Po na flet ezber,
"nipi i Skëndërbeut",
për një tip skenari,
si i Papandreut?!
Është ky i lojtur,
që na ka gremisur,
dhe vazhdon të flasi,
kaq i kapardisur!
Po na lajmëron,
neve ky i marrë,
se këtu po shkruhet,
tani një skenar.
Mbylle një herë gojën,
të paktën tani,
ti që këtu shkrove,
vetëm tragjedi!
S'ka nevojë të vëmë,
as syze optike,
për të parë gjëndjen,
kaq katastrofike.
Ti je kryekorbi,
që tani po flet,
korbat që bën’ gjëmën
dhe përmbi buxhet
Injoranca jote,
s'mund të ket’ një qasje,
se Rama po shkruan,
skenar për vetvrasje?!
Për fatin e deles,
po vajton kasapi,
ndaj të gjith’ po thonë:
Ç'ka po thotë ky trapi?!
Këtij i është shpuar,
tej për tej çoparka,
se s'la për të pasmit,
as njëzet’ qindarka.
Për këta që tretën,
një Atdhe të tërë,
një tip "NURENBERGU",
këtu duhet bërë!
I gjith’ kabineti,
të jetë i pandehur,
po flas seriozisht,
dhe s'jam as i dehur.
Për ta as mendohet,
kurr’ moderacioni,
krimet që kanë bërë,
çdo dit’ë i shikoni!
Këtë dit’ të zezë,
e parashikuam,
po ësht’ shumë më keq,
nga sa e menduam.
Që të iki skuqja,
e asaj fytyre,
më e pakta ka,
shpërdorim detyre!
Po ky po na bën,
trimin me dyfek,
dhe pse ka grabitur,
miliarda lekë!
Ky që ka drejtuar,
çetën më barbare,
ka guxim e flet,
tani për skenare?!
Ky një kokërr fiku,
nuk la tek kanistra,
tani na tregon,
si lidhet kapistra!
Shpërdorim detyre,
e them si për mik,
po ky duhet shpallur,
një armik publik!
Se asnjë armik,
s'mund të bëj’ më shumë,
njëmilionë njerëz,
kot në rresht s'u vumë.
U vumë se donim,
tjetër Shqipëri,
dhe kjo farë e keqe,të jap’ llogari!
Shumic’ e shumicës,
pret atë sahat,
askush për t'i falur,
sot nuk ka mandat!
Nëse një nga një,
do shkojnë tek vrima,
s'besoj se do hiqen,
si tani, kaq trima.
Një nga një në pranga,
mostrat kur të bien,
edhe Pollo-kuqët,
nga frika do nxihen!
Me këta s'bën punë,
gjuh’ e moderuar,
kundër çdo kusari,
ne kemi votuar.
Kundër çdo kusari,
votoi Sovrani,
kryesorët janë,
Sala dhe Ridvani!
I dyti Ridvani,
hyzmetqar' i "mbretit",
se ka masakruar,
financat e shtetit!
Salës i kish marrë,
me koh’ koka erë,
Bodja s'mund të falet,
se është financier!
Po këta përmbysjen,
s'e mendonin kurrë,
ndaj dhe kemi sot,
këtë katrahurë.
Në fundin e fundit,
këtu kemi prekur,
sot po shohim filmin,
e tokës së djegur.
Një njeri pa shpirt,
një palo doktor,
është skenarist,
është dhe aktor!
Vetëm "Nurenbergu",
këtu do bëj’ punë,
këta drejtësinë,
mund ta quajnë dhunë!
Duhet drejtësia,
bota të përmbyset,
krimi dhe Halimi,
mos na kapardiset!
Arben Duka
24 tetor 2013
