet shef i
hipotekave. Prononcohet në media për ngjarjet e vitit 1997, i cilëson ato si
skemë e shërbimeve sekrete serbe e greke. Befas sëmuret rëndë. Me urdhër të
Sali Berishës dhe shpenzimet e qeverisë “Berisha”, çohet urgjent për kurim në
Itali. Ndahet nga jeta në një spital provincial napolitan në Itali, nga e
njëjta sëmundje që u ndanë dhe Zhulali, Arbnori e Spahia. Nderohet me homazhe
prej Sali Berishës dhe PD, vlerësohet si një nga zyrtarët më të shquar të
vendit. Aktiviteti i tij kriminal në shërbim të pushtetit “Berisha” përfshin
gjithë shoqërinë shqiptare, që nga zyrat e pushtetit, të politikës e deri tek
jetët familjare të shqiptarëve. Ai sulmoi, përçau, dhunoi fizikisht e burgosi
ish-të përndjekurit politikë, të cilët kërkonin drejtësi e të drejta sociale
prej pushtetit mashtrues “Berisha”. Ai sulmoi dhe shkatërroi mediat e pavarura
e ato opozitare, duke rrahur, gjymtuar, kërcënuar e burgosur gazetarë dhe
djegur gazeta, shtypshkronja e redaksi gazetash. Ai dhunoi mësuesit, duke u
kërkuar atyre të mbyllnin gojën e të mos dilnin në protesta sociale-ekonomike.
Ai plaçkiti, dhunoi e zhduku biznesmenë. Ai sulmoi dhe shkatërroi sindikatat.
Ai organizoi dhe komandoi e shfrytëzoi për interesa e pushtetit “Berisha”
firmat piramidale. Në vitin 1997, kur shqiptarët iu vërsulën pushtetit kriminal
të Sali Berishës për shkak të grabitjes që ky dhe banda e tij u bëri me
piramidat financiare, Sali Berisha e gradoi famëkeqin “simbol të urrejtjes”
popullore Bashkim Gazidede, gjeneral të ushtrisë, të policisë e të pushtetit të
degraduar. Në vijim të shërbimeve kriminale ndaj sundimit të Sali Berishës,
bashkim Gazidede iu vërsul popullit me 1300 shikas, me 20 mijë ushtarë, me 10
mijë policë dhe me 600 skënderbegas e më afro 4000 rekrutë të moshës 17-60
vjeç, të cilët i mobilizoi me pagesë, si kontigjent ete besuar të sadistit Sali
Berisha, i cili prej 6 muajsh u struk e u ngujua beda presidencës, nga frika se
mos populli siç e ka deklaruar vetë ai, e “shkonte në hell” për krimet që
kishte bërë në 5 vite pushtet.
Ilir
Kumbaro
Eksponent kriminal. I
akuzuar, i gjykuar dhe i dënuar me prova si rrëmbyes, masakrues dhe zhdukës i
biznesmenit shqiptaro-maqedonas Remzi Hoxha. Një nga figurat më të zeza të SHIK
të Bashkim Gazidedes. Njihet si përbindësh kundër medias, kundër biznesit,
kundër opozitës, kundër inteligjencës, kundër kujtdo që skedohej prej pushtetit
kriminal Berisha, si kundërshtar i pushtetit të viteve 1992-1997. Nuk ndalej
përballë asnjë krimi. Zbatonte çdo urdhër të kryeshikasit kriminel e sadist
Bashkim Gazidede. Në vitin 1997 arratiset prej frikës së krimeve që kishte
bërë. Ndërron identitet dhe jeton me trajtim social në Londër. Zbulohet prej
shërbimeve sekrete angleze dhe vihet përballë akuzës e gjykimit si rrëmbyes,
masakrues dhe zhdukës i Remzi Hoxhës. Nuk u kthye në Shqipëri edhe pse kishte
20 oferta prej padronit të SHIK, Sali Berisha, për të ardhur në pushtetin e PD
në vitin 2005.
