December 7, 2013

Enver Hoxha;

Jargët tuaja 
nuk mund ta arrijnë!

Nga Gjon Bruçi

Prej një jave çapaçulët e “demokracisë shqiptare” kanë përvjelur buzët dhe lëshojnë jargë kundër shqiptarit të madh Enver Hoxha. Më saktë kundër fotografisë së tij që komunistët afishuan si çdo 29 Nëntor tek varrezat e Dëshmorëve të Kombit. Në televizion, në shtyp e gjer tek tribuna e parlamentit, ngrihen çapaçulët dhe duke u dridhur e me zëra histerikë çirren se kryeministri Edi Rama na paska ofenduar popullin me inskenimin e Portretit të Enver Hoxhës në një ceremoni zyrtare. 

<img src="enver hoxha.gif" alt="enver hoxha" />

E dinë shumë mirë se afishimi i fotografisë së Enver Hoxhës nuk është vepër e Edi Ramës dhe as e protokollit zyrtar, por veprim i zakonshëm i PKSH, e cila, 29 nëntorin ka datën e saj më të shënuar, datën që shënon Epokën e Madhe të Luftës Antifashiste Nacionalçlirimtare të popullit Shqiptar. Këtë Epokë Lavdiplote e ideoi, e organizoi dhe e realizoi me fitore të plotë pikërisht Partia Komuniste Shqiptare dhe udhëheqësi i saj Enver Hoxha. Komunistët e sotëm të PKSH nuk bëjnë gjë tjetër veçse në këtë datë të shënuar shkojnë e nderojnë të rënët, Dëshmorët e Kombit, ish partizanët trima që vunë jetën e tyre në Altarin e Lirisë së Atdheut. E në këtë nderim ata nuk mund të shkojnë pa Komandantin e partizanëve, Enver Hoxhën, sepse të rënët nuk do t’i pranonin. Ish pushtetarët e djeshëm, që kanë livadhisur e po livadhisin mbi kurrizin e popullit prej me shumë se dy dekadash, të ndihmuar nga shpura e fandaksur e gazetarëve, analistëve, e opinionistëve shqip shqip, të tipit Fevziu, Balliu, Ngjela, etj., alarmohen, shqetësohen e zemërohen për fotografinë e Enver Hoxhës tek varret e Dëshmorëve të Kombit, dhe si një kor bretkosash zhapullijnë që nga kanali i ndotur ku gjenden falë veprës së tyre të ashtuquajtur demokratike. Këta politikanë dhe klounët e firaunët që i mbështesin nuk merakosen për të rënët e Kombit. Ata asnjëherë në këta 23 vjet nuk kanë ardhur t’i nderojnë ata në këtë datë të shënuar të veprës së tyre të madhe. Madje janë përpjekur dhe përpiqen çdo ditë që datën e lavdishme të 29 Nëntorit 1944 ta fshijnë nga kalendari. Pse?

Ish borgjezët e djeshëm, bajraktarët, bejlerët, agallarët dhe pinjollët e tyre të sotëm kërkojnë ta zhdukin 29 Nëntorin, sepse kjo datë historike u kujton turpin e madh të bashkëpunimit me okupatorin. Nga ky bashkëpunim ata me meritë morën epitetin “Kolaboracionist”, që ne shqiptarët e përkthejmë tradhëtar. Dhe këta të mjerë kanë të drejtë të çirren e të vajtojnë, sepse ky turp nuk mund të shlyhet as në varr, të cilin, siç thoshte Noli i madh e kanë të përbashkët me okupatorin që i shërbyen. Kapitulli i tyre u mbyll që me 29 Nëntor 1944 dhe tani le të vajtojnë të shkuarën e tyre të zezë, veprën e tyre të ndyrë, fatin e tyre të mjerë. Por problemin e kemi me këta të tjerët që nuk kanë asnjë lidhje me “Kolaboracionistët” e luftës. Përkundrazi janë nga ish radhët tona, nga ish shtresa jonë, shtresa e popullit. Them ish, sepse falë fuqisë së pushtetit që u ra në dorë si “torta e vitit të ri”, e kanë braktisur tashmë popullin dhe megjithëse përbetohen për të, sidomos kur i kërkojnë votën, janë kilometra të tërë larg tij. Pikërisht për këta e vura edhe vargun e Mjedës “O pjellë e keqe, o dhunë, o kore” – që Rilindasi i madh ka tek poezia “Mustafa Pasha në Babubunë”. Ç’kanë këta me 29 Nëntorin? Ç’kanë këta me Enver Hoxhën? Pse i tromaks kaq shumë fotografia e Tij? Këta çapaçulë të “demokracisë borgjeze” allashqiptare, bërtasin, çirren e këlthasin si histerikë sepse Portreti i Enver Hoxhës u kujton kohën kur shteti shqiptar ishte shtet, kur ligjet ishin ligje dhe ku hajduti, vrasësi, krimineli nuk gjente vrimë ku të futej nga drejtësia dhe nga gjykimi i popullit. Këta e dinë fort mirë se po të kthehet shteti socialist i kohës së Enver Hoxhës, do t’i nxirrnin për hundësh gjithë poshtërsitë që kanë bërë në këto 23 vjet të ashtuquajtur demokraci.

Ardhja e socialistëve në pushtet më 23 qershor dhe kërkesat e vazhdueshme të popullit për ndëshkimin e krimeve monstruoze të pushtetarëve të para 23 qershorit, u ka futur drithmën. Sepse CV-ja e tyre demokratike është e mbushur me krime nga më monstruozet, që çdo shtet, qoftë dhe me dy gram demokraci do t’i çonte përjetësisht prapa hekurave të burgut. Nuk jemi të sigurtë se kjo e fundit do të ndodhë. Kjo për faktin se si demokratët blu dhe socialistët rozë janë dy rrëfanga të të njëjtës pemë, asaj të borgjezisë me të njëjtën ngjyrë, ngjyrën e korbit. Dhe korbi – korbit nuk ia nxjerr sytë. Por një gjë e dimë fort mirë ne komunistët: Populli tashmë është zgjuar dhe e ka njohur me dhëmbë e dhëmballë “demokracinë” që sollën demokratikasit e vetëshpallur të vënë në shërbim të borgjezisë vendase e asaj ndërkombëtare dhe që shkatërruan shtetin e vërtetë të shqiptarëve, duke e lënë atë prej më shumë se dy dekadash në një kaos të vërtetë shoqëror ku lulëzojnë të gjitha ferrat, por asnjë pemë e vërtetë demokratike. A nuk e tha ish kryeministri Majko këto ditë se elita politike e borgjezisë shqiptare dështoi në ngritjen e shtetit?! Dhe dështimi nuk ka ardhë nga padija e nga pamundësia, por nga makutëria dhe tradhëtia. Çapaçulët në fjalë, në pamundësi të maten me veprën e Enver Hoxhës, mundohen të pështyjnë mbi fotografinë e tij. Por pështyma e tyre nuk mund të arrijë lartësitë e atij portreti, lartësi që ia kanë siguruar veprat e pavdekshme në shërbim të kombit. Enver Hoxha në gjysëm shekulli qeverisje transformoi një Shqipëri të tërë duke e kaluar nga mesjeta e errët ku ndodhej, në kohët moderne të shekullit njëzet. Në gjysmën e kësaj kohe, me 23 vjet “demokrazi” ju çapaçulë e shërbëtorë të të huajve e kthyet vendin përsëri në mesjetë, saqë po të ringjallej Pashko Vasa, do të ribotonte me nota të reja poemën e famshme shqip “O moj Shqypni e mjera Shqypni”.

