Presidenti i Shqiperise Bujar Nishani

imazheshqip

O Edo,

Po ktë Nishanlliun, kur do e kapësh për veshi

se na e la Shqipërinë Salistan?!

*   *   *

Kunati argëtohet 
me intervistën e Jarit tek Fevzo

Më në fund Kunati gjeti diçka gazmore për fundvitin. Jari e kishte njoftuar se do të jepte një intervistë tek Fevzo dhe mezi po priste ta shikonte. Kunati u ul gjithë qejf para TV.

Filloi intervista.

Fevzo: Desha të diçka për shkollimin tuaj. Ju keni qenë një Begs, pastaj një oficer. Tani dua një përgjigje të sinqertë, të pëlqente kjo degë apo jo?

Jari: Më pëlqente shumë.

Fevzo: Është e vërtetë që ju e keni pasur ëndërr që fëmijë të bëheni oficer?

Jari: Ju kuptova qartë. Po, është e vërtetë.

Fevzo: Diçka për shkollën tuaj, çfarë mësonit aty?

Jari: E kuptova qartë, është sekret ushtarak.

Fevzo: Sidoqoftë diçka mund të thoni, kanë kaluar 25 vjet, dhe kur unë kam takuar shefin e CIA-s, më ka thënë se pas 25 vitesh mund të dalin sekretet.

Jari: Kuptova qartë. (Fillon të numërojë me një dorë pesë herë rresht dhe buzëqesh). Po, paskan kaluar 25 vjet. Atëherë po e zbuloj sekretin tim. Kam mbaruar për oficer.

Fevzo: Jeni i sigurt?

Jari: Si urdhëron.

Fevzo: Dhe një detaj desha të di lidhur me revoltat e Shkurtit 1991. Je i përfolur se ke mbrojtur bustin e Enver Hoxhës. Është e vërtetë?

Jari: Ju kuptova qartë. Nuk është e vërtetë. Ne kishim bindje që Enver Hoxha nuk kishte nevojë për mbrojtjen tonë.

Fevzo: Cilat ishin pasionet tuaja në atë kohë?

Jari: Besoj ju kuptova. Kisha pasion disiplinën.

Fevzo: A u ka mbijetuar ky pasion?

Jari: Patjetër, jam shumë i disiplinuar.

Fevzo: Si u lidhët me Zonjën e Parë, në çfarë rrethanash?

Jari: Po ja u takuam, pastaj pimë kafe, unë llogarita kur merrja lejen e zakonshme, pastaj shkëmbyem nishanet dhe u martuam.

Fevzo: Jeni i sigurt?

Jari: Patjetër. Mund ta pyesni Zonjën.

Fevzo: Po tani si shkon jeta juaj?

Jari: Kuptova qartë. Shkon shumë mirë. Kemi marrë një shtëpi të madhe, qeveria harxhoi rreth gjysmë milioni euro për ta rikonstruktuar. Është bërë shumë e bukur. Unë hyj drejt nga oborri në kat të parë pa shkallë. Kam sajuar një ashensor të vogël për kat të dytë dhe e kam dhomën ngjitur sa del nga dera. Kemi mbjellë dhe ca pemë. Disa pemë të tjera ishin. Dhe ngjyrat i ka shumë të mira. Blemë dhe mobilie të reja. Në përgjithësi është shumë e mirë. Kuzhina është e madhe dhe kemi shumë pjata. Na kanë ardhur disa njerëz për urime, kanë sjellë dhe ata.

Fevzo: Qartë, qartë! A keni marrë ndonjë servis të pjatave të Pallatit të Brigadave me stemën e Mbretit Zog? Thonë që ia keni kërkuar Drejtorisë së Shërbimeve Qeveritare.

Jari: Nuk e di, kemi shumë pjata, por ju e  dini që unë jam simpatizant i presidentit Berisha, jo i Mbretit Zog. Sidoqoftë do ta verifikoj.

Fevzo: Faleminderit zoti President dhe ta gëzoni shtëpinë.

Jari: Mund të vini për vizitë kur të doni. Ka vende plot.

http://www.gazetatema.net/web/2013/12/27/kunati-argetohet-me-intervisten-e-jarit-tek-fevzo/

imazhe shqip

*   *   *

KM Edi Rama:

Top Story - Pjesa e Dytë - 

Opozita drejtohet 

nga një plak i rrjedhur, 

i janë këputur frenat e gojës

Viti 2013 është viti që solli në krye të vendit një qeveri të re, pas tetë vitesh qeverisje të së djathtës.

Kabineti Rama është mandatuar me një program ambicioz dhe premtimin që do të transformojë jetën e shqiptarëve.

Qeveria e re mbushi 100 ditët e para të saj në detyrë në 22 Dhjetor dhe për të bërë një bilanc të këtyre ditëve, të të gjithë vitit, por edhe atë që na pret në të ardhmen e afërt, në serinë e fundit të “Top-Story” për 2013-n mbërriti kryeministri i vendit, zoti Edi Rama.

imazhe shqip

Sokol Balla: Zoti Rama opozita ka paraqitur 30 amendamente mbi buxhetin, bazuar, sic thotë ajo, në premtimet tuaja elektorale. Një lëvizje, që padyshim ka edhe cinizmin brenda, por që tenton të vërë në provë nëse ju keni premtuar në fushatë, apo seriozisht që do të bëni ato që keni premtuar. Do të merrni parasysh ndonjë prej këtyre amendamenteve?

Edi Rama: Ne nuk marrim parasysh asnjë amendament provokativ, aq më tepër të një opozite që ka mbetur peng e një plaku që i ka sosur kandili i arsyes. Shqiptarët e bënë të tyren dhe e larguan opozitën e sotme nga qeveria dhe e cuan shqiptarët në pension gjyshin që s’kishte më se cfarë t’u jepte shqiptarëve, përvec përrallave dhe s’kishte më asgjë më të mirë përvec borxheve ku i zhyti shqiptarët. Edhe ne nga ana jonë e bëmë tonën, edhe PD nga ana e saj duhet të bëjë të veten. Nuk është fat i mirë, por ndodh kur plaku i shtëpisë rrjedh, por ama familja e përgjegjshme e mban në shtëpi, kujdeset për të brenda shtëpisë, i krijon kushte, nuk ka asgjë jonatyrale, por ama nuk e lë të dalë cdo mëngjes të tërbojë të gjithë lagjen. Kështu që ata duhet ta bëjnë të tyren dhe amendamentet që burojnë nga shkuarja pas marrëzisë së plakut të shtëpisë së tyre, ne s’kemi ca të pranojmë. Ne do t’i mbajmë zotimet tona në 4 vjet dhe të kërkosh një qeverie që në 100 ditë të mbajë të gjitha zotimet, do të thotë të pretendosh se zgjedhjet do të bëhen cdo 100 ditë.

Sokol Balla: Meqë iu referuat ish-kryetarit të familjes së PD-së…

Edi Rama: Ai nuk është ish-kryetari, ai është kryetari i familjes dhe…

Sokol Balla: Ai është kryetari i familjes sepse unë e shikoj për një person që nuk e di, si ai ushtari japonez në ishujt në Luftën e Dytë Botërore, që nuk e di se zgjedhjet kanë mbaruar dhe është ndërruar pushteti, kur shikon në parlament mendon që Sali Berisha është ende Kryeministër i Shqipërisë. A mendoni që trajtimi i privilegjuar që ju po i bëni ish-kryeministrit, ju dhe zoti Meta, është deri diku i tepruar, i panevojshëm?

Edi Rama: Përfytyrojeni veten në kafen e lagjes tuaj, janë të gjithë aty duke pirë kafe, vjen plaku në fjalë, fillon bërtet, ulet, cohet, ulet, kap banakun. Juve edhe po të ishit nuk do thonit nxirreni jashtë.

Sokol Balla: Po as pronari i lokalit nuk duhej t’i jepte raki.

Edi Rama: Pronari i lokalit do merrte në telefon ata të shtëpisë dhe do t’u thoshte mos e lini të dalë jashtë këtë se na tërboi, na la pa punë. Kështu është pozita jonë me thënë të drejtën dhe i takon vërtet PD që të sillet si familje e përgjegjshme, ta lënë në krye të vendit tek SHQUP-i, t’i japin një batanije, lidhjen në internet ja garantojmë falas ne. Të rrijë në Facebook, por mos dalë dhe të marrë për orë të tëra debatin e parlamentit me broçkulla, dhe aq më tepër pastaj i kanë ikur të gjitha frenat e gojës dhe çfarë nuk thotë.

Sokol Balla:  T’i kthehemi të tashmes, le ta lëmë të shkuarën…

Edi Rama: Është e tashmja kjo për fat të keq. Është e tashmja e një partie që vazhdon jeton me të shkuarën. Por dakort jam që ne t’i kthehemi të tashmes dhe ta lëmë të shkuarën, dakort jam.

Sokol Balla: Në dy foto, në njërën foto tuajën elektorale, tjetra është fotoja juaj në 100 ditë Kryeministër. Sigurisht, ka një spekulim, por në këtë kontrast të fotografive, t’i përgjigjeshit pyetjes, a keni identifikuar ndonjë premtim të programit elektoral që nuk e mbani dot?

Edi Rama: Jo, nuk kam identifikuar asnjë premtim që nuk e mbajmë dot.