SHIK
1992-1997,
kontroll mbi trafiqet dhe krimet
e pushtet-familjes “Berisha”
Programi i SHIK i
viteve 1992-1997, i drejtuar prej vandalit të pamëshirshëm Bashkim Gazidede në
vitet 1992-1997, kishte vetëm 1 objektiv: Dhunë, reprezalje, pranga, burgosje,
gjymtim fizik, rrëmbim, përdhunim e zhdukje fizike të kujtdo që shprehej kundër
pushtetit të Sali Berishës, ose që denonconte publikisht krimet e atij pushteti
piramidal. Nuk mbeti medie, biznes, intelektual, gazetar e qytetar shqiptar,
madje edhe kosovarë e të huaj, që nuk u bën viktimë e SHIK, i cili vepronte si
një “bandë” rruge e maskuar pas mantelit të shërbimit shtetëror. Në vitin 1997,
pasi Sali Berisha e përdori banalisht e barbarisht SHIK, horrat e këtij
shërbimi, që nga kreu Bashkim Gazidede, pas futën në luftë civile oficerët e
këtij shërbimi, ia mbathën jashtë vendit. Prej 8 vitesh, ata jetuan në “ekzil
krimesh” dhe pas rikthimit të PD në pushtet, me një listë preferenciale si
mirënjohje për shërbimet e kryera në vitet 1992-1997, Sali Berisha i riktheu
ata në pushtetin e viteve 2005-2013, duke i graduar si shefa në SHIK, si shefa
në drejtësi, në diplomaci, në ekonomi, në financa, në polici, në ushtri madje
edhe si drejtues në burgje, hipoteka,. arsim e shëndetësi. Këta nuk ishin
kontingjente nëpunësish që u futën në administratë me konkurim për meritokraci,
por ishin kontingjente krimi të SHIK-ut të Bashkim Gazidedes. Ata u mobilizuan
sërish prej Sali Berishës, me në krye gjeneralin famëkeq Bashkim Gazidede, emër
dhe veprimtari e cila nuk do të dalë kurrë nga kujtesa e shqiptarëve as për 1
milion vjet. Po ku kanë shërbyer shkasit e Gazidedes në vitet 2005-2013?
“Kolonelët e zinj” të SHIK të viteve 1992-1997, nuk u aktivuan as rastësisht,
as për “mëshirë” prej Sali Berishës në pushtetin e viteve 2005-2013. Ne bëmë
një investigim emrash në strukturat e administratës publike të pushtetit
“Berisha” dhe konstatuam, se ish-shikasit e viteve 1992-1997 gjenden kudo ku ka
përfaqësim pushteti i Berishës. Ata janë shpërndarë sipas një “harte” të
mirë-organizuar në çdo qelizë dhe kupolë të institucioneve. Ata kontrollojnë
ekonominë, policinë, ushtrinë, SHISH dhe pasuritë kombëtare, postet politike e
ato ligjvënëse. Sipas bisedave me punonjës të institucioneve të shtetit e të
pushtetit, mësuam se ata nuk janë vendosur aty as rastësisht, dhe as thjeshtë
si rrogëtar, apo titullarë formalë, por si “syri” dhe “veshi” i kryeministrit
Sali Berisha.
Në
polici 610 shikas,
156
drejtorë e shefa shërbimesh
Po të shikosh listë
organikën e policisë së shtetit, konstaton se brenda saj janë punësuar 610
ish-shikas të viteve 1992-1997,. Ata kanë nisur punë që ditën e parë të marrjes
së pushtetit prej Sali Berishës në vitin 2005 dhe vazhdojnë ende të jenë në ato
zyra, madje fuqiplotë edhe pse pushteti “Berisha” ka rënë që në 23 qershor
2013. Janë ish-shikas që kanë bërë krime të rënda, që kanë bërë represion mbi
intelektualët, mbi qytetarët, mbi mediat, mbi bizneset. Këta punojnë në
sektorët kryesorë të Policisë së Shtetit, jo si policë të thjeshtë, as
inspektorë të rëndomtë, por si shefa e drejtorë shërbimesh në qarkullimin
rrugor, në zyrat e antitrafikut, në zyrat e krimit ekonomik, në zyrat e krimit
njerëzor. Ata faktikisht nuk janë rrogëtarë, por janë kontrollues e menaxhues
të trafiqeve e krimeve që organizon kupola e policisë e shtetit. Nga 610
shikasit, 156 janë drejtues të lartë, e të mesëm të shërbimeve të policisë së
shtetit. Ata janë syri dhe veshi i Sali Berishës. përgjojnë, bëjnë presione,
kontrollojnë e organizojnë çdo veprim kriminal.
Në
ushtri 140 shikas,
57
drejtues të lartë në kupolën e Ministrisë
Në ushtri janë futur me
urdhër të Sali Berishës 140 shikas të Gazidedes, të kthyer në vitin 2005 prej
ekzilit, pasi ikën në vitin 1997 prej krimeve të kryera. Ata janë vendosur e
graduar në detyra të larta, madje edhe me grada kolonelë e gjeneral. Epiqendra
e tyre e shërbimit ndaj Sali Berishës është në kupolën e Ministrisë së
Mbrojtjes dhe në Shërbimin Informativ të Ushtrisë. Ata kontrollojnë dhe
përgjojnë gjithçka në ushtri për llogari të Sali Berishës. Menaxhojnë trafiqet
e armëve e krimet ekonomike brenda ushtrisë, ndërkohë që kërcënojnë zërat që
tentojnë të denoncojnë këto krime.
