Tifozet serbe djegin flamurin shqiptar

Nuk duhet një dron dhe as një flamur me simbole shqiptare, për të ndezur gjakrat nacionaliste të serbëve.

Një fakt të tillë e provoi më së miri ndeshja e sotme, në të njëjtin stadium, por tashmë tifozët nuk kishin përballë në fushë kombëtaren shqiptare, por dy skuadrat kryeqytetase, Partizanin dhe Crvena Zvezdën.

90 minutat e ndeshjes kanë shpërfaqur të njëjtën panoramë që shoqëroi ndeshjen e 14 tetorit, edhe pse të dyja skuadrat ishin serbe.

Ndeshja u shoqërua me incidente të shumta dhe një parullë sa e gjithë gjatësia e stadiumit ku shkruhej: “Kosova është Serbi”.

Gjatë pjesës së dytë të takimit, në shkallët e stadiumit u dogj flamuri ynë kombëtar, siç shikohet edhe në foto. Personi që e mban në dorë nuk ngjason aspak me vëllanë e kryeministrit shqiptar.

*   *   *

Shkëlzen Berisha: Për inat të zotit Edvin ...

shkoj pallohem me serbin

Shkëlzen Berisha - biznesmen pa NIPT

Shkëlzen Berisha, djali i ish-kryeministrit Sali Berisha, komenton deklaratën e Kryeministrit serb se do ta marrë në fundjavë vendimin për vizitën ose jo të Kryeministrit Rama në Beograd.

“Ata duhet të presin me durim dhe emocion fundjavën derisa kryeministri, presidenti serb e pse jo dhe Ivani, të vendosin nëse do ta lejojnë kryeministrin shqiptar t’u shtrëngojë dorën”, shkruan Shkëlzen Berisha në Facebook.

Ashtu si kryetari i ri i PD-së, djali i Berishës lë të kuptohet se është kundër vizitës së Beogradit.

“Duke qenë i sigurtë që Rama do e presë fundjavën me valixhe gati. Nuk më ngel veçse të shpresoj se serbët kanë zgjedhur ta poshtërojnë kryeministrin e shqiptarëve vetëm në distancë dhe jo nga afër”, shkruan i riu i Berishës.

*   *   *

Rita Ora: Larg duart e pista nga flamuri ynë

         Rita Ora             imazhe shqip

Këngëtarja me famë botërore, dhe origjinë shqiptare Rita Ora është shprehur se është krenare për valëvitjen e flamurit me hartën e ‘Shqipërisë Etnike” dhe fotot e dy figurave historike si Ismail Qemali e Isa Boletini, gjatë ndeshjes Serbi-Shqipëri në Beograd.  Nëpërmjet një statusi në Facebook, Rita shprehet se ndjehet sot më shumë se kurrë krenare që është shqiptare. “Isa, shqipet sot të kanë bërë krenar në mes të Beogradit. Mos e prekni flamurin tonë me ato duar të pista. S’kam qenë kurrë krenare që jam shqiptare më shumë se sot. Bac u kryyyy breeee”, tha ajo.

*   *   *

Video e plotë e asaj që ndodhi në stadiumin e Beogradit

në ndeshjen e ndërprerë 

Serbi – Shqipëri, 14 Tetor 2014

Në këtë video do të shikoni më qartë atë se çfarë ndodhi në Beograd në ndeshjen e ndërprerë Serbi – Shqipëri.

Momenti më pikant është ai kur kapiteni Lorik Cana mbërthen për fyti, e rrëzon përtokë dhe e grushton tifozin serb që goditi në kokë me stol futbollistin tonë  Bekim Balaj.

Vini re se si sulmohen futbollistët tanë nga tifozët serbë në hyrje të tunelit të dhomave të zhveshjes.

*   *   *