Intervista KM Edi Rama në Top Story - Pjesa e Tretë - Vazhdon në Linkun:  
http://imazheshqip.blogspot.com/2013/12/edi-rama.html

imazhe shqip

*   *   *

Edi Rama:

Top Story - Pjesa e Tretë - 

S’kam gjëra personale me askënd, 

por gjëra shteti

imazhe shqip

Sokol Balla: Zoti Rama, kur erdhët në qeveri e vendimi i parë që firmosët ishte anullimi i mbetjeve urbane, një vendim populist dhe një premtim i fushatës. Dy muaj më pas, ishit në prag të pranimit të ofertës për marrjen e armëve kimike. Kjo është një diferencë e populizmit kur je në fushatë dhe e populizmit kur je kryeministër?

Edi Rama: Absolutisht jo. Ka një ndryshim të madh midis marrjes së mbeturinave për të bërë biznes një grusht personash dhe pushtetarësh e mafiozësh e pranimit të pjesëmarrjes në një operacion humanitar me përmasa botërore, që e vendos Shqipërinë në rolin e një qytetari global.

Sokol Balla: Një mbështetës i juaj, shkruante në ato ditë se Rama erdhi në pushtet me “Twitter” e se rrezikoi të ikte me “Facebook”, ndërsa aleati juaj në fushatë, Spartak Ngjela, beson se çfarë ndodhi është mjaft që ju të largoheni ose se gjithsesi do t’iu largojnë njerëzit. A mendoni se me menaxhimin publik të kësaj çështje diçka nuk funksionoi mirë?

Edi Rama: Unë mendoj se me këtë çështje i kam thënë të gjitha dhe se shqiptarët janë të qartë për të gjitha.

Sokol Balla: Një tjetër moment i rëndësishëm ishte mosmarrja e statusit për vitin e katërt rresht. Sa përgjegjësi ka qeveria e shkuar për mosmarrjen, kur një ndër pak gjërat që e keni falenderuar ishte kontributi që ajo ka dhënë për çështjen e integrimit?

Edi Rama: E kam thënë edhe më parë dhe do e them edhe kur ta marrim, pa droje se marrja e statusit nuk do të jetë një arritje eksluzivisht e jona e aq më pak një motiv për të bërë, siç ka ndodhur shpesh, ndonjë koncert dhjetë herë më të shtrenjtë se i Robin Uilliamsit apo Madonës, e për të futur me këtë rast ndonjë një milionë në xhepa e për të kthyer marrjen e statusit në luftë me armikun e brendshëm, opozitën. Ndërkohë, e vërteta është se në mosmarrjen e statusit ka pasur dy faktorë. Faktori A, ngurrimi se pavarësisht se qeveria e re po bënte një punë që kancelarja Merkel, me gojën e saj e quajti befasuese, nga Shqipëria jemi mësuar që tjetër thuhet dhe tjetër bëhet, ndaj duam ende pak kohë. Faktori B, që përmbysi një punë të ngritur me shumë mund dhe e bëri të pamundur në finish të merrnim një rezultat që me shumë gjasa do të ishte pozitiv, forcat ekstremiste në disa vende. Filloi në Holandë dhe ajo që ndodhi në Holandë ishte i paprecedent, pasi për herë të parë një parlament kombëtar zhvilloi një debat dhe mori përsipër të vërë një veto, e t’i kërkojë ministrit të Jashtëm të mos guxojë të shkojë përtej kësaj vetoje, duke fyer Shqipërinë me lloj-lloj vlerësimesh apo me çështjen e besimit tonë, që për mua është absolutisht e papranueshme.

Sokol Balla: Mendoni se ky lloj paragjykimi do të zgjasë dhe ky lloj stigmatizimi që mund të kthehet në një sindromë Turqie do të zgjasë ndaj nesh?

Edi Rama: Nuk jemi këtu për të profetizuar të ardhmen se çfarë do të ndodhë në një vend apo një tjetër. Fakti është që këto forca po rriten në sondazhe dhe ndikojnë qeveritë e tyre kur vjen çështja e zgjerimit, jo sepse qeveritë e këtyre vendeve lavdi Zotit mendojnë si këto forca, por sepse në mars ka zgjedhje këtu, në prill atje, e kështu me radhë. Nga ana tjetër, udhëtimi europian nuk është një udhëtim për diku, por një udhëtim brenda vetes. Në fund të fundit ne e duam Shqipërinë europiane këtu, spitali, rruga, policia, etj, duam të jenë si në Europë e këtë s’na e kushtëzon ai që është skeptik, pasi këtë e kemi në dorë vetë. Mua më pëlqen shumë ajo fjala e famshme e Jean Monet, kur tha që s’jam optimist, por i vendosur pasi BE është destinacioni ynë, ndaj vendosmëria ëhstë kryesorja në këtë process, herët apo vonë Shqipëria do të bëhet anëtare e BE, nuk do të bëhet nesër, do të duhen disa vjet dhe statusi është diçka që Shqipëria e meriton. Vendimi i marrë ndryshon nga herët e tjera pasi teksi i shkruar është jashtëzakonisht pozitiv dhe se këtë herë është përdorur precedent i Serbisë, për ta konsideruar në rastin më të parë, ndaj vendimi do të jetë më shumë automatik sesa politik… Megjithatë, nuk mund të themi më shumë pasi zgjedhjet e Parlamentit Europian mund të sjellin një konfigurim të ndryshëm në parlament, por sa më shumë Shqipëri europiane të kemi këtu, aq më shumë janë të hapura dyert e BE-së për ne.

Sokol Balla: Ju thatë se ishte shqetësues që brenda qarqeve pati etiketime për besimin me shumicë myslimane të vendit tonë.

Edi Rama: Nuk e kanë thënë brenda qarqeve, e kanë thënë hapur këtë.Të gjithë ne kemi pasur mundësinë të dëgjojmë drejtëpërdrejtë se jemi shumë të befasuar nga puna e qeverisë së re, por mbase do të na duhet edhe pak kohë për të parë që kjo është një punë e qëndrueshme dhe këto arritje do të konsolidohen në vijim pasi nga Shqipëria, për fat të keq jemi mësuar të zhgënjehemi. Këtë kanë thënë disa nga qeveritë. Institucionet kanë folur qartë dhe nuk kanë gjë me ne, por këto forca që s’kanë gjë me Shqipërinë vetë, por me Bashkimin Europian në vetvete pasi duan të nxjerrin vendin e tyre nga BE, nga euro, s’duan të huaj e emigrantë, gjë që s’ka të bëjë me vlerat e BE-së në vetvete…

Sokol Balla: Do t’iu pyes pak edhe për stigmën e vendit mysliman.

Edi Rama: Nuk ka lidhje fare kjo. Unë mendoj se Turqia është partner strategjik natyral i Shqipërisë së bashku me Greqinë e Italinë, si tre forca me ndikim shumë të madh në rajonin tonë e në BE e NATO, si tre forca ku e ardhmja e Shqipërisë është e lidhur ekonomisht e tre forca që do të ishte marrëzi nga ana jonë t’i përjashtonim nga partneriteti jonë strategjik.

Sokol Balla: Ne kemi edhe një marrëdhënie me Konferencën Islamike, a mendoni se qeveria do të ketë një qëndrim të ri për këtë?

Edi Rama: Unë mendoj se kush guxon të tregojë me gisht shqiptarët si myslimanë, duhet të marrë përgjigje nga kryeministri i vendit dhe të gjithë qytetarët e vendit, ne jemi myslimanë e të krishterë, jemi bashkë, jemi të gjithë myslimanë e të gjithë të krishterë njëkohësisht kur duhet e s’do të na ndajnë ca ekstremistë që janë edhe kundër BE. Unë refuzoj që Shqipëria të abuzohet për arsyen e fesë dhe për këtë jam krenar, e për këtë duhet të jemi të gjithë krenarë, që ne jemi një model i harmonisë mes besimeve, një model i bashkëjetesës dhe për këtë model duhet të na kenë zili e të na marrin për shembull, e duhet të na e shohin si vlerë të shtuar e jo të na tregojnë me gisht, e kush, ato personazhe që janë turpi i BE-së.

Sokol Balla: Zoti Rama, Europa do prova. Kemi dhënë disa, por jo mjaftueshëm. Një prej çështjeve ama është drejtësia, aty ku Europa nuk fal, ajo kërkon të shohë aksion dhe ndëshkime për zyrtarë të një niveli sa më të alrtë. Pak muaj përpara zgjedhjeve, kryeministri Berisha tha unë nuk bëj koka turku. Cila do të ishte alternative juaj?

Edi Rama: Në këtë pikë unë jam dakord me Berishën, por atëherë mbase nuk ishte krejtësisht si sot që nuk di çflet. Kokat e turkut nuk kanë të bëjnë me filozofinë e Shqipërisë Europiane që duhet të ndërtojmë, shembuj të drejtësisë së vërtetë ama janë ato që duhet të japim, duhet të tregojmë një Shqipëri sa më demokratike dhe jo një Shqipëri autokratike, ku për hir të një lufte me korrupsionin të harrojmë se lufta me të është një luftë për modernizim të sistemit, për ta bërë të pamundur për këdo që t’i shkojë mendja t’i thotë qytetarit nëm lekët dhe pastaj të bëj shërbimin. Kjo bëhet e pamundur nga një anë duke bërë që drejtësia të bëjë drejtësi, e jo farsa e turpe siç ka bërë në vijëmësi dhe e dyta të bëjmë shtet. Pse nuk merr bakshish polici në Gjermani? Mendoni se një gjerman është më i ndershëm nga natyra? Merr një gjerman, jepi 300 mijë lekë rrogë dhe lërë në shi dhe do shihni që pas tre ditësh do të marrë edhe ai edhe më shumë lekë. Merr këdo polic shqiptar, çoje në Gjermani dhe s’do i shkojë mendja të kërkojë lekë. Pra, është sistemi. Pse shqiptarët kur dalin nga kufiri respektojnë semaforin, vënë rripin, nuk ecin të dehur, respektojnë policin dhe pse nuk ndodh këtu kur vijnë? Sepse na duhet një sistem që ata që punojnë në shtet të ndiejnjë një dinjitet dhe krenari që punojnë në shtet dhe që qytetari të ndiejë këtë dinjitet dhe krenari. Habitej një mik i imi që përse eskorta ime qëndronte në semafor? Por, nëse autokolona nuk do të bënte këtë, çfarë mesazhi do të jepte? Që ky është i fortë dhe nuk respekton semaforin? Kjo është një çështje që bie kaskadë pastaj dhe dalin edhe të fortë të tjerë…

Sokol Balla: Megjithatë, e vërteta është që në këto muaj janë hapur disa çështje ndaj disa zyrtarëve të lartë të qeverisë, midis tyre Shpëtim Gjika, kryebashkiaku i Vlorës, ai i Kamzës, Xhelal Mziu që është nën pranga apo ish-ministri i Mbrojtjes, Arben Imami. Megjithatë, përsëri në këto çështje ekziston një besim që ka diçka personale me këta persona. Imami thotë që ju e keni personale me të.