Në pamundësi për t’u matur me Enver Hoxhën dhe veprën e tij, ju nuk lini epitet pa përdorur e shpifje pa fabrikuar për ta diskretituar atë në memorien e popullit dhe të historisë. Por populli dhe historia nuk janë si manjetofoni, i cili regjistron e ç’rregjistron sipas avazit të këngës, apo të valles. Populli dhe historia regjistrojnë veprat dhe vlerat. Dhe veprat e vlerat janë në jetën e veprimtarinë e Enver Hoxhës dhe kurrsesi në “Curriculum Vitaen” tuaj kënetore. Curriculumi juaj është i mbushur me krime e skandale të panumërta. Në të gjenden krimi i zhvatjes së pasurisë kombëtare; katrahura e mënxyra e ‘97 –tës; bomba “atomike” e Gërdecit; vrasjet monstruoze të 21 janarit; falja e detit shovinistëve grekë; korrupsioni galopant i rrugës së “Kombit”, të “Arbërit” dhe të 10 mijë e pesëqind kilometrave rrugë fantazmë që kanë gëlltitur djersën e shqiptarëve për të fryrë xhepat tuaj dhe të atyre që u shërbeni, e dhjetra e dhjetra skandale e krime, që po të rreshtoheshin kronologjikisht do të na duheshin çarçafë të tërë me gazeta. Mbi të gjithë në curriculumin tuaj qëndron shprishja që i bëtë e po i bëni shoqërisë shqiptare, ndër më të pastrat e më solidet në rajon e më gjerë, duke i injektuar të gjitha sëmundjet e shoqërisë së konsumit të sistemit kapitalist, çka ka vënë në pikëpyetje e në udhëkryq dinjitetin dhe identitetin e saj, të dallueshëm midis kombeve të tjerë. Dhe me gjithë këtë barrë turpi 23 vjeçare mbi shpinë, ju keni ende gojë e përflisni Shqiptarin e madh Enver Hoxha? Goja, mendja dhe vepra juaj e çoroditur nuk janë veçse gojë, mendje e vepër antidemokratike, antishqiptare e antikombëtare.

Përmenda në krye dy-tre mbiemra të njohur të medias e politikës, si personifikim i gjithë kësaj kaste që e ka vënë shpirtin në shërbim të së keqes, të gënjeshtrës, të shpifjes dhe asnjëherë në shërbim të së vërtetës. I përmenda ata të tre, sepse ishin ndër arixhofkat më të fundmit e më të zellshmit që na u shfaqën në ekran për problemin e 29 Nëntorit dhe fotografisë së Enver Hoxhës. Dy prej tyre, që hiqen si “biografët më të saktë” të Enver Hoxhës, një natë që dolën në “Opinionin” e famshëm të Ziut, i mbanin ison njëri-tjetrit me shpifjet delirante e bajate që kanë botuar në librat e tyre të “famshëm” e që nuk harruan të na i villnin edhe aty në emision. Jo për Ziun, apo Fevziun si gazetar mediokër, por për Ngjelën që mendohet se ka një “barrë” shkollë e mend, dua të sjell në këtë shkrim disa konsiderata për Enver Hoxhën. Jo konsiderata komunistësh, sepse ato duken të njëanshme në sytë e Ngjelës, por konsiderata borgjezësh perëndimorë, që nuk kanë patur e nuk kanë asnjë lidhje me Komunizmin, madje kanë qenë e janë kundërshtar te tij e të Enver Hoxhës: Ja konsideratat: Presidenti francez De Gol: “Askush më tepër se Enver Hoxha nuk e meriton thënien: Lavdia shkon tek ai që nuk e kërkon atë”. Autori i librit “Fitore e hidhur”, Reginald Hibbert: “….instiktet e tij politike ishin nga më të mëdhatë dhe ai tashmë ishte një mjeshtër i përsosur i politikës në prag të katastrofës”.

Shkrimtari Pablo Neruda: “Nga afër Enver Hoxhën e njoha në Moskë, kur ai vendosi në bangon e akuzës renegatin Nikita Hrushov si agjent në shërbim të imperializmit… Kur fliste Enver Hoxa, më ngjante me lartësinë e Himalajës”. Profesori i Universitetit të Tuluzës, Francë, Alen Dyselje: “Vdekjen e Enver Hoxhës do ta ndjejë jo vetëm populli shqiptar, por mbarë njerëzimi”. Piter Prift: “…Ai mund të pikturohej farë mirë duke mbajtur në njërën dorë shpatën e diktaturës së proletariatit dhe në tjetrën llambën e arsimit perëndimor”. Agjensia austriake e lajmeve, duke iu referuar fjalëve të Kancelarit të Republikës së Austrisë, shkruante në prill 1985: “Shqipëria humbi një personalitet që ka hyrë në historinë e Europës”. Dhe shtonte: “Enver Hoxha qe figura më e madhe e historisë së Shqipërisë… Emri i tij është i lidhur me të gjitha betejat e fitoret e popullit shqiptar”. Agjensia e lajmeve “Rojter”: “Nën udhëheqjen e Enver Hoxhës shqiptarët krijuan një shtet sovran, të lirë nga dominimi i huaj, gjë kjo e pashembullt në historinë e tyre… Nën udhëheqjen e tij Shqipëria arriti pavarësinë në fushën ekonomike dhe nivel bazë të mirëqenies materiale… Në fjalimet e tij plot ngjyra, ai ka paralajmëruar Moskën dhe Uashingtonin që të mos mendojnë se Shqipëria është një “kafshatë që gëlltitet lehtë”. Kjo arriti kulmin me fjalimin në Moskë (1960) para 81 partive komuniste, ku kundërshtoi që Shqipëria të bëhej koloni”. Dhe konsiderata më e madhe mbetet ajo e shqiptarëve të vërtetë, brenda e jashtë kufijve shtetërorë të Shqipërisë së sotme, të cilët kur ishte gjallë e në drejtim të Luftës ANÇ dhe të ndërtimit socialist e quajtën Komandanti, Burri i dheut, Bacë Enveri e Shqiptari i Madh; epitete që vijojnë e do të vijojnë t’i përcjellin ndër breza. Do ta mbyll këtë shkrim me thënien e shokut tim të idealeve, shkrimtarit e poetit komunist, Kryetarit të nderuar të PKSH Hysni Milloshi: “Enver Hoxha shqiptar, është gurë prove për shqiptarët. Kush i largohet emrit dhe veprës së këtij shqiptari të madh, ai i largohet emrit dhe lavdisë së tij si shqip tar”!
imazheshqip

*   *   * 

December 6, 2013

Kompleksi Jon kontrata:

Të vdekurit firmosën 
për shitjen e truallit të  pallatit të Bashës


kompleksi jon, uji i ftohte, Vlore,
Thellohet skandali me pallatin e Lulzim Bashës tek Uji i Ftohtë në Vlorë. Prokuroria e Vlorës dhe Tiranës kanë nisur procedime penale për veprime të paligjshme të evidentuara gjatë shit-blerjes së truallit ku është ndërtuar pallati, një ndër pronarët e të cilit është vjehrri i kryetarit të opozitës, Xhafer Isufi.

