Chairman of PD

Vote Sokol Olldashi 

4 

Chairman of PD

http://www.gazetatema.net/web/2013/07/02/sokoli-ploteson-formularin-per-te-kandiduar-per-kreun-e-pd-se/

Raporti “Olldashi”

Ja lidhjet me krimin

(Emra dhe rrethana konkrete, për lidhjet direkte me deputetin-ministër, 

sot kandidat për kreun e PD)

Raporti në duart e amerikanëve: 

Sokol Olldashi, i implikuar rëndë me botën e krimit në Shijak!

Fillimi i raportit…:

Rexhep ARAPI, banor në Katund Sukth, me nofkën “KEPI” ka një listë penale si më poshtë:

Në vitin 1991 (në mars), ka vrarë në Portin e Durrësit, për shkaqe gjakmarrjeje, qytetarin A.Çyrbja, banor i fshatit Katund Sukth; është arrestuar për këtë krim në 1994 dhe është liruar për mungesë provash.

Në Prill 1997, në bashkëpunim me Gëzim Aleksin, banor i Katër Rrugët e Shijakut (i arrestuar për vjedhje me armë dhe i dënuar me 12 vjet burgim, është në proces gjykimi si anëtar i Bandës së Kanunit) kanë rrëmbyer me qëllime përfitimi ortakun e biznesit, Lul Alimadhi (Firma e Këpucëve në Qendër Sukth) dhe e kanë liruar mbasi kanë marrë shpërblimin prej 150 milionë lirash italiane.

Në Prill 1997, bashkë me Zamir Çyrbe nga Katundi Sukth, ka vrarë nipin e çim Xhijes (ortaku i Lul Alimadhit), i cili ishte në të njëjtën kohë truproja e Lulit; vrasja është kryer në Qendër Sukth, e pazbuluar.

Nga 1998 deri në 2001, ka qenë një nga organizatorët kryesorë të trafikut të grave me qëllim prostitucioni, që vinin nga vendet e ish-Bashkimit Sovjetik; në 1999 është hetuar nga Zyra e Prokurorit të Përgjithshëm në Fier dhe gjatë kërkimit, në magazinat e tij përgjatë autostradës në Fermë Sukth, janë gjetur të strehuara dy vajza nga Moldavia. Zyra e Prokurorit të Përgjithshëm në Fier, e mbylli çështjen.

Në 2003, bashkë me bandën e tij kriminale, u përpoqën të vrisnin qytetarin Xhevdet Plaku, banor i “Lagjes 15? në Durrës, në afërsi të vendbanimit të tij, për shkak se ky i fundit kishte vrarë vëllanë tjetër të Kepit, në Torino, për shkaqe droge. Armët e krimit janë gjetur dhe Zyra e Prokurorit të Përgjithshëm në Durrës, po e ndjek çështjen.

Ai është një nga trafikuesit kryesorë të femrave, armëve dhe drogës që kalojnë nga Shqipëria për në Itali, Gjermani dhe Holandë. Ai tashmë i ka shkatërruar magazinat përgjatë autostradës në Fermë Sukth dhe po ndërton një objekt gjigant shumëkatësh, me anë të përfitimeve nga aktivitetet e trafikimit të lartpërmendur.

Ka të dhëna në këto momente, se Interpoli Spanjoll ose Portugez, ka botuar fotografinë e tij, si person i kërkuar për trafikim ndërkombëtar droge. Ai është një nga miqtë më të ngushtë të Ministrit të Punëve të Brendshme, S. Olldashi, të cilin e takon të paktën dy herë në javë, kur darkojnë bashkë ose në shoqërinë e anëtarëve të tjerë të grupit. Ata mbahen në kontakt nëpërmjet shoferit të Olldashit, Lali, njeriu i tij më i besuar. Ky person është i rrezikshëm dhe i dëmshëm, i regjistruar në arkivat e policisë si person me tendenca të rrezikshme kriminale, si vrasje dhe trafikim droge e prostitucioni.

Klani “XHAKJA”, me vendndodhje në Katund Sukth, kanë një listë penale si më poshtë:

Në 1994, qytetari Ilir Xhakja ka qëlluar me armë në lokalin e Qerim Malokut, në fshatin Sukth, është arrestuar, por më tej është liruar. Gëzhojat e gjetura në skenën e krimit, korrespondojnë me ato të gjetura në skenën e krimit të vrasjes së qytetarëve Gentian Gjoka dhe Petrit Lyti në 1998, në fshatin Hamallaj; çuditërisht, e pazbuluar.

Në 1998, banda Xhakja (Ilir, Agim etj.) kanë vrarë në fshatin Hamallaj qytetarin Gentjan Gjoka (nip i Dash Gjoka) dhe Petrit Lyti, mik i Gentit, të dy nga Hamallaj; ngjarje e pazbuluar.

Në 1998, Ilir Xhakja, bashkë me persona të tjerë kanë vrarë qytetarin Qerim Maloku në Katund Sukth, një ngjarje që është zgjidhur në vitin 2003, kur u gjend arsenali i armëve të bandës “Xhakja”. Ai po hetohet për