Edi Rama: E çfarë mund të kem unë personale me Imamin? Çfarë?

Sokol Balla: Prandaj po ju pyes…

Edi Rama: Ai thotë që më sulmojnë politikisht, por kush e merr seriozisht një politikan që u bë i famshëm kur hipi majë tankut se do gjuante me tank Sali Berishën dhe pastaj zbriti në gjunjë përballë tij. Si ta marrësh seriozisht? Edhe Sudja kështu thonte, e kanë politikisht.

Sokol Balla: Shumë debat ka hapur çështja e prishjes së ndërtimit pa leje në Vlorë, i pallatit të vjehrrit të kundërshtarit tuaj politik. Kjo u interpretua si një sulm personal. Shqipëria është e mbytur në ndërtime pa leje… Si i përgjigjeni kësaj akuze?

Edi Rama: Është komplet keqinterpretim. Nuk po them dashakeqës, pasi nuk ke arsye personale, por aty është bërë një pastrim pa dallim nga fillimi deri në fund, për t’i kthyer Vlorës detin e gjirin e saj e jo vetëm Vlorës, por gjithë Shqipërisë në fakt. Aty do të ndërtojmë një projekt që do të jetë kartvizita e bregdetit të Shqipërisë europiane dhe nuk mundet dot që në atë aksion të mbylleshin sytë përpara një pallati të ndërtuar mbi det, ishte e pamundur.

Sokol Balla: Shpëtim Gjika ju doli kundër kur tha se pallati ishte me leje?

Edi Rama: Është e vërtetë që është dhënë një leje në kundërshtim me çdo ligj e sens të zhvillimit të një qyteti dhe mbrojtjes së një deti e kjo ishte arsyeja pse ne nxorrëm një fond, për ata që në mirëbesim falë asaj palo leje kanë marrë e kanë paguar atë shtëpi.

Sokol Balla: Meqë më përmendët dëmshpërblimin, më ndihmoni t’i shpjegoj djalit tim se përse ky pallat duhet t’i shkaktojë xhepave tanë një dëm financiar prej 5 mln dollarësh? Pse duhet të paguaj unë për shkeljen ligjore që ka bërë Bashkia e Vlorës apo atyre njerëzve që kanë vepruar në këtë mënyrë?

Edi Rama: Mos e mundo djalin me shpjegime, por thuaj që kur të ndërtojë xhaxhi Edi projektin e tij atje do e shohim dhe do të shpjegojë pse u desh paguar ky haraç, i një padrejtësie të bërë më përpara, por jo për ata që ndërtuan atje, por për ata që në mirëbesim shkuan dhe ranë pre, sepse në fund të fundit në mirëbesim janë edhe kompanitë që ishin me qeveritë e mëparshme, por s’mund t’i themi që ikni sepse kontratat i ka bërë një i papërgjegjshëm. Qeveria ka thënë hidhni asfalt e gurë sepse këto lekë i kemi ne, ata i kanë hedhur këto dhe ne s’mund të themi që merreni me vete asfaltin ose shko tek SHQUP-i kërkoja lekët atij plakut. Ne marrim përgjegjësi si Qeveria e Republikës së Shqipërisë. E gjithë kjo është një spekulim, unë sinqerisht kam dëgjuar shumë për pallate, i ka ky ose ai, kushedi sa thonë që kam unë pallate dhe unë asnjëherë s’kam besuar që ai pallat kishte ndonjë lidhje me zëdhënësin e PD, por ja që doli e vërtetë se e tha plaku. Tani çfarë do të thotë, meqë kishte lidhje me zëdhënësin e liderit të PD, nuk mund të na bënte ne të jepnin urdhër jo atje se aty është politike?

Sokol Balla: Nga ana tjetër ka pallate monstruoze edhe në Durrës apo në qendër të Tiranës, etj.

Edi Rama: E para punës, ky s’do të jetë pallati i fundit që prishet dhe ky nuk u prish sepse kështu na lindi ne ideja, por si pasojë e një plani rindërtimi në gjirin më të bukur urban të këtij vendi, ndaj sigurisht që do të ketë edhe të tjera më mbrapa patjetër.

Sokol Balla: Zoti Rama, Gjykata Kushtetuese ju hodhi poshtë aktin normativ për administarrtën, çdo të bëni ju tani?

Edi Rama: Ne jemi absolutisht të bindur që gjykata nuk ka marrë vendimin e drejtë, por është vendimi i Gjykatës Kushtetuese dhe ne e respektojmë këtë vendim. Për aq sa ka pasur në kompetencë gjykata që për ne nuk është i drejtë, por në fund të ditës, çdo vendim gjykate është gjykate dhe ndryshe nga ata që ishin deri dje, ne as do ngrihemi e të themi një mijë e një të zeza për gjykatësit e as do i themi persidentit “ti je një horr bulevardi”.

Sokol Balla: Megjithatë, vota në këtë çështje ishte totalisht partizane, 5 me 4. Kanë votuar të gjithë anëtarët e propozuar nga ish mazhoranca…

Edi Rama: Ideja për një reformë tërësore në drejtësi nuk buron nga dëshira për hakmarrje apo për të marrë nën kontrol drejtësinë. Është një ide sepse çdokush që të pyesësh në këtë sallë nëse duhet reformuar drejtësia, të gjithë do të thonim aman, është e para që duhet reformuar…por për këtë duhet të përfshihemi të gjithë, shoqëria civile, parlamenti të gjithë e ne do të bëjmë atë që mund të bëjmë si qeveri, por pa valëvitur këtë flamur për t’i rënë në gjoks kujtdo na del para…

Sokol Balla: Zoti Rama, çfarë po ndodh mes mazhorancës e presidentit. Zëra ekstremisë si Ngjela thonë duhet shkarkuar Nishani.

Edi Rama: Unë e kam konsideruar veten fatkeq kur një kryeministër shante presidentin rrugaç dhe jam distancuar nga ajo sjellje atëhere jo sepse presidenti ishte ndonjë shoku im, por sepse ishte Presidenti i Republikës e nga unë s’do të dëgjoni asnjë shkelje, jo etike, por as shkelje të marrëdhënieve normale me këtë institucion. Pa dyshim, unë kam gjykimet e mia dhe presidenti të tijat, pavarësisht palumturisë që mund të ketë në raportet personale, raportet instuticionale do të jenë gjithmonë të shkëlqyera nga ana e qeverisë.

Sokol Balla: Flitet që shtëpia juaj politike e Partisë Socialiste vlon në këto ditë, nga pakënaqësi deputetësh, etj. Na thoni diçka.

Edi Rama: Në shtëpinë tonë ka vluar gjithmonë. Në shtëpinë tonë ka njerëz të gjallë me kokën mbi supe dhe që kanë mendimin e tyre. Lajm do të ishte sikur aty mos të vlonte asgjë, sikur të gjithë të ishin kokëulur dhe askush mund të kundërshtonte për asgjë, duke i larë këmbët një plaku të rrjedhur.

Sokol Balla: Zoti Rama, tani si kryeministër ku do e kaloni Vitin e Ri?

Edi Rama: Në Tiranë… Dmth në Shqipëri, në Tiranë ose Vlorë, ose Tiranë dhe në Vlorë bashkë (qesh).

Sokol Balla: Në fund, çfarë do t’i uroni shqiptarëve për vitin 2014?

Edi Rama: Do t’i uroja sinqerisht shqiptarëve çdo të mirë, por në radhë të parë do t’i uroja sa më shumë shëndet pasi është diçka që nuk e mendon kur nuk e ke, por është mirë që të mendosh se është vërtet fat kur e ke dhe nga ana tjetër sa më shumë harmoni dhe sa më shumë ëndrra dhe shpresa, pasi viti 2014 është viti kur do t’i japim mundësi ëndrrave dhe shpresave të mos duken më të pamundura dhe aq më pak të kota në atdheun tonë të përbashkët.