Gazeta TemA ka siguruar kopje të kontratës së shitjes së pasurisë së paluajtshme.
Kontrata e shitjes, Kompleksi Jon, Vlore,

Ajo është firmosur në 11 nëntor 2009 në Tiranë, tek noterja Mimoza Shehu.

Sipas kontratës, të sekuestruar tashmë nga prokuroria, toka është shitur me firmën e 23 shtetasve dhe 2 blerësve, Xhuvi Sharxhi dhe Xhafer Isufi (vjehrri i Bashës).

Por 2 nga shitësit në listën prej 23 emrash, Jorgji Ndini dhe Elpiniqi Ndini rezultojnë përmes certifikatave të vdekjes, se kanë ndërruar jetë para se firmosej kontrata e shit-blerjes së truallit ku sot është ndërtuar kompleksi “Jon”.

Në 7 nëntor 2013, shërbimet policore të Drejtorisë së Policisë Vlorë, morën në zyrën e Gjendjes Civile certifikatat personale të dy personave, që sipas kontratës noteriale paraqiten si palë në cilësinë e shitësit, por në fakt kishin vdekur para se të redaktohej kontrata.



Provat


certifikata e vdekjes, jorgji ndini,


-Certifikatë personale me nr. serie 004146406, datë 7 nëntor 2013 lëshuar nga ZGJC Vlorë, në emër të shtetasit Jorgji Ksenofond Ndini, lindur në 03 qershor 1945, sipas të cilës rezulton se ky shtetas ka vdekur në 20 shtator 2009, ose 52 ditë para se të redaktohej kontrata noteriale, e datës 11 tetor 2009.

certifikata e vdekjes, elpiniqi ndini,


-Certifikatë personale me nr. serie 004074487, datë 7 nëntor 2013, në emër të shtetases Elpiniqi Mihal Ndini, e datëlindjes 7 janar 1920, sipas të cilës rezulton se kjo shtetase ka vdekur në 21 tetor 1995, ose rreth 14 vjet para se të redaktohej kontrata noteriale e shitjes së pasurisë. E jëma e Jorgji Ndinit, por në certifikatë cilësohet gabimisht e gjinisv mashkull

Ndërkohë disa ditë më parë Ministri i Punëve të Brendshme Saimir Tahiri, në cilësinë e kryetarit të task- force kallëzoi në prokurori disa zyrtarë shtetërore që kanë lejuar ndërtimin dhe hipotekuar atë, në kundërshtimin me kondicionet ligjore.



Gati tritoli

Një ditë më parë, kryetari i Partisë Demokratike, Lulzim Basha deklaroi në një intervistë televizive se pallati është i rregullt përsa kohë është vetë qeveria që po paguan për shpronësimin e banorëve.

Nga ana tjetër, Inspektorati Ndërtimor Urbanistik Kombëtar dhe Policia e Shtetit janë duke vazhduar me procesin e shembjes në kompleksin “Jon” në Vlorë.

Banorët kanë boshatisur apartamentet e tyre, ndërsa fadromat kanë shembur kolonat që ndodheshin poshtë ballkoneve, gjë që ka shkaktuar edhe reagimin e banorëve.

Afatit i fundit që banesat të lirohen plotësisht është e shtuna dhe kanë nisur të çmontojnë edhe dyert dhe dritaret e objektit.

Të shtunën do të nisin matjet për vendosjen e tritolit me qëllim shembjen e plotë të objektit. Inspektorë të xhenios dy ditët e fundit kanë vëzhguar nga afër kompleksin për të mos gabuar me shpërthimin.
ImazheShqip


*   *   *

December 5, 2013

Shkëlzen Berisha:

Keni vrarë 
dhe nuk ju ka hyrë gjemb në këmbë

shkelzen sali berisha, saimir tahiri, imazheshqip, Shkëlzen Berisha ka dërguar një reagim në media lidhur me përmendjen e emrit të tij  sot në Kuvend. Djali i ish-kryeministrit Berisha i akuzuar për pasurim të paligjshëm gjatë mandatit të babait të tij dhe për përfshirje të drejtpërdejtë në vrasjen masive të Gërdecit shkruan:

“Një ditë pas ekzekutimit të një gjimnazisti të ulur në bankën e shkollës dhe 10 ditë pas thyerjes së burgut të sigurisë së lartë në Drenovë, ministri përgjegjës për parandalimin e gjëmave të tilla, në kushtet e impotencës morale për të dhënë dorëheqjen dhe shterpësisë profesionale e politike për të dhënë garanci, që ngjarje të tilla të mos përsëriten më, e pa të udhës që prindërve, të afërmve të të ndjerit dhe mbarë opinionit t’u thotë se fajin për këtë e ka Shkëlzeni”.

Më pas në letrën e tij thuhet ndër të tjera:

“Ministrit burracak që e siguron veten me eskorte dhe bodigardë ndërkohë që nxënësit vriten ditën për diell me duhet t’i kujtoj se ndoshta shpifjet e ndihmuan për të mashtruar njerëzit në 23 qershor, por ato nuk vlejnë, për të parandaluar apo justifikuar vrasjet, grabitjet, thyerjet e burgjeve apo ekzekutimet mafioze në mes të Tiranës. Nëse dështimin tënd, kërkon medoemos ta fshehësh apo justifikosh pas atyre që kanë vrarë e plagosur dhe nuk u ka hyrë gjemb në këmbë, ketë do e gjejë të faktuar pa pasur nevojë të shpifësh tek fëmijët e Gramoz Ruçit, Arta Dades dhe kolegëve të tu në parlament”.

Gjatë seancës së sotme parlamentare Tahiri akuzoi Berishën se vrasja e djeshme në shkollë është pasojë dhe e veprimeve të kryeministrit Berisha, duke i kujtuar hapjen e depove të armatimit me 1997 dhe tragjedinë e Gërdecit.

Po rritet një brez i tërë të rinjsh me modele të deformuara në mënyrë radikale. Sepse kur qeveria e djeshme bënte çorap shtetin dhe ligjin, natyrisht modeli që do të promovonte nuk ishte modeli i shëndoshë qoftë edhe për brezin e të rinjve. Dhe akoma më keq, kur çuni i babit bënte biznes me demontim armësh, hidhte themelet dhe fshinte nga harta e Shqipërisë një fshat të tërë duke lënë pas 26 viktima. Po s’ka sesi të mos mendonin të rinjtë e këtij vendi se mund të bënin dhe parà shpejt, mund të bënin dhe gangsterin, mund të mbanin dhe armë, mund të bënin dhe krime. Se kur çuni i babit deri dje kryeministër nuk dënohej dhe s’i hynte gjemb në këmbë dhe babi e mbronte mu në mes të parlamentit, po sigurisht të tjerët do të ndjekin këtë model!” – deklaroi Tahiri në parlament.
ImazheShqip


                                         *   *   *

Lulzim Basha:

Në PD nuk ka provë më të mirë se kryetari i ri. 
Partisë po i mungon Olldashi

ilva tare, tonight, lulzim basha, kryetari i pd,
Kryetari i ri i PD, zoti Lulzim Basha

Kreu i PD, Lulzim Basha, në Tonight Ilva Tare, deklaroi se “nuk ka fraksione në PD”.  Lulzim Basha ka hedhur poshtë dhe deklaratën e Ambasadorit amerikan Arvizu se ka kontaktuar dhe ka marrë garancinë e tij për armët kimike.