Në
Hipotekë 110 shikas,
30
janë drejtues
Në hipotekën e
Shqipërisë në gjithë linjën e saj janë futur me urdhër të Sali Berishës 110
shikas të Gazidedes, 36 prej të cilëve janë drejtues të lartë në kupolën e
hipotekës qendrore, të Tiranës e të rretheve. Detyra e tyre është të
kontrollojnë dhe menaxhojnë grabitjen e pronave të shqiptarëve, përgjimin e
administratës së hipotekës dhe përpunimin e dokumentacionit të pronave të
shqiptarëve, në interes të kupolës së pushtet-familjes “Berisha”. Një nga
drejtorët e hipotekës ka qenë vet Bashkim Gazidede, i graduar në këtë detyrë
prej Sali Berishës.
Në
diplomaci,
200
shikas,
54
janë diplomatë e drejtorë shërbimesh
Edhe diplomacia
shqiptare është mbushur me ish-shikas të bashkim Gazidedes. Brenda diplomacisë
shqiptare në Tiranë e jashtë në selitë diplomatike dhe përfaqësuesit e
shërbimeve të tjera janë punësuar 200 shikas, 54 prej të cilëve janë shefa
diplomacie shërbimesh dhe madje ambasadorë. Detyra e tyre është të kryejnë
shërbime në favor të pushtetit Berisha, të survejojnë dhe përpunojnë
informacione agjenturore.
Detyrat
ligjore të SHISH
Me Ligjin nr. 9322,
datë 25.11.2004 është miratuar Strategjia e Sigurisë Kombëtare në Republikën e
Shqipërisë (SSK). Kjo Strategji përfaqëson tërësinë e instrumenteve shtetërore
që sigurojnë mbrojtjen e qytetarëve, të shoqërisë dhe të Shtetit Shqiptar nga
kërcënimet dhe rreziqet, e jashtme dhe të brendshme. Tipar themelor i SSK-së
është respektimi i shtetit ligjor dhe kthimi i Shqipërisë nga një vend që ka
konsumuar siguri në një vend që kontribuon në siguri. SHISH-i ka rol të
drejtpërdrejtë në misionet themelore të Strategjisë së Sigurisë Kombëtare (SSK)
të Republikës së Shqipërisë, të cilat janë këto:
1. Ushtrimi i sovranitetit të Republikës së
Shqipërisë
2. Mbrojtja e pavarësisë dhe integritetit
territorial
3. Mbrojtja e jetës dhe e pasurisë
4. Zhvillimi i pandërprerë demokratik dhe prosperiteti
ekonomik
5. Mbrojtja e dinjitetit dhe vlerave kombëtare
6. Paqen e sigurinë në vend
7. Bashkëpunimin rajonal
8. Konsolidimin e shoqërisë demokratike dhe të
drejtave të njeriut
9. Konsolidimin e institucioneve dhe
instrumenteve të sigurisë
10. Integrimin në
strukturat evropiane
11. Mbrojtjen e mjedisit dhe burimeve natyrore
12. Luftën kundër terrorizmit
13. Luftën kundër krimit të organizuar dhe
korrupsionit.
14. SHISH-i
vlerësohet si kontribues në sigurinë për qytetarët, shoqërinë dhe shtetin,
brenda vendit, si dhe në Rajon e më gjerë
15. Misioni dhe detyrat e SHISH
16. Shërbimi
Informativ i Shtetit (SHISH) është një organ informativ i Republikës së
Shqipërisë. Misioni i tij parësor është Siguria Kombëtare. SHISH vepron në
përputhje me Kushtetutën dhe Ligjet e Republikës së Shqipërisë.
17. SHISH siguron informacionin e domosdoshëm
nga Zbulimi dhe Kundërzbulimi për problemet që lidhen me Sigurinë Kombëtare.
Ligjshmëria, objektiviteti dhe sekreti, janë parimet bazë të punës.
SHISH
mbledh informacion
1. Për kërcënimet dhe rreziqet ndaj sigurisë
kombëtare
2. Për ruajtjen e integritetit, të pavarësisë
dhe rendit kushtetues
3. Për terrorizmin
4. Për prodhimin dhe trafikun e narkotikëve
5. Për prodhimin e armëve të dëmtimit në masë
6. Për krimet kundër mjedisit
Drejtuesit
e SHISH, në vite
• Data 01.08.1991, deri 29.06.1992 Irakli
Koçollari
• Data 29.06.1992 deri 09.04.1997 Bashkim
Gazidede
• Data 09.04.1997 deri 29.05.1997 Astrit
Kodra (me komandim)
• Data 29.05.1997 deri 21.08.1997 Arben
Karkini
• Data 21.08.1997 deri 07.08. 2002 Fatos Klosi
• Data 07.08. 2002 deri 18.11.2002 Petrit
Myftari (me komandim)
• Data 18.11.2002 deri 27.01.2005 Kujtim
Hysenaj
• Data 27.01.2005 deri 09.08.2012 Bahri
Shaqiri
• Data 09.08.2012 e në vazhdim Visho Ajazi
Lika
Nga: Përparim Halili
* * *