Sokol Balla: Zoti kryeministër, faleminderit që ishit në “Top-Story” dhe në emër të të gjithë teleshikuesve do të doja t’iu uroja edhe unë juve për këto festa…

Edi Rama:  Faleminderit dhe Gëzuar…


Intervista KM Edi Rama në Top Story - Pjesa e parë Vijon në Linkun:

http://imazheshqip.blogspot.com/2013/12/kryeministri-edi-rama-top-story.html

imazhe shqip

*   *   *

Taulant Balla:

Luli e ka merak Esmeraldën, 

i dha dhe shtëpi

Nga Taulant Balla

Zoti deputet, nëse do të bënim një analizë tërësisht historike të këtyre 23 viteve, ajo që bie në sy është se sa herë që largohet nga pushteti Sali Efendiu, lë pas vetëm rrënim. Qytetarëve shqiptarë, sot, në ditën e 101 të punës së Qeverisë së Re, ju themi se është arritur të ndërtohet buxheti i kthesës dhe rimëkëmbjes ekonomike. Në vitin 1997 Shqipëria trashëgoi ekonominë e Sudes dhe të Vehbiut. Në 2013-n Shqipëria arriti në ekonominë e Xhozefinës dhe të Sali Efendiut. Bëni mirë që uleni të dy bashkë se na kujtoni Suden dhe Vehbiun, sepse situata ekonomike është njësoj e rëndë.

imazhe shqip

Si për ironi të fatit ata që deri dje shkatërruan financat e vendit edhe atëherë edhe tani, sulmojnë FMN. Akuzohet FMN si dëshmitarë i rremë, po nga këta që thonin atëherë “lëreni FMN se ne kemi Suden, mos shkoni pas FMN po vraponi pas Vehbiut”. Po FMN sulmohet sot nga Sali Efendiu sepse marrëveshja me FMN shkatërroi përfundimisht ëndrrën e sëmurë të Saliut për falimentimin e ekonomisë shqiptare. Sali Efendiu e di fare mirë se në çfarë gjendje ishte ekonomia deri në mes të shtatorit. E di fare mirë se ky buxhet dhe marrëveshja me FMN janë ilaçet e vetme të ekonomisë shqiptare sot. Por ai e ka mendjen tek ëndrra e tij e sëmurë e falimentimit të ekonomisë.

Vetëm një i sëmurë, që shpreson në ëndrra të tilla të sëmura, mund tu thoshte njerëzve të tij nën zë, se po linte pas një ekonomi të rrënuar. Vetëm një i sëmurë, me ëndrra të tilla të sëmura, mund të shpresonte rikthimin e shpejt në pushtet nga shpërthimi i minave të ekonomisë që kishte krijuar vetë.

E zhyte ekonominë në borxhe, e çove biznesin drejt falimentimit dhe tani ankohesh ti se qenka rritur borxhi, për shkak të borxheve që ti le. Si ka mundësi që merr guximin dhe akuzon Qeverinë e Re për rritje borxhi, kur borxhi i këtij vendi e ka emrin Sali. Qeveria e shkuar do të mbahet mend si qeveria e faturave të papaguara. Kryeministri i Qeverisë së shkuar e ka emrin Sali Borxhi. Si mund të ankoheni ju për borxhin që vetë e rritët.

Sot është momenti t’u flasim hapur qytetarëve shqiptarë. Për tre çështje na është acaruar shumë kryetari “de facto” i PD, sepse ai “de jure” as që merr vesh nga këto gjëra.

E para, për taksimin progresiv, sepse nuk duroni dot që ata që paguhen më pak të paguajnë më pak taksa dhe ata që paguhen më shumë të paguajnë më shumë taksa. Nuk e duroni dot ju këtë.

Është acaruar edhe për iniciativën e Qeverisë në kuadër të paketës anti-mafia për konfiskimin e pasurive të vëna përmes korrupsionit. Madje tek kjo e dyta as nuk pranoni të diskutoni. Nxeheni, lini sallat e mbledhjeve të komisioneve, sepse e keni merakun tek ato pasuri që keni vendosur tek këto 8 vite në pushtet.

Mirë tek paketa anti-korrupsion ju kuptojmë se keni shqetësim për pasuritë, po me taksimin e ndershëm progresiv çfarë keni?

Prandaj ne ju flasim hapur qytetarëve dhe ju themi se përmes kësaj pakete fiskale ne garantojmë që për këdo që paguhet me një pagë 350 mijë lekë të vjetra në muaj, përmes kësaj pakete fiskale ti japim edhe pagën e 13-të. Kjo paketë fiskale pikërisht këtë bën, ata që paguhen me rrogat më të vogla në administratën e shtetit përmes kësaj pakete fiskale, për herë të parë pas këtyre viteve, marrin edhe rrogën e 13-të. Por Partia Demokratike nuk është e shqetësuar sot as për infermierët, mësuesit, punonjësit e policisë që bëjnë pjesë në këtë fashë pagash. Këta kanë merak tjetër. Meraku i këtyre janë të ardhurat e asaj profesoreshës që paguhet 12 milionë lekë në muaj. 144 milionë lekë në vit merr profesoresha e familjes dhe që sigurisht tani me taksën e re progresive nuk do të paguajë më 10%, por do të paguajë 15%. Ku gjysmat e atyre që i merr para për firmën, që kur i pati lëshu baba firmat për universitete, sigurisht do i paguajë gjysmat në shtet.

Keni dhe një hall tjetër sot, këtë nuk jua zgjidhim dot. Hallin e pijeve energjike. Aty ju ka ngelur mendja. Do paguajë dhe Red Bull akcizë, ku e keni Ridvanin?! Nuk shtyhet më kështu, ato që janë cilësuar si pjesë përbërëse e mallrave të akcizës në 8 vite të qeverisjes suaj, nuk u kujtuat njëherë që të taksohet dhe aty të vendoset akcizë. Në mënyrë që të rriten të ardhurat dhe këto të ardhura të përdoren për qendra shëndetësore, spitale. Madje sot sollën dhe një propozim, realisht i turpshëm për PD.

Pas 23 vjetësh, deputetët e PD, kërkojnë që limiti i taksimit 10% të shkojë tek paga e deputetit. Po turp nuk keni, që ne deputetët e Kuvendit të Shqipërisë të vendosim pagën tonë si pagë reference për 10%? Jo mo jo, ne të taksohemi më shumë se ç’jemi taksuar deri më sot.

Buxheti ynë ul taksat për 97% të shqiptarëve.

Falë këtij taksimi të ndershëm, të gjithë punonjësit në publik apo privat, do të kursejnë më shumë para në fund të muajit. Si rezultat i uljes së taksave për 97% të nëpunësve, mesatarisht çdo shqiptar që paguhet deri në 130 mijë lekë në muaj, do të kursejë afërsisht 30 mijë lekë të reja në vit. Taksimi i ndershëm parashikon 0 taksa për çdo shqiptar me rrogë deri në 30 mijë lekë në vit, ose thënë ndryshe 0 taksa për 56% të të punësuarve.

Taksimi i ndershëm parashikon ulje taksash për çdo shqiptar me rrogë deri në 130 mijë lekë në vit. Nuk e bëjmë siç thoni ju 155 mijë lekë sepse nuk duam ne deputetët të përfitojmë nga kjo taksë, ose thënë ndryshe për 41% të të punësuarve, të cilët do të paguajnë 13% taksa të shumës mbi 30 mijë lekë. Ata që kanë rrogën mbi 130 mijë lekë në muaj, do të kontribuojnë përmes taksave në mënyrë progresive, ose më saktësisht 13 mijë lekë + 23% të shumës mbi 130 mijë lekë.

Këta që sot ankohen se paketa e re fiskale dëmton biznesin, janë ata që deri në shtator të këtij viti e kishin robëruar biznesin me taksën më të rëndë. Ka pasur taksa dhe taksa, por taksë korrupsioni do mbaheni mend vetëm ju në historinë e gjithë këtyre viteve.

Taksën e korrupsionit këta e kishin me emra të tjerë. Në të shumtën e rasteve ajo që njihet me emër quhet TVSH. Këta kishin taksa me emra të koduar.

Njëra taksë e kishte emrin SAL. Tjetra e kishte emrin ZEN, tjetra GIT, VAN, XHOZ, MUL, BEN. Apo e harruat? E harruat atë 3% që Gita i vuri atij biznesmenit? Apo harruat për taksat e Xhozit? 750 mijë milje fluturime me avion nëpër gjithë botën. Po çfarë takse ishte kjo? Taksë që i faturohej qytetarëve shqiptarë, që kryetarja e kuvendit të mos linte vend në botë pa vizituar, në diplomacinë parlamentare që nuk ja pamë hairin asnjëherë.

Po këto taksat e tjera? Taksa Mul? Nuk ishte TVSH kjo, ishte taksë tjetër. Që kur çdo makinë në kryeqytet parkohej gabim, paguhej taksa Mul 50 mijë lekë.

E pra ne po e shpëtojmë biznesin nga taksimi më i rëndë, ai i korrupsionit. Po e shpëtojmë biznesin nga taksat e Mulit, të Gitës, të Zenit, të Xhozit, të Vanit dhe të tjerët me radhë.

Edhe pse buxheti i ri aplikon taksën progresive duke ndikuar tek biznesi i madh, premtim që e kishim bërë gjatë fushatës zgjedhore dhe po e mbajmë, garantimi i shlyerjes së borxheve ndaj biznesit të madh prej 350 milionë dollarësh injekton para në ekonomi duke i dhënë avantazhe të dukshme biznesit të madh. Shteti i merr biznesit të madh vetëm 60 milionë dollarë prej taksave. Ndërkohë në vitin e parë të qeverisjes sonë, sepse qeverisja jonë fillon me buxhet në 1 janar 2014, ne japim 350 milionë dollarë duke shlyer borxhet që kishit lënë ju.

Shlyerja e borxhit të qeverisë ndaj sipërmarrjes private, rihap kantieret e punës, shton investimet dhe rikthen njerëzit në punë. Faturat e borxheve që qeveria do të shlyejë në vitin 2014 ndaj sipërmarrjes private, për punë apo shërbime të kryera gjatë qeverisjes suaj, por të papaguara, do të jetë 350 milionë dollarë.