Tare: Do ta nisim me dhjetorin , çdo të thotë për ju ky përvjetor i themelimit të PD?
Përpara përvjetorit të themelimit të PD, kemi 8 dhjetorin, aty ku nisi gjithçka, kemi vendosur ta festojmë me një virtyt, që në pikpamjen time dhe demokratëve është liria, PD do të festojë lirinë. Po kështu do të projektojë të gjithë vitalitetin për të mos u kthyer prapa, por për të ecur përpara drejt BE. BE është shumë se shumë qytetarë identifikojnë lëvizjen e lirë si të qënit europianë.


28-29 nëntori, pse nuk respektoni Kushtetutën, e festuat të ndarë edhe këtë vit?

Nuk ka vendim kushtetues për 28-29 nëntorin.Pavarësisht ndryshimit për datën ne nderojmë dinjitetin e të rënëve pa asnjë ekuivok. Ka pasur një skizëm politike që për fat të keq mban akoma peng politikën shqiptare. Edhe komunistët e Enver Hoxhës e kanë festuar me 28 nëntor, ne ndjekim një referencë historike.


Çfarë do të thotë demokraci e re?

Do të thotë demokraci europiane, ku dinjiteti individual është në qëndër të vëmendjes, mirëqeverisje. Të kapësh pushtetin dhe mos kapësh përgjegjësitë nuk është demokraci. Dhe mbi të gjitha këto të respektosh ligjin. 8 vitet e qeverisjes së PD kanë pasur arritje nga më të mëdhatë. Kauza e demokracisë dhe shtetit ligjor kanë njohur përparim, nuk kanë arritur perfeksion. Arritjet kanë kaluar përmes sfidave dhe betejave si lufta ndaj korrupsionit dhe krimit që duhet bërë përditë.


Çfarë do të bëjë PD që të fitojë dinjitetin?

Dinjiteti lind me njeriun. Detyra e çdo strukture pushteti është ta respektojë dhe ta ruajë dinjitetin. Çdo nëpërkëmbje e dinjitetit është goditja më e rëndë që i bëhet europianizmit. Në kuptimin strukturor funksionojnë forumet e të rinjve të PD, në kuptimin figurativ të rinjtë i përfaqëson më mirë se kushdo kryetari i ri i PD. Unë nxis të rinjtë shqiptarë të investojnë vlerat e jashtëzakonshme të energjisë. Në PD nuk ka provë më të mirë se kryetari i ri PD, që çdo demokrat i ri apo e re e ka rrugën e hapur për të qenë një ditë kryetar i PD. Nuk ka tensione në PD, ka diversitet të mbidheshëm. Si parti 23-vjeçare kemi një arkivë të pasur.


Jeni ju për legalizimin e fraksioneve të PD?

Nuk ka. Në PD tradita dhe fryma është e konsultimit dhe rrahjes së një debati të hapur dhe më pas një vendimarrje në respekt të demokracisë së brendshme të PD. Janë të rralla rastet kur në takimet e grupit nuk ka debat.


Humbja e Sokol Olldashit, bëtë publik një takim të fundit me të, kishte vrejtje për PD?

Është një takim për të cilin kam folur para aksidentit. Ka qenë takim mes kolegësh, bashkëluftëtarësh dhe midis miqsh. Në parimet dhe vlerat kryesore të PD Lulzim Basha dhe Sokol Olldashi jo vetëm që kanë qenë të bashkuar, por Sokoli ka qenë një zë i fuqishëm që do ti mungojë PD, por dhe mua personalisht.


Do merreni seriozisht me problemin e shitblerjes së votës?

Nuk ka gjë më të tmerrshme që 23 vjet pasi shqiptarët fituan të drejtën e votës së lirë që ne të kemi jo më pretendime si në 23 qershor, por fakte konkrete, një rrjet dhe sistem i tërë kriminal. PD në 23 vite nuk ka qenë në anën e iniciuar në asnjë fushatë të saj shitblerje votash. Trafiku i votave në parlament është një gjë dhe blerja e votës së qytetarëve është tjetër. Në 23 qershor ne kishim një problem se ishim në qeverisje, kishim informacione, por kishim stepie për të vepruar, por fakti është se ne nuk blemë vota.


Keni përfituar ju nga trafikimi i votave në zgjedhjen si Kryetar bashkie?

Për këtë çështje ka folur shumë qartë komisioni i Venecias dhe ai i OSBE –ODHIR. Ky debat është i mbyllur. PS një vit e gjysëm pas zgjedhjeve ra dakord për numërimin e çdo vote.


Analizën e humbjes së zgjedhjeve kur do ta bëni?

Ka pasur një vonesë 2 mujore, ishim pregatitur për fillimin e tetorit, për shkak të një lufte opozitare. Mazhoranca na diktoi një axhendë krejt të paparashikuar. Brenda tre- katër ditëve të ardhshme PD do nisë analizën dhe paralelisht zgjedhjet e strukturave. Opozita po bën të dyja frontet, jemi opozitë e fortë ballore , e fakteve dhe arsyes. Nga ana tjetër jemi opozitë alternative. Ne kemi pranuar rolin tonë si opozitë por dëshira jonë është që qytetarët shqiptarë të ecin përpara, të kenë një jetë më të mirë.


Ish-ministrat e PD janë shprehur se gaboi populli, u ble…

Asnjë demokrat aq më pak drejtues të PD nuk janë shprehur se janë në opozitë për faj të popullit. Do ketë analizë të plotë të shkaqeve, përgjegjësitë kanë filluar të mbahen që ditën e parë dhe do mbahen deri në fund. Pa këtë nuk mund të ketë proçes ringritje të PD. Por është e qartë se forcat në mazhorancë kanë ardhur me një paketë premtimesh, sot afro 3 muaj që janë futur në zyra asnjë prej premtimeve nuk është në rrugën e realizimit.


Kur përfundon proçesi i zgjedhjeve?

Nuk ka afat, besoj se duke nisur nga java e ardshme një kohë prej 2 muaj e gjysëm është mjaftueshëm. Në tre mujorin e parë të 2014 ne do jemi të pregatitur dhe të gatshëm për të qenë gati në zgjedhjet e ardhshme lokale.


Do sanksionohet parimi një anëtar një votë në statut?

Këto do jenë ndryshime që do vinë si rezultat i një analize dhe propozimeve, por vetëm me sanksionimin e sovranit në PD, anëtarësisë së saj. Kemi shina mbi të cilat ecim, jemi pjesë e PPE.


Zgjedhjet në Korçë, PD arriti minimum të saj?

Ne bëmë fushatën, u mobilizuam me sa mundëm, sollëm një kandidat shumë serioz,. Nga ana tjetër patëm zbarkimin e qeverisë në Korçë, qëndrimin e papreçedentë të qeverisë gjatë heshtjes zgjedhore, dhjetëra telefonata. Në këto zgjedhje ishte përqindja më e ulët në zgjedhjet e Korçës, kishte refuzimi që qytetaria korçare i bëri shitblerjes së votës dhe presionit të qeverisë. Kishim një sistem klinik që u vu në funksion të kapjes së pushtetit në Korçë.