Ne do të shtojmë 100 milionë dollarë investime në projekte të qeverisjes vendore, si edhe 665 milionë dollarë investime të tjera. Buxheti 2014 është tashmë buxheti më i madh, por edhe buxheti që injekton në ekonomi plot 1,1 miliardë dollarë.

Buxheti 2014 për mirëqenien sociale dhe rininë pëson edhe ky një rritje prej 23,5%, ose 13 miliardë lekë më shumë.

Jeni të shqetësuar, ju shoh, kjo sepse faktet janë kokëforta. Harruat që nuk paguanit as pensionet e invaliditetit, as ndihmë ekonomike, por nga ana tjetër para pafund për klanin e qeverisë suaj. Paratë e ndihmës ekonomike, paratë për pensionin e invaliditetit u përdoren gjatë fushatës, por edhe para saj, për makijazhin televiziv në ekranin e qeverisë.

274 fatura dreka darkash pa paguar në Ministrinë e Jashtme, nga koha e Lul Bashës deri tek Aldo Bumçi. Ndërkohë që Saliu nuk ka paguar as drekën e 100 vjetorit të Pavarësisë.

Borxhi për të cilin bërtet Sali Berisha është borxhi i faturave të papaguara.

Buxheti i ri mundëson jo vetëm stabilizim e situatës, por edhe përmbushjen e prioriteteve për të mbuluar nevojat e 168,574 personave me aftësi të kufizuar dhe invalidëve të punës. Falë buxhetit të vitit 2014, 108,580 familje do të mbështeten përmes skemës ndihmës ekonomike.

Buxheti 2014 është buxheti i kthesës ekonomike dhe financiare të vendit.

Familjeve të pastreha ne iu themi sot se do t’i rrisim 22% fondet e strehimit. Por ndërkohë jemi duke shqyrtuar edhe këtë kapitull të zi të historisë tuaj në pushtet dhe një kapitull që sigurisht do filloj të zbardhet në janar, me para të dhëna gjoja për të pastrehët, por që ofiqarë të qeverisë na kanë ndërtuar vila në bregdet me paratë e të pastrehëve.

Nuk dua të zgjatem më shumë për këtë, sepse është ende në shqyrtim. Është pak, por e sigurt që shqiptarët do të shohin shumë shpejt, ata që janë të pastrehë, ata që janë nxjerrë me dhunë nga shtëpitë e pronarëve që me të drejtë duhet të gëzojnë më në fund shtëpinë e tyre, janë lënë rrugëve si të pastrehë, e shumë të tjera që vazhdojnë në hetim.

Hidhini një sy listës së trajtimit të të pastrehëve në Bashkinë e Lulzim Bashës. Luli dha kredi për të pastrehë për zëdhënësen e vet Esmeraldën, ç’ti bëjmë e ka merak atë. Dha kredi edhe për Agim Llupon njeriu që shkrehu armën e Saliut më 21 Janar 2011. Nuk e di pse ju shqetëson një kredi për zëdhënësen! Qoftë e pastrehë zëdhënësja, por ka dhe të pastrehë të tjerë që meritojnë përpara zëdhënëses ta marrin një kredi për strehim këtu në Tiranë, e  para se t’ia japësh një kredi zëdhënëses dhe Agim Llupos duhet t’ia japësh atyre.

Investimet e mëdha ne do ti bëjmë në bujqësi gjithashtu, në agropërpunim si dhe në pikat e grumbullimit që garantojnë blerjen e prodhimit bujqësor. Buxheti 2014 parashikon 1,9 miliardë lekë më shumë në bujqësi, krahasuar me vitin tuaj zgjedhor 2013. Ky buxhet garanton 700 milionë lekë më shumë në subvencione për fermerin, si edhe 505 milionë lekë më shumë investime në sistemet e ujitjes, kullimit dhe mbrojtjes nga përmbytjet.

Zonja dhe Zotërinj deputetë,

Të nderuar qytetarë shqiptarë,

Sot, 101 ditë pas marrjes së frenave të qeverisjes në dorë,

Qeveria e Re i ka dhënë fund rënies drejt greminës ekonomike e financiare dhe ka arritur të çmontojë minat me sahat që do të plasnin njëra pas tjetrës duke hedhur në erë të ardhmen, njësoj si në vitet e mbrapshtme të  Sudes e të Vebiut.

Faleminderit.

*Fjala në emër të grupit parlamentar socialist, e nënkryetarit Taulant Balla, për paketën e re fiskale të vitit 2014.

imazhe shqip

*   *   *

Malli që duket nuk do kallauz

Nga Bedri Islami

Zakonisht kjo fjalë e hershme është jo për mallin, por për… malin. Mirëpo qeveritarët e deridjeshëm, thuajse të gjithë, sepse ishin në të njëjtën linjë, mallin e kanë bërë mal. 

Ta zëmë, Ridvan Bode – (ish ministri i financave kur ndodhi gjëma e vitit ‘97, dhe prapë ish-ministër financash vitet e fundit kur piramida financiare e shtetit është humnerizuar) – ka një vilë që duket se kushton rreth 750 mijë euro. Ai, po ashtu, ka edhe nje makinë luksoze, ka një llogari bankare, ka financuar jetesën apo studimet e fëmijëve të tij. Të gjitha këto, në 8 vite qeverisje, bëjnë një shumë prej rreth një milion euro. Kjo është ajo që dihet, pra pjesa e dukshme, e cila, krejt lehtësisht, mund të jetë maja e ajsbergut e pasurisë së tij. 

imazhe shqip

Shefi i financave i qeverisë Berisha , me gjithë të ardhurat shtesë në “studime” të ndryshme, veprimtari të njohura e të ditura, nuk ka pasur të ardhura mujore prej më shumë se 2 mijë euro në muaj, dhe në fakt, është tatuar për më pak se kaq. Tatimi financiar që i është bërë tregon se sa ka qenë edhe e ardhura vjetore e tij. Kjo është ajo që njeriu i zakonshëm sheh dhe pas saj, mund të jetë ajo që merr me mend. Ndoshta hesht, ndoshta bën sikur nuk e sheh… Mirëpo, jeta i ka dhënë njeriut edhe një të metë: ai di të mendojë, dhe njeriu i thjeshtë, ai që bën në fundin e çdo muaji llogarinë e jetës së tij, mendon edhe për këtë mallin-mal, që duket e nuk do kallauz.

Nëse Bode është tatuar për më pak se 2 mijë euro në muaj ose për më pak se 24 mijë euro në vit, atëherë si dolën fitimet e tij kaq përrallore, të shndërruara në vila, pasuri të patundshme, investime, makina luksoze? Njeriu i thjeshtë, që mendon për bukën e përditshme, pyet : ku jetonte para ardhjes në pushtet ky njeri, bos financiar, në cilën banesë dhe ku jeton tani? Me çfarë udhëtonte para tetë viteve dhe me se udhëton tani? Me se merreshin të afërmit, fëmijët e kushërinjtë e tij para tetë viteve dhe me çfarë merren tani?

Njeriu i thjeshtë mendon kur ngryset e nuk ka zjarr në vatër se zoti Bode, për të bërë këtë pasuri, sikur asgjë të mos kishte ngrënë, të mos ishte larë e të mos ishte rruar, të mos kishte paguar as faturat e energjisë elektrike dhe të ujrave, do i duheshin plot 41 vite….dhe vetëm pas kursimit 41 vjeçar do të kishte mundur të jetonte në këtë vilë ku jeton edhe sot, do të kishte mundur të udhëtonte me këtë makinë që udhëton sot, e në fund të fundit.. mund të kishte llapur po aq shumë sa po llap sot.

Kjo llogari, që është përllogaritja e përafërt e jetës së një ministri në qeverinë Berisha, bëhet në të gjithë botën. Ka raste, jo të pakta, kur ministra të famshëm janë flakur nga detyra vetëm se kanë përdorur makinën zyrtare për një udhëtim privat,deri tek aeroporti..ndërsa për një blerje të madhe, ata kanë kaluar nëpër hetimin financiar, si çdo njeri tjetër.

Dikush do të thotë se kjo pasuria është përparësia e një ministri….e vërtetë, por vetëm me kushtin e vetëm, që ai të jetë thellësisht i korruptuar. Se, po të ishte ndryshe, taksat nga fitimi që do të paguante zoti Bode do të ishin krejt ndryshe, disa-fish më të larta, kur për më tepër, sipas ligjeve të shtetit, kur je ministër, nuk të lejohet asnjë linjë paralele fitimi, asnjë biznes, asnjë përllogaritje ekonomike jashtë asaj që të lejon ligji. Ku i gjeti Bode dhe të tjerët si ai…paratë për të bërë vila, për të bërë udhëtime, për të financuar studime, për të udhëtuar me makina të shtrenjta…

Është një fakt që flet: në kaq vite në politikë zullumqare Berisha i dëboi thuajse të gjithë dhe i mori përsëri. E dëboi Azem Hajdarin dhe e shpalli sigurims, vagabond ordiner; e dëboi Neritan Ceken dhe e shpalli ramizist; dëboi Imamin dhe e shpalli gjeneral bandit;  Rulin e Artan Hoxhën i dërgoi në gjyq, dëboi Zogajn, Emin Musliun e shquar për ndërtimin e veprave të mëdha, largoi Bashkim Koplikun e Dashamir Shehun, dëboi Pollon dhe e shpalli progrek; i dëboi nga njëherë thuajse të gjithë,nga kryesia e parë e PD-së nuk ka mbetur askush veç tij,  dhe thuajse të gjithë u kthyen si shërbyes të bindur. I vetmi që nuk u tund asnjëherë, edhe kur piramidat e vitit 1997 shpërthyen me vrasjen e mijëra vetëve, do të ishte Bode.

Nuk është Bode përjetësues besnik i Berishës. Gjithçka mund të jetë, por kurrë i ngulitur pas idesë dhe vizionit, edhe pse Berisha nuk ka ide e as vizion, por edhe pse Bodes nuk ia lejon xhepi të jetë i tillë. Nuk është se ata vijnë nga e njëjta linjë: njëri besnik i Enverit dhe tjetri i vullnetarëve të Enverit. Ajo që i lidh është financa…nëse ndonjëherë do të shkundet thesi i miellit të njërit prej tyre, atëherë vetëm thërrmijat që do të dalin do të jenë të mjaftueshme për të fundosur edhe tjetrin.

Dhe sikur unë në vend të Bodes do të kisha vendosur në këtë shënim të shkurtër Rulin, Bashën, Pollon e të tjerë nuk do të kishte pasur asnjë ndryshim. Që në vitet e shkollës fillore kemi mësuar se ndërrimi i kaheve në një mbledhje matematikore nuk e ndërron shumën.

Ai ishte ministër ... thuaj këtë dhe i ke thënë të gjitha.

Por edhe mund të mos jesh ministër.. ndoshta mund të mos kesh asnjë post dhe përsëri bën vila, udhëton me makina të shtrenjta, bën udhëtime jashtë shtetit, mban miq apo mikesha, lodron si nëpër mallin e babait… Në tetë vite Shkëlzen Berisha ishte më shumë se ministër, ai ishte de fakto zoti i tyre, njeriu që ia mblidhte, që i detyronte të dërgonin fakse në emër të tij, që i bënte ministrat të dridheshin, që zyrën e ministrit të mbrojtjes e kishte bërë si portë hani, që ministrin e drejtësisë e kishte shndërruar në leckë, që fliste me Delijorgjin menjëherë pas shpërthimit në Gërdec dhe askush nga prokuroria nuk kishte guximin ta thërriste… që dërgonte në gjykatë secilin që donte dhe shënonte vetë vendimin për dënimin… njeriu që me një çantë mblidhte detyrimet si taksaxhiu i babait të tij. Ai dhe e motra, u bënë në mendimin e njerëzve si Niku i Çausheskut, binjakë të fshehjes së gjërave… dhe asnjë prokuror, asnjë punonjës financave, asnjë nga institucioni i famshëm i deklarimit të pasurive nuk i tha, të paktën sa për të larë gojën; “Moj bija e kryeministrit, që para tetë viteve ishe njeri i zakonshëm, me se e bëre vilën më shumë se gjysmë milionë euro në Gjirin e Lalzit.. me çfarë e bëre vilën e parë dhe me çfarë e prishe atë, për të bërë një të dytë, disa herë më të madhe, që është një kështjellë? Askush.

Tani të gjithë këta, që pasi punojnë “50 vite” blejnë një vilë, janë në ankth. Çfarë do të bëhet me pasurinë e tyre? Dhe mbi të gjitha, kur do të mund të rikthehen?? Për këtë edhe protestojnë, edhe anatemojnë, edhe mallkojnë, edhe bëjnë thirrje për revolta…Janë në gjendje t’i bëjnë të gjitha, për të ardhur edhe një herë në pushtet. Nuk thotë kot populli , “Më keq i mësuari, se sa i dëshiruari”./DITA

imazhe shqip

*   *   *

Skandali, stemës së FSHF-së i humbet shqiponja

Skandalet në Federatën Shqiptare të Futbollit nuk kanë të sosur, por i djeshmi të irriton, pasi fyen jo pak shqiptarët, duke u hequr një pjesë të identitetit. Me idenë e kush e di se kujt, FSHF ka vendosur një logo të re si imazh të saj, duke hequr një logo simbol prej shumë dekadash. Teksa hap faqen zyrtare të FSHF (pa info dhe me gabime të theksuara), njoftimi i parë dje ishte:

“Kemi kënaqësinë të inaugurojmë një simbol të ri, i cili shpresojmë që t’ju pëlqejë dhe të përfaqësojë denjësisht edhe në sytë tuaj institucionin tonë. Është logoja e re e Federatës Shqiptare të Futbollit. Vizioni ynë është të jemi organizata ose ‘Marka’ më aktive në tregun sportiv shqiptar. Kjo ishte edhe pikënisja jonë për një brand të ri. Ne jemi krenarë që ekipet tona kombëtare veshin fanellat me simbolet tona kombëtare në zemër, por menduam që për të njëjtët elemente mund të gjenim një mënyrë më tërheqëse dhe më të veçantë për institucionin tonë. Ndërkohë që bota e marketingut është një botë në evolucion të vazhdueshëm, ndërmorëm edhe ne sfidën që të ecim në një hap me kohën tonë sipas kërkesave të një tregu gjithmonë e më kërkues”.

SKANDALI

Federata, pasi futi kombëtaren në Botëror, pasi është më e pastërta në botë, pa asnjë ndeshje të trukuar të kampionatit shqiptar, pa dhunë në garat sportive, me një gjykim të shkëlqyer, etj., etj., vetëm logoja i kishte mbetur të ndryshonte dhe të evoluonte logon. FSHF e bën fakt të kryer, pastaj shpreson që t’i pëlqejë publikut. Ndërkohë që flasin për brand të ri, drejtuesit e FSHF-së në vazhdim flasin për një rinovim brand-i, çka në fakt i është dashur FSHF-së dhe jo një logo tërësisht të re. “Elementi qendror i identitetit të ri është mburoja si element i marrë nga heraldika shqiptare, e cila na jep idenë e mbështetjes në tradita të vjetra kombëtare. Në një sfond të kuq, i cili simbolizon flamurin tonë kombëtar, kemi të paraqitur një top futbolli në lëvizje së bashku me një shqiponjë të zezë me dy kokë të stilizuar. Në krye është vendosur akronimi i institucionit ‘FSHF’ dhe viti i themelimit 1930″, – thuhet më tej në infon e FSHF-së. Nëse FSHF-ja vizat e zeza, që të japin idenë e topit në lëvizje e quan shqiponjë, mjerë simboli ynë kombëtar ku ka përfunduar. I ngjan më shumë një laraske në lëvizje.

LOGO

Federata për asnjë moment nuk ka bërë të ditur se është në rinovim të logos. Për ironi të fatit, dje ishte 10-vjetori i tifogrupit më të madh të kombëtares shqiptare, “Tifozat Kuq e Zi” dhe FSHF u ka bërë dhuratën më të shëmtuar të mundshme të gjithë tifozëve të kombëtares shqiptare. Tifozët kanë reaguar menjëherë në rrjetet sociale, duke e quajtur “turp” logon e re, e cila është ndërtuar thjesht me shijet e një grushti njerëzish, pa marrë parasysh sugjerimet e specialistëve dhe mendimet e tifozëve. Mund të ishte bërë një sondazh, mund të ishin paraqitur disa logo dhe në fund mund të kishim një logo fituese. Pyetja tjetër: pse duhej patjetër të bëhej logoja e re? Një Zot e di se çfarë bëhet në FSHF./GSH

imazhe shqip

*   *   *

Kryeministri Edi Rama Top Story

Top Story - Pjesa e Parë -

Nëse Saliu fitonte më 23 qershor, 

me borxhet që kishte do shkaktonte prap një 1997

imazhe shqip

Viti 2013 është viti që solli në krye të vendit një qeveri të re, pas tetë vitesh qeverisje të së djathtës.

Kabineti Rama është mandatuar me një program ambicioz dhe premtimin që do të transformojë jetën e shqiptarëve.

Qeveria e re mbushi 100 ditët e para të saj në detyrë në 22 Dhjetor dhe për të bërë një bilanc të këtyre ditëve, të të gjithë vitit, por edhe atë që na pret në të ardhmen e afërt, në serinë e fundit të “Top-Story” për 2013-n mbërriti kryeministri i vendit, zoti Edi Rama.

Sokol Balla: Zoti Rama ju e keni quajtur buxhetin 2014 buxhet që të ndalë rrënimin, megjithatë duket që, sic e the edhe vetë, që fatura në fakt është shumë e lartë dhe kjo ju ka detyruar që jo vetëm të thërrisni FMN, por të paktën thuhet që marrëveshja ka kushte të rënda dhe kërkesa të forta që mund të shkojnë deri në rritjen e moshës së pensioni. Mund të na thoni dicka më tepër rreth kësaj marrëveshje?