Keni ndryshuar në stil me ardhjen në krye të PD?

Propozimi i rezolutës është lajm gëzues. Ne jemi të angazhuar institucionalisht , jo me fjalë po me vepra. E dijmë të gjithë që opozita e djeshme e bllokoi statusin për interesa të veta, e thanë edhe europarlamentarët. Dëshira ime do kish qenë të ndesheshim me Edi Ramën për programin, nuk ishim ne që zgjedhëm tjetër fushëbetejë, votën e lirë ne e kishim një betejë të mbyllur në kuptimin ekzistencial të tij.


Menduam që me 23 qershor koha e luftës së ftohtë mes dy partive kishte mbaruar, por jo?

Lulzim Basha nuk ka ndryshuar. Kultura dhe mentaliteti që unë dua të provoj është identiteti im. Unë di të ndaj personalen nga interesi publik.


Rama deklaroi në studion time se ju ka ftuar për takim?

Na ftoi por na ftoi me kobure në brez, pasi kishte mbaruar çdo gjë dhe opozitarët i kthyen përgjigjen e merituar.

ImazheShqip


*   *   *

Denoncuesi Pal Ndoka:

Kam paguar 45 milionë lekë për “drejtësinë”, djalin po ma kërcënojnë

Mbrëmjen e së hënës në emisionin “Shqip” të Rudina Xhungës, autori dhe “hallexhiu” i videos rrëfeu historinë e tij që u bë e njohur nëpërmjet Fiksit e më vonë nga mediat. I pyetur për arsyen që e bënë Pal Ndokën të përballej me drejtësinë, banori i Fushë-Arrëzit tregon:

“Ne u arrestuam në datën 15 Prill se bëmë një protestë kundër firmës “Beralt SH.A”. U arrestova unë si familje, me vëllezër, djemtë dhe nipi, bashkë me tre banorë të tjerë të lagjes. Kjo firmë bëri një gabim të madh, bashkë me shtetin. Firma na mori tokën dhe shteti nuk na shpronësoi”, deklaroi Ndoka.

“Në protestë kemi qenë 50 vetë. Erdhi policia e Pukës, pastaj e Shkodrës dhe pastaj RENEA. Policia në fillim mbajti qëndrim të mirë, por shefi policisë hyri në turmë dhe nisi përplasja, e aty ai qëlloi me armë. Plasi zhurma, na morën na rrahën aty brenda në makina, më goditën përtokë. Vajza e vëllai më ndihmuan. Mbaj mend që ka qenë edhe prokurori prezent edhe këtë nuk e fal. Pastaj përfundova në spital në Shkodër dhe ia kam borxh spitalit sepse më trajtuan në mënyrë të përsosur”.

Në këtë moment, nisën edhe andrallat e zotit Ndoka me drejtësinë, me të gjithë familjarët të burgosur. “Më vunë në arrest shtëpie, e pjesa tjetër e familjes në arrest me burg. Nxora dhëndrin në fillim e me vëllain kontaktuam me telefon me Shtjefën Lleshin, gjyqtar edhe kryetar i gjykatës Pukë. Ai propozoi arrest shtëpie kundrejt 1 mijë dollarë e 1 milionë lekëve që ia dhamë djalit të tij. Çfarë u kërkua për të tjerët? Unë i kam dhënë 2 mln tek “Don Bosko” në Tiranë, aty ka shtëpinë. I them a mund të dalësh? Doli Shtjefni, e bëri pazar si me qenë pazar për bagëti. Për mua kërkoi 4 milionë për lirimin e plotë, për të tjerët histori e gjatë. Në fund e çova pazarin me djalin dhe vëllain tim, 3 mijë euro për njeri për të dalë në detyrim paraqitje. Mbasi dolën në arrest shtëpie u çua pazari dhe kaloi 5.5 mln lekë. Unë paguaja ata dilnin një nga një. Kam paguar në total 45 milionë lekë”.

Rrëfimi i Palit ka vijuar më tej: “Nuk kisha dhe nuk kam frikë. Unë gjithë kohës nuk kam pasur frikë. Nuk kisha frikë sepse nuk kisha përse të pendohesha. I kam borxh popullit të Fushë Arrëzit dhe Tiranës sa të jem gjallë i kam borxh. Nja 250 vetë që më kanë ardhur për ngjarjen, më kanë mbështetur qoftë edhe financiarisht. Por djali im është në burg dhe më thonë që do ta vrasin”.

ImazheShqip

*   *   *

Denisa Haxhiaj Zv.Drejtorja e Fiks Fare:




Kemi 150 orë regjistrime për skandalin në Pukë”



Intervistë - Entela Resuli

Filip Çakuli dhe Denisa Haxhiaj janë aty prej 11 vitesh, që kur ky program lindi. Janë si të thuash dy gjysmat e trurit të “Fiks Fare”. Emisioni i njohur televiziv është vendosur në qendër të vëmendjes ditët e fundit për skandalin e korruptimi në Gjykatën e Pukës. Në përpjekje për të kuptuar anën tjetër të kësaj historie, Dita zhvilloi një bisedë me Denisa Haxhiajn, zv.drejtoren e emisionit, krahun e djathtë të Filip Çakulit, vajza që di gjithçka që transmetohet dhe nuk transmetohet.

denisa haxhiaj, filip cakuli, fiks fare,


Denisa, Fiksi është vendosur sërish në qendër të vëmendjes për një skandal korruptiv në Gjykatën e Pukës. Si ka ardhur kjo histori tek ju?

Zoti Pal Ndoka erdhi në “Fiks Fare” ashtu siç vijnë të gjithë qytetarët që i drejtohen redaksisë sonë, në pritje populli. Ka ardhur vetë. Bashkë me drejtorin e redaksisë, zotin Filip Çakuli e kemi dëgjuar problemin e zotit Ndoka dhe vendosëm që kjo çështje të ndiqej nga gazetarët e “Fiks Fare”.

Sa ka zgjatur ky investigim?

Ky ka qenë një investigim që ka zgjatur rreth katër muaj, ditë natë. Në çdo moment zoti Ndoka ka pasur në dispozicion një ekip të “Fiks Fare” që filmonte bashkë me të takimet që ai kryente për problemin e ryshfeteve që i kërkonin avokatët, sekserët e punonjësit e gjykatës për lirimin e dy djemve dhe vëllait të tij.

Kushtojnë investigime të tilla? Kush paguan?

Në këto investigime të mëdha kemi gjithmonë mbështetjen e drejtuesve të Top Channel-it, edhe në aspektin financiar, pasi në disa raste në gazetarinë investigative kërkohet mbështetje e madhe financiare. Kjo nuk na ka munguar asnjëherë.

E besuat që në fillim që mund të ishte një çështje serioze, apo me kalimin e ditëve skandali thellohej?

Vetë historia që zoti Pal Ndoka kërkoi të sillte në “Fiks Fare” ishte e tillë që kërkonte angazhim të një pjese të stafit të “Fiks Fare”. Që në çastin kur zoti Ndoka është paraqitur në zyrat e “Fiks Fare” e kemi dëgjuar dhe ndjekur me shumë seriozitet problemin e tij, pasi në këtë histori përfshiheshin gjyqtarë, prokurorë, oficerë të policisë gjyqësore, avokatë, sekserë, punonjës gjykate.