Edi Rama: Marrëveshja nuk ka kushte të rënda për qytetarët. Marrëveshja ka kushte të rënda për qeverinë, në kuptimin që përkundër një marrëveshje, që nuk është detyruese për ulje rrogash, ulje pensionesh apo ndërprerje investimesh deri sa të balancohet borxhin i shtëpisë, por është një marrëveshje që përkundër kërkesave tona që të lehtësojmë njerëzit e zakonshëm, që jetojnë me punën e tyre të ndershme falë një rroge, të lehtësojmë rrugën e njerëzve që duan punë dhe të hapim vende të reja pune që duan investime, duhet të marrim përsipër një sërë reformash të rëndësishme strukturore për t’i dhënë fund një historie humbjesh, sic janë humbjet që shkaktohen cdo vit në sistemin elektroenergjitik. Ne s’mund të vazhdojmë më kështu. Të gjithë duhet ta kuptojnë që ne nuk mund të vazhdojmë kështu, duke vjedhur energjinë, duke mos paguar energjinë, duke filluar nga qeveria, nga institucionet shtetërore, tek bizneset, tek familjet që janë në punë dhe deri tek ata që janë në nevojë për të cilët do ta subvencionojmë ne 10 përqind të faturës. Është shumë e rëndësishme po ashtu të kuptohet që nuk mund të vazhdohet kështu me shpërdorimin e ujit. Jemi vendi i dytë më i pasur në Europë me burime ujore dhe jemi i vetmi vend për faqe të zezë që nuk arrijmë do të japim ujë për të pirë gjithë fëmijëve, gjithë familjeve dhe nuk vadisim një pjesë të konsiderueshme të tokave të bukës sepse i gjithë sistemi i ujit është i amortizuar dhe në sistemin tonë të ujit vidhet. Pra kërkohen reforma që nuk janë të dhimbshme për qytetarin e zakonshëm, por janë të dhimbshme për koorporatat në kuptimin e kastave, klientelave, klaneve që janë krijuar që nga niveli më i lartë politik tek niveli i fshatit i komunës për të përfituar duke qenë anëtarë bordesh, anëtarë rrjetesh, duke hequr lekë këtej, hequr lekë andej duke fshehur fatura e kështu me radhë. Kërkohet reformë e thellë në të ardhurat. Duhet të garantojmë që informaliteti që është shumë i lartë, numri i atyre që nuk paguajnë taksa, që u fshihen taksave është shumë i lartë, sic është i lartë numri i atyre që nuk paguajnë faturat e energjisë. Edhe këtu kërkohet reformë. Duhet të bëjmë një reformë të thellë. Kërkohet edhe një reformë e pensioneve sepse skema aktuale nuk e ka jetën e gjatë dhe do të vijë dita që ky shtet, s’flitet as për 4-5 vite, por do të vijë dita që gjeneratat e tjera e pensionistëve nuk do të marrin dot pensione. Këtu kjo do diskutim. Në parim ne e kemi pranuar dhe do ta bëjmë një reformë pensionesh, por jo një reformë të shpejtë dhe të thellë në shpejtësi për të goditur ata që sot janë pensionistët më të moshuar dhe nuk kemi se cfarë kemi t’u kërkojmë më, mirë se nuk kemi cfarë t’u japim dot, por t’u kërkojmë sakrifica në këtë drejtim, të prekim pensionin e tyre, ne këtë nuk e kemi pranuar. Por…

Sokol Balla: E vetmja gjë është se duhet të mendoni për pensionin e  brezit tonë, ajo që thoni ju…

Edi Rama: Jo, kur vjen fjala që të shoh ty këtu përballë mendoj që ti e meriton të rrish në punë deri 80 vjeç. Problemi është që të marrim masa që në afat 10-15 vjecar të ndryshojmë të gjithë skemën në mënyrë që skema të funksionojë. Përndryshe, jeto sot, po punë e madhe se ç’bëhet nesër, një gjeneratë e tërë do të ngelet pa pension. Kjo është situata.

Sokol Balla: E meriton vërtet, pavarësisht se e mora si kompliment…

Edi Rama: Kompliment po të punosh që ç’ke me të. Të të jap unë pension ty.

Sokol Balla: Gjithë problemi është që ata që kanë rroga të larta paguajnë tatime të larta, por ama dihet që në fund të fundit ofrohet një nivel tavan pensioni, pavarësisht kontributeve që t’i jep dhe kjo normalisht që duhet të ndryshojë. Në rregull ne duhet të kontribuojmë edhe për atë pjesë të shoqërisë që nuk ka mundësi…

imazhe shqip

Edi Rama: Kjo është pjesë e ndryshimit të skemës që kushdo që dëshiron të kontribuojë për të patur një pension më të lartë, mund ta bëjë këtë gjë. Por ne flasim se ne nuk jemi të shqetësuar se cfarë pensioni do ketë Sokol Balla, për të qenë të sinqertë. Problemi është që ne shqetësohemi për masën e madhe të pensionisteve që nuk mund të përfitojnë nga skema e kontributeve alternative private dhe duhet të garantohen. Përfytyroni që në raportin mes vendeve të zhvilluara dhe nesh, është një raport i pamundur kontributesh dhe personave që përfitojnë nga kontributet. Në rast se 8 vetë kontribuojnë për 1 person, për 1 pension, një raport mesatar, një njeri për një pension kjo nuk mban. Është e pamundur, duhet të ndryshojmë skemë.

Sokol Balla: Zoti Rama opozita ka paraqitur 30 amendamente mbi buxhetin, bazuar, sic thotë ajo, në premtimet tuaja elektorale. Një lëvizje, që padyshim ka edhe cinizmin brenda, por që tenton të vërë në provë nëse ju keni premtuar në fushatë, apo seriozisht që do të bëni ato që keni premtuar. Do të merrni parasysh ndonjë prej këtyre amendamenteve?

Edi Rama: Ne nuk marrim parasysh asnjë amendament provokativ, aq më tepër të një opozite që ka mbetur peng e një plaku që i ka sosur kandili i arsyes. Shqiptarët e bënë të tyren dhe e larguan opozitën e sotme nga qeveria dhe e cuan shqiptarët në pension gjyshin që s’kishte më se cfarë t’u jepte shqiptarëve, përvec përrallave dhe s’kishte më asgjë më të mirë përvec borxheve ku i zhyti shqiptarët. Edhe ne nga ana jonë e bëmë tonën, edhe PD nga ana e saj duhet të bëjë të veten. Nuk është fat i mirë, por ndodh kur plaku i shtëpisë rrjedh, por ama familja e përgjegjshme e mban në shtëpi, kujdeset për të brenda shtëpisë, i krijon kushte, nuk ka asgjë jonatyrale, por ama nuk e lë të dalë cdo mëngjes të tërbojë të gjithë lagjen. Kështu që ata duhet ta bëjnë të tyren dhe amendamentet që burojnë nga shkuarja pas marrëzisë së plakut të shtëpisë së tyre, ne s’kemi ca të pranojmë. Ne do t’i mbajmë zotimet tona në 4 vjet dhe të kërkosh një qeverie që në 100 ditë të mbajë të gjitha zotimet, do të thotë të pretendosh se zgjedhjet do të bëhen cdo 100 ditë.

Sokol Balla: Meqë iu referuat ish-kryetarit të familjes së PD-së…

Edi Rama: Ai nuk është ish-kryetari, ai është kryetari i familjes dhe…

Sokol Balla: Ai është kryetari i familjes sepse unë e shikoj për një person që nuk e di, si ai ushtari japonez në ishujt në Luftën e Dytë Botërore, që nuk e di se zgjedhjet kanë mbaruar dhe është ndërruar pushteti, kur shikon në parlament mendon që Sali Berisha është ende Kryeministër i Shqipërisë. A mendoni që trajtimi i privilegjuar që ju po i bëni ish-kryeministrit, ju dhe zoti Meta, është deri diku i tepruar, i panevojshëm?

Edi Rama: Përfytyrojeni veten në kafen e lagjes tuaj, janë të gjithë aty duke pirë kafe, vjen plaku në fjalë, fillon bërtet, ulet, cohet, ulet, kap banakun. Juve edhe po të ishit nuk do thonit nxirreni jashtë.

Sokol Balla: Po as pronari i lokalit nuk duhej t’i jepte raki.

Edi Rama: Pronari i lokalit do merrte në telefon ata të shtëpisë dhe do t’u thoshte mos e lini të dalë jashtë këtë se na tërboi, na la pa punë. Kështu është pozita jonë me thënë të drejtën dhe i takon vërtet PD që të sillet si familje e përgjegjshme, ta lënë në krye të vendit tek SHQUP-i, t’i japin një batanije, lidhjen në internet ja garantojmë falas ne. Të rrijë në Facebook, por mos dalë dhe të marrë për orë të tëra debatin e parlamentit me broçkulla, dhe aq më tepër pastaj i kanë ikur të gjitha frenat e gojës dhe çfarë nuk thotë.

Sokol Balla:  T’i kthehemi të tashmes, le ta lëmë të shkuarën…

Edi Rama: Është e tashmja kjo për fat të keq. Është e tashmja e një partie që vazhdon jeton me të shkuarën. Por dakort jam që ne t’i kthehemi të tashmes dhe ta lëmë të shkuarën, dakort jam.

Sokol Balla: Në dy foto, në njërën foto tuajën elektorale, tjetra është fotoja juaj në 100 ditë Kryeministër. Sigurisht, ka një spekulim, por në këtë kontrast të fotografive, t’i përgjigjeshit pyetjes, a keni identifikuar ndonjë premtim të programit elektoral që nuk e mbani dot?

Edi Rama: Jo, nuk kam identifikuar asnjë premtim që nuk e mbajmë dot.

Sokol Balla: A keni identifikuar ndonjë premtim që nuk e mbani dot brenda një mandati?

Edi Rama: Jo.

Sokol Balla: Kur do të kenë shqiptarët mundësinë të kurohen falas në spitale, sic keni premtuar?

Edi Rama: Është një proces që ka filluar për të ngritur një sistem. Këtu bëhet fjalë për të ndryshuar një sistem me një tjetër. Fatkeqësisht, 20 e kusur vjet, gati cerek shekulli ne nuk arritëm dot të ndryshojmë një sistem shëndetësor të ndërtuar mbi parimet dhe normat e komunizmit, me një sistem i cili të mund të funksionojë për të gjithë në mënyrë normale, pa qenë një vend komunist. Nuk e bën do të këtë gjë. Ndërkohë që ne duam që të ndërtojmë një sistem demokratik i cili të ngrihet mbi parimin që pavarësisht ke apo s’ke lek, kur vjen puna për shërbimin shëndetësor, ti do ta marrësh atë njësoj sic e merr tjetri, pavarësisht nëse ke apo s’ke lekë. Pra një shërbim shëndetësor universal. Që vitin e ardhshëm dhe kjo falë atij 10 lekëshi të taksës së rritur të naftës, ne do mund të garantojmë vizita falas për 800 mijë njerëz, nga 40 deri në 60 vjec dhe do të mund të garantojmë ekzaminimet gjatë shtatzënisë dhe vizita për kancerin e gjirit për 30 mijë gra dhe vajza, që janë një grup që deri më sot nuk kanë bërë dot asnjë ekzaminim gjatë shtatzënisë sepse s’paguajnë dot. Pra të gjitha këto do të bëhen falas dhe do të vazhdojmë me një reformë që ka disa hapa përpara se të arrijmë tek ofrimi i kujdesit shëndetësor për të gjithë dhe pa futur duart në xhep duke dhënë lekë mjekut.

Sokol Balla: Në fakt keni dhënë edhe premtimin për legalizimet falas. I qëndroni apo jeni tërhequr?

Edi Rama: Këta na thonë pse nuk e mbajtët premtimin për legalizimin falas, 100 ditë janë bërë të dielën që shkoi. Tani si mundet këta? Me cfarë kurajoje, përvec kurajos që të jep fakti që ke rrjedhur, asnjë mekanizëm logjik dhe asnjë arsye që funksionon nuk ta jep këtë kurajo, dhe aq më tepër këta, që premtuan legalizime jo falas, por me para dhe që në 8 vjet kanë marrë 300 mijë vetëdeklarime nga qytetarët, kanë bërë matjet fizike vetëm për 140 mijë deklarime, pra 160 mijë të tjera zëre se nuk ekzistojnë, dhe nga 140 mijë u kanë marrë paratë 70 mijë familjeve dhe nga këto 70 mijë këta kanë begenisur të përgjigjen vetëm për 22 mijë prej tyre. Me cfarë kurajoje këta na kërkojnë llogari ne?

Sokol Balla: Zoti Rama, Ministri i Brendshëm, Saimir Tahiri ishte i vetmi që deklaroi rritjen pagash për sektorin përgjegjës, pra për policinë dhe është bërë shumë mirë, por përse vetëm për policinë?

Edi Rama: Rritja është më e larta në historinë e policisë. Nuk është për një sektor. Rritja e pagave për policinë është investim për të gjithë, për të gjithë vajzat dhe djemtë që shkojnë në shkollë, në universitet, për të gjitha familjet që thonë aman, siguri dhe qetësi dhe pastaj të tjerat, për bizneseve që janë nën trysninë e horrave dhe rrugacëve që ju vënë gjoba, për investitorët duhet të ndjehen të qetë dhe të pakërcënuar. Është një investim për sigurinë e përbashkët publike. Ndaj këtu ne bëmë një debat shumë të fortë, të qartë dhe këmbëngulës me FMN dhe i thamë që jo vetëm nuk do prekim asnjë rrogë dhe pension, por përkundrazi, pensionet do t’i rrisim gjatë vitit të ardhshëm, por do të rrisim në mënyrë shumë drastike në 20-25 përqind. Dhe praktikisht ne kishim marrë një zotim për policinë. Në fushatë kemi thënë që brenda vitit të ardhshëm, rroga e inspektorit, e drejtorit, policit e të tjerë do të bëhet kaq. Nuk kemi rritur vetëm pagat e drejtuesve të lartë, por kemi rritur në mënyrë drastike pagat e policëve që janë në rrugë. Kemi policinë me arsimin më të ulët në botë. 75 përqind nuk e kanë shkollën e lartë. Kjo është një shifër që s’e ka asnjë vend i botës, Europa nuk diskutohet. Kemi policinë me moshën më të lartë në Europë për shkak të pagave.

Sokol Balla: Në buxhetin dhe paketën fiskale të qeverisë tuaj, në vitin 2014 njerëzit do të kenë më shumë apo më pak para?

Edi Rama: Nëse do të kishin më pak, për cfarë na zgjodhën ne më 23 qershor. Sigurisht që do të kenë më shumë dhe do kenë më shumë para reale, ato në xhep, jo si ato të Saliut që thoshte ju rrita rrogën. Këtej rriste rrogën dhe këtej pesëfishonte cmimet. Kuptohet ajo që po bëjmë ne është me hapa. Nuk pretendoj t’i them askujt që shiko se vitin tjetër do jeni të gjithë të lumtur, por pretendoj që të siguroj të gjithë ata që sot jetojnë me një rrogë dhe që kërkojnë një punë, që vitin tjetër do të fillojnë të marrin frymë lirisht.

Sokol Balla: Si e gjykoni që vlerësimin e njësisë inteligjente të “The Economist” në Londër bëri për Shqipërinë si një vend ku potencialisht 2014 mund të ketë trazira sociale?

Edi Rama: Të dhënat, njësia në fjalë nuk është profeti. Ka thënë shumë gjëra, disa kanë dalë, shumë nuk kanë dalë. Të dhënat që lexohen sot janë përgatitur shumë kohë përpara dhe po ju them që nëse ky popull më 23 qershor nuk do kishte dhënë 1 milion duar për të ndalur rrënimin, sot shtëpia jonë do ishte në prag të flakëve, njësoj si në ’96 për shkak të një piramide tjetër, piramida e Saliut, dora vetë. Si? Ashtu sic ju thashë, borxhe, borxhe borxhe dhe një ditë të bukur shteti do të gjendej në pamundësi për të larë këto borxhe dhe pamundësinë që dikusht të dilte të thoshte që ua marr unë përsipër këto borxhe dhe pastaj do vinte FMN dhe në kushte krize të thellë dhe do të detyrohej qeveria e radhës të ulte rrogat, pensionet dhe vendi të futej në një qerthull shumë të rrëzikshëm. Kjo nuk ndodhi falë shqiptarëve dhe votës më 23 qershor dhe pak merita jonë që kemi arritur të negociojmë dhe që morëm FMN me një marrëveshje ku qeveria merr mbi supe reforma strukturore, që asnjë qeveri nuk e ka bërë më parë.

Sokol Balla: Nuk na thatë konkretisht për cfarë shume parash bëhet fjalë nga FMN?

Edi Rama: Bordi i FMN do të mblidhet. Unë nuk dëshiroj të flas për shuma specifike, por kemi marrë edhe me fjalët e Guvernatorit të Bankës së Shqipërisë, një nga marrëveshjet më të mira që një qeveri ka marrë nga FMN ndonjëherë edhe bazuar në natyrën e programeve dhe marrëdhënieve që FMN ndërton me qeveritë e vendeve të ndryshme.

Sokol Balla: Në fund të pjesës ekonomike, që është e rëndësishme për qytetarët…

Edi Rama: Sa për të dhënë një shembull, se nuk dua të krijohet ideja sikur po fsheh ndonjë gjë, kur kemi nisur bisedimet jemi nisur me një ide paraprake për të marrë 150-100 milion euro. Sot kemi mbi 300 mln euro nga FMN plus me një rishikim të programit të Bankës Botërore, presim një shumë të konsiderueshme edhe nga kjo, dhe ajo që është më e rëndësishmja, vitin e ardhshëm në disa forma, qoftë me investime direkte, qoftë të shlyerjes së borxheve , qoftë në formën e disa investimeve të tjera nëpërmjet Fondit të Zhvillimit Rajonal, ne do të injektojmë në ekonomi, 1.1 miliard dollarë.

Sokol Balla: Kur diskutuat me grupin parlamentar për buxhetin, deklaruat se e keqja më e madhe kaloi dhe buxheti është kthesa, por ama që një kthesë e tillë të ndodhë në pak muaj, në kohë kur ne ekonominë e kemi të rrënuar, duke ditur që ekonomi shumë më të zhvilluara si e jona duan vite, psh në SHBA, ndoshta këtë vit ka një rritje solide ekonomia dhe punësimi… c’ka ndodhur në këto 100 ditë? Ose ju keni qenë një qeveri supermenësh, ose në fakt ekonomia nuk ka qenë kaq e rrënuar?

Edi Rama: Mos krahasoni ekonominë tonë me Shtetet e Bashkuara. Ajo që quhet krizë në SHBA këtu tek ne është grip, dhe ajo që quhet krizë këtu tek ne, në SHBA është kancer. Në rast se për një grip SHBA u duhet kohë sepse ndikon në shumë aspekte të ekonomisë, për një kancer mjaftojnë politikat e duhura dhe mjafton vendosmëria dhe Shqipëria rikuperon në pak kohë. Por këtu nuk bëhet fjalë për një lumturi ekonomike vitin e ardhshëm, por fillimin e një rimëkëmbje ekonomike. Kush deri dje ka patur arsye për të qenë pesimist, sot duhet të jetë optimist sepse më e keqja ka kaluar dhe cdo ditë ekonomia do të nisë të marrë frymë dhe do ta ndjejnë vetë njerëzit, kur të marrin rrogën, kur të mbyllin bilancet e dyqanit, do ta ndjejnë edhe sipërmarrësit që do paguajnë më shumë për shtetin, por jo dyfish për pushtetin. Të gjitha këto do të ndryshojnë, do ta ndjejnë investitorët, patjetër, sepse do kuptojnë që këtu ka ndryshuar dicka shumë e rëndësishme. Ka një ndryshim shumë të madh, deri dje kishim një qeveri që merrte borxhe në emër të njerëzve dhe qeveriste vetëm për vete, sot kemi një qeveri që qeveris për njerëzit dhe që shlyen borxhet që kanë marrë të tjerë para nesh.

Intervista KM Edi Rama në Top Story - Pjesa e Dytë Vijon në Linkun:
http://imazheshqip.blogspot.com/2013/12/km-edi-rama.html

imazhe shqip

*   *   *