Si veproni që invetigime të tilla që zgjasin kaq shumë në kohë nuk dekonspirohen?

Çështja që na solli zoti Pal Ndoka ishte mjaft delikate dhe kërkonte fshehtësi të plotë që të mos dështonte investigimi që kishim nisur. Bashkë me Filipin kemi kontrolluar në çdo hap punën që bënte qytetari me grupin tonë të xhirimit. Kanë qenë shumë pak persona që kanë qenë në dijeni të fakteve që xhironim.

Nuk besoj se është hera e parë që vijnë denoncime të tilla…

Në “Fiks Fare” çdo ditë vijnë ankesa të shumta nga qytetarë të ndryshëm. Në raste të tilla, kur vijnë denoncime të tilla unë dhe Filipi diskutojmë rëndësinë e këtyre rasteve dhe vendosim në dispozicion të këtyre qytetarëve që kërkojnë ndihmën tonë ekipe xhirimi. Ka edhe ankesa të rëndomta, por ne verifikojmë çdo ankesë.

Cilat janë çështjet më të ndjeshëm për të cilët ankohen njerëzit tek ju?

Qytetarët i drejtohen “Fiks Fare” për probleme nga më të ndryshmet, që nga problemet me faturat e energjisë elektrike, faturat e ujit, largimet e padrejta nga puna e shumë të tjera. Në këto moment në “Fiks Fare” ka një dyndje të ankesave që kanë lidhje me gjyqësorin shqiptar.

Për rastin e Pukës, keni regjistrime të tjera të patransmetuara?

Për këtë rast ne kemi investiguar për gati 4 muaj dhe ka shumë orë regjistrime bisedash. Mund të them rreth 150 orë material bruto. Zoti Ndoka në të gjitha takimet që ka kryer ka qenë i shoqëruar nga ekipi i “Fiks Fare” dhe gjatë gjithë kohës ka regjistruar biseda të shumta. Ne përzgjodhëm ato më pikantet për të transmetuar. Ne treguam vetëm majën e ajzbergut, Titaniku vazhdon akoma të lundrojë.

Përmendet më emri i kreut të Gjykatës së Lartë, Xhezair Zaganjori?

Jo, emri i tij përmendet vetëm në pjesën që është transmetuar.

Denisa, kur e konsideroni një investigim të plotë, ose të mbyllur, pra gati për transmetim?

Në rastin e Pukës për ne investigimi do të ishte i plotë deri në momentin e lirimit të të arrestuarve nga burgu. Arritëm të zbërthenim strukturën e korrupsionit gjatë lirimit të dy të arrestuarve dhe pazaret që janë bërë për të arrestuarin e tretë.


Ndodh ndonjëherë që sekserët të përmendin emra njerëzish me pushtet për ta bërë sa më të besueshme punën e tyre, si në rastin konkret… Mund të jetë edhe kjo në këtë rast me emrin e kreut të Gjykatës së Lartë?

Sekserët morën 6 mijë euro për rastin konkret dhe nuk ishin thashetheme pazari. Nëse është mashtrim, ky nuk është më thashetheme, por quhet vepër penale.


“Mungesën e Sajmirit e kemi ndjerë. Kopja mbetet kopje gjithsesi”

Muajt e fundit, për këtë emision është folur shumë jo vetëm për ngjarjet që denoncon, por edhe për largimin e njëri prej prezantueseve. Derisa, pranon që i është ndjerë mungesa Saimir Kodrës, por kjo tashmë ka kaluar.

Denisa, e keni ndjere mungesën e Saimirit?

Nuk do isha e sinqertë, po të thoja që nuk e kemi ndjerë. Në ditët e para kur ndodhi ndërrimi i njërit prej prezantuesve të “Fiks Fare”, u ndje mungesa e Saimir Kodrës, pasi ai është një figurë shumë e dashur për publikun. Shpesh Fiksi identifikohej me imazhin e Saimirit dhe Doktorit. Ndarjet sjellin gjithnjë trishtim. Gjithsesi, në këto momente edhe ju e shihni vetë që vëmendja e teleshikuesve te “Fiks Fare” është te përmbajtja e tij. “Fiks Fare” është “Fiks Fare”, një institucion tashmë, vë në lëvizje parlamentin shqiptar, qeverinë, opozitën, gjykatat, prokurorinë, KLD-në.

Si zv/drejtore e “Fiks Fare” ka ndonjë kronikë që jeni bërë pishman dhe që s’do ta transmetonit më kurrë, që keni goditur pa të drejtë ndonjë individ?

“Fiks Fare” është tashmë një institucion që mbron interesat e publikut dhe vendimet për temat që ne trajtojmë nuk merren për të goditur individë, por fenomenet që shqetësojnë çdo ditë shoqërinë tonë. Kur një temë që ne trajtojmë është në shërbim të shoqërisë, nuk ka vend për pendesa!

Pas emisionit “Fiks Fare” është hapur dhe emisioni “Alarm” dhe “Ça Thu…” mendoni se ka nevojë vendi për kaq emisioneve denoncuese?

Ky është treg, garë. Janë qytetarët ata që i japin përgjigje kësaj pyetjeje, të cilët trokasin atje ku gjejnë një zgjidhje të halleve dhe problemeve të tyre. Ne nuk e shpërfillim konkurrencën!

Cilat janë risitë e Fiksit që nuk mund të kopjohen nga emisione simotra?

Meqë po flisni për kopje, duhet t’ju kujtoj që kopja duhet të noterizohet tek noteri që të quhet kopje. Pikturës së Mona Lizës së Da Vinçit i janë bërë mijëra kopje, ndërsa origjinali ruhet në një sallë në muzeun e Luvrit nën masa të mëdha sigurie, futur në një kornizë xhami antiplumb. Pra origjinali ruhet. Ajo që nuk mund të kopjohet është historia e gjate dhe e suksesshme e emisionit “Fiks Fare” dhe besimi që qytetaret kane tek ky emision .

Keni shumë vite që punoni për këtë emision … është një nga punët që doni? Sa e lodhshme është për ju?

Është një punë që më jep shumë kënaqësi. “Fiks Fare” për mua ka qenë një shkollë e gjatë gazetarie, sepse kam fatin të punoj për 11 vjet me Filip Çakulin, i cili është drejtuesi, autori dhe truri i këtij emisioni. Në “Fiks Fare” të gjithë ne që punojmë këtu kemi mësuar se ç’është në të vërtetë gazetaria investigative dhe si bëhet gazetari investigative në terren. Dinamika e ngjarjeve të një dite në redaksinë tonë, nuk të lë kohë të mendosh për lodhjen.

Cila është historia më rrënqethëse që keni hasur në këto vite punë?

Janë të shumta historitë njerëzore që vijnë në “Fiks Fare” dhe para se të jam gazetare, unë jam një grua, një nënë dhe s’mund të jem indiferente ndaj problemeve dhe halleve të shoqërisë sonë. Janë të shumta rastet e personave që ndihen krejt të pashpresë dhe drejtohen tek ne për ndihmë. Panorama migjeniane e shumë familjeve shqiptare, sinqerisht më trishton shumë!

Po suksesi më i madh i “Fiks Fare”?

Besimi i publikut është suksesi ynë më i madh.


 *   *   *




December 4, 2013

Lulzim Basha është njëri prej vrasësve

Nga Mustafa Nano - Dita

Lulzim Basha ka patur një takim me studentë të UET-it, dhe fjala që ai ka mbajtur atje ish publikuar dje në disa gazeta të Tiranës. Kush e ka lexuar atë fjalë nuk mund të mos ketë pikasur një pasazh gati të pabesueshëm. Ai është ndalur tek protestat e të rinjve shqiptarë.

21 janari, ziver veizi, familjaret,

kundër armëve siriane kimike, dhe me këtë rast është dëgjuar të thotë: “Protestat e nëntorit janë nga ato ngjarjet që vënë një kufi të ri ndarës, para dhe pas tyre, domethënë para nëntorit 2013, kur qytetarët konsideroheshin pak ose aspak, dhe pas nëntorit 2013, kur qytetari nuk mund të mos pyetet, konsultohet e konsiderohet”. Dhe pastaj: “Të fitosh zgjedhjet nuk do të thotë të dalësh mbi popullin, të dalësh mbi ligjin, të jesh Zoti; ky mesazh u dha, ky cak u vu, kjo kulturë fitoi; një grumbull zakonesh e stereotipash të vjetër mbaruan kohën e tyre përballë frymës së re të brezit të ri.”

21 janari, basha, berisha, prendi,


Në fakt, është absolutisht e vërtetë që kjo protestë nuk mund të ndodhte para nëntorit (lexo: para 23 qershorit), ashtu siç është e vërtetë gjithashtu, se kjo protestë ishte një ngjarje e madhe jo vetëm se pengoi qeverinë të merrte një vendim me gjasë të gabuar, por edhe sepse tregoi se pas 23 qershorit ka filluar një epokë e re, një epokë në të cilën shqiptarët ndihen zotër të vendit të tyre, një epokë në të cilën ata mund të dalin lirisht të protestojnë kundër qeverisë së tyre, pa makthin se po shkojnë në një betejë ku mund të lënë dhe kryet. Dhe kjo nuk është meritë e qeverisë së re (nuk ka kuptim t’i japësh medalje një qeverie me motivacionin se “ajo nuk i vret qytetarët e vet”). Kjo thjesht ka qenë një sjellje kriminale e qeverisë së vjetër. Dhe meqë ra fjala, Bashës duhet t’i kujtohet 21 janari i vitit 2011, kur ai vetë, nga pozitat e ministrit të brendshëm, shfaqej në tarracën e kryeministrisë i shoqëruar nga snaiperë, gardistë e policë, e kur policë të tjerë rrethonin kryeministrinë në pritje të turmave, për të shtënë me armë zjarri mbi ta. Katër vetë u vranë atë ditë. Dhe Basha, në mënyrën e tij, qoftë dhe me atë pamje kokoroçi në tarracën e kryeministrisë, është njëri prej vrasësve. Prandaj të ngjan e pabesueshme që ai të kuptojë se më 23 qershor 2013 ka filluar një epokë e re.


*   *   *


Po rritet mirëqenia globale?



Po shtohen mishngrënësit? 
Normal, po të hash edhe këto …

Një raport i fundit i Bankës Botërore thekson se bota po bëhet gjithmonë e më mishngrënëse.
Në fakt, kërkesa për konsum mishi ka ardhur në shtim në vendet e Azisë, duke shënuar rekord sidomos në Kinë dhe në Indi.
Dhe kur thuhet mish, këtu nuk nënkuptohen lopët e derrat, por edhe këto krijesa të vogla.
Vietnam është shtuar ndjeshëm konsumi i minjve, që shërbehen edhe në shkopinj si shishqebapë.
Tani është sezoni i gjuetisë së minjve, që konsumohen në rrethinat e Hanoit.
Më përpara mishi i miut konsumohej vetëm në deltën e Lumit të Kuq, por tani harta është zgjeruar.
Krahas mbledhjes së orizit, fshatarët edhe gjuajnë për minj.
Një kilogram shitet në treg për 4- 5 dollarë.














*   *   *

Brenda dy javësh pallati i Bashës hidhet në erë me 300 kg eksploziv


Brenda dy javeve te ardhshme, me shume mundesi te dielen e 15 dhjetorit, INUK dhe Policia hedhin ne ere Pallatin e Bashes, prone e vjehrrit te tij Xhafer Isufi, duke perdorur 300 kg eksploziv amonit. Lajmin e bene te ditur burime te besueshme nga policia, duke ndjekur procedurat konkrete. Gjithashtu saktesohet se VKM e Qeverise i hapi rrugen shembjes, por nga ana tjeter ai pallat eshte i paligjshem pasi ka nje pirg me shkelje dhe abuzime. Ndersa per shpronesimin saktesohet se do behet vetem per truallin legal dhe jo per objektin, pasi do jene procedurat e metejshme qe do saktesojne juridikisht shkeljet. Kompleksi tek “Uji i Ftohtë” me emrin “Jon” do të shembet së shpejti. INUK ka nisur sot shembjen e një pjese të rrethimit të kompleksit, dhe rrethimin e pishinës.



Policia e Shtetit nuk ka lejuar banorët të hyjnë në banesa, ndërsa për 5 ditë sipas INUK, banorët duhet të lëshojnë ambientet sepse godina do të shembet.

Pritet që shembja të ndodhë së shpejti dhe kompleksi të rrafshohet tërësisht me modelin e shpërthimit të komanduar si në rastin e ndërtesës 7-katëshe që ndodhej buzë Ujit të Ftohtë në Vlorë.

Sipas vendimit të qeverisë, pronarët do të kompensohen me vlerën e plotë që kanë shpenzuar për banesat, ndërsa shtohet se afati i përfundimit të shpronësimit është data 28.12.2013.

Maksim Haxhia, avokat i banorëve të kompleksit ‘Jon’, godinë tek “Uji i Ftohtë” në një dalje për shtyp ka theksuar se cështja në fjalë ka shkelje të rënda ligjore ndaj do të përcillet shqetësimi deri në Strasburg.
Të ndiqet procesi i shpronësimit, pikë për pikë, jo të kalohet direkt dhe tek shembja. Problemi i pronës është madhor, delikat. Sot INUK ndërhyri me mjete shkatërruese në objekt duke mos lejuar banorët të ndërhyjnë në objekt. Ka një vendim qeverie që tregon sesi do të shpronësohen qytetarët. Ka qytetarë që kanë blerë apartamente dhe që ndodhen jashtë vendit. Do të ndjekim ligjin, cështja do të dërgohet deri në Strasburg, tha Haxhia.

Haxhia theksoi se nëse ligjërisht gjatë ndërtimit të godinës, shteti ka evidentuar shkelje, ai si avokat nuk del kundër shembjes, por kundër shkeljes së interesave të qytetarëve që ditën e sotme sipas tij u shkelën nga INUIK.
Por avokati shtoi se nëse evidentohet se dhe procesi i shembjes ka qëllime djallëzore në vetvete jo thjesht shkelje gjatë procedurave, atëhere kjo kthehet në cështje për Gjykatënn Kushtetuese.
“Nëse në vetvete procesi për shembjen e kësaj ndërtese nga fillimi ka qëllime djallëzore të fshehta unë do të shkoj në gjykatën Kushtetuese sepse ky vendim nuk ka karakter social dhe qëllim kushtetues ndaj e zgjidh Gjykata Kushtetuese”.

Shqetësues sipas Haxhiajt, për momentin dhe mënyra që sipas tij, qeveria po komunikon me individin.

Këshilli i Ministrave ka vendosur të shpronësojë banorët e kompleksit “Jon” në Vlorë, të cilët do të kompensohen për pronat e tyre me një çmim prej 57 mijë lekësh për metër katror. Përmes një vendimi që mban datën 27 nëntor, qeveria ka vendosur shpronësimin për interes publik të pasurive të paluajtshme, që preken nga rehabilitimi mjedisor i vijës së mbrojtur bregdetare Uji i Ftohtë- Tuneli, Bashkia Vlorë. “Ky vendim shpreh vullnetin e qeverisë shqiptare për të garantuar pasuritë e qytetarëve, të cilët në mirëbesim kanë blerë prona private që ndodhen në këtë vijë bregdetare”, shkruhej dje në faqen zyrtare të qeverisë, pas mbledhjes së Këshillit të Ministrave. Bashkëngjitur me vendimin, Këshilli i Ministrave ka publikuar edhe listën e pronarëve e të bashkëpronarëve të ambienteve të objektit, bashkë me titujt kadastralë dhe çmimin me të cilin është përllogaritur vlera e secilit prej ambienteve.


28 dhjetor

Në vendim, Këshilli i Ministrave ngarkon Bashkinë e Vlorës të kryejë procedurat e shpronësimit brenda datës 28 dhjetor, për sipërfaqen totale prej 8396 metrash katrorë, ndërkohë që, fondi që do të përdoret për këtë qëllim është rreth 4.6 milionë dollarë. “Pronarët e ligjshëm të pasurive të paluajtshme, që shpronësohen, të kompensohen në vlerë të plotë, sipas masës që paraqitet në tabelën që i bashkëlidhet këtij vendimi, për sipërfaqen e përgjithshme 8396 m2 ndërtim, të vlerësuar në shumën e përgjithshme prej 462 919 230 lekësh”, përcakton vendimi i qeverisë. Është parashikuar gjithashtu që “pronarët e ligjshëm të pasurive të shpronësuara të kompensohen, për efekt të këtij shpronësimi, pasi të kenë paraqitur dokumentacionin ligjor të pronësisë”.

Qeveria e argumenton vendimin në kontekstin e Ligjit nr. 8 561 “Për shpronësimet dhe marrjen në përdorim të përkohshëm të pasurisë pronë private për interes publik”, si dhe të dy vendimeve të KRTRSH-së, njëri i vitit 2004, që bën fjalë për miratimin e qendrës së Vlorës, dhe tjetri i përket datës 8 tetor 2013, në të cilin, në mbledhjen e parë të Këshillit Kombëtar të Territorit, nën drejtimin e kryeministrit Rama u vendos “për masat emergjente të ndërhyrjes mbrojtëse dhe rehabilituese mjedisore në disa zona me rëndësi kombëtare dhe procedurën e hartimit të planit të integruar sektorial për brezin bregdetar”.



*   *   *

Belle Air i Bashës dërgohet në Prokurori për evazion fiskal

belle air, lulzim basha,



Kompania ajrore “Belle Air” do të kalojë në një hetim intensiv nga ana e qeverisë shqiptare, për evazion fiskal dhe mashtrim të qytetarëve. Komisioni i Ekonomisë dhe Financave zhvilloi një seancë dëgjimore me ministrat e Financave, të Transporteve dhe Ekonomisë, të cilët kërkuan hetim rigoroz të aktivitetit të kompanisë “Belle Air”.



Shkëlqim Cani, Arben Ahmetaj dhe Edmond Haxhinasto, të thirrur sot për të raportuar në Komisionin parlamentar të Ekonomisë, deklaruan se do të jetë hetimi shtetëror ai që do të zbardhë se ku shkuan paratë e kompanisë.

Ministri i Financave, Shkëlqim Cani, tha se kjo kompani kishte 5 vite që nuk paguante taksa. Sipas Canit, “Belle Air” kishte 6 milionë euro taksa për të paguar, për të cilat qeveria, për të mos ndëshkuar pasagjerët, i kishte dhënë mundësinë kompanisë të paguante me këste shumën. Ndërkohë ministri i Ekonomisë, Arben Ahmetaj, u shpreh se kompania “Belle Air” siguronte 3.5 milionë euro fitim në vit. Kompania, sipas Ahmetajt, gjatë falimentimit shiti në avancë 52 mijë bileta. Kjo kompani, sipas Ahmetajt do të japë llogari përmes hetimit të edtajuar. Ai foli edhe për rishikim të ligjit të falimentit. Ministri Ahmetaj theksoi se deri në momentin e falimentit kompania kishte 53 % të tregut ajror. Kompanisë, vuri në dukje Ahmetaj, i ishte kërkuar që të mos priste bileta, por ajo ka vazhduar.

Nga ana tjetër, ministri i Transporteve, Edmond Haxhinasto, deklaroi se kompania “Belle Air” kishte pozita monopol, por nuk respektonte asnjë kusht. Për ministrin Haxhinasto, kompania nuk përfillte ankesat e pasagjerëve dhe slotet e fluturimeve.

Ministri i Transporteve tha në komisionin e Ekonomisë në Kuvend se qeveria kishte interes që të mos bllokonte kompaninë pasi kishte prerë 52 mijë bileta, ndërsa punësonte qindra njerëz. Sipas tij, kjo kompani nuk ka respektuar dhe nuk ka paguar asnjë detyrim aeroportual. “Belle Air nuk mund të autorizojë kompani të tjera të operojnë në tregun shqiptar, pasi kjo është kompetencë e Autoritetit të Aviacionit Civil”, tha Haxhinasto.
Ai informoi se po monitorohet me vëmendje nga ana e autoriteteve qeveritare rimbursimi i qytetarëve.
Por, ish ministri i Financave, Ridvan Bode, tha se qeveria nuk ka marrë asnjë masë për rimbursimin e qytetarëve.

Kompania Belle Air njoftoi me 25 nentor se, “të ndodhur përballë një situate tejet të vështirë e kemi të pamundur për të vazhduar fluturimet. Arsyet që na çuan në këtë pezullim janë situata e përgjithshme ekonomike, rënia e fuqisë blerëse, reçesioni në tregjet kryesore ku operojmë, si edhe bllokimi prej më se 18 ditësh i të gjitha llogarive bankare të kompanisë Belle Air”. Sipas njoftimit, gjatë kësaj periudhe kompania Belle Air do të rinisë një proces ristrukturimi për t’u rikthyer së shpejti me shërbime dhe çmime më të lira në tregun shqiptar. Në këtë proçes Kompania Belle Air fton të gjithë investitorët shqiptarë e të huaj të marrin pjesë për ripërtëritjen e kësaj historie suksesi të biznesit shqiptar. Përfaqësues të Belle Air thanë se “me ndihmën e kompanisë ajrore italiane Blue Panorama, u ofrojmë mundësinë e mbrojtjes nëpërmjet blerjes së biletës me një çmim tarife mbrojtje të të gjithë pasagjerëve me bileta Belle Air, duke filluar nga 25.11.2013 nën markën Low Cost Blu Express të kompanisë Blue Panorama Airlines nga Tirana drejt Italisë dhe anasjelltas, ofertë që varet nga sasia e vendeve të mbetura në shitje dhe destinacioni i përzgjedhur.

*   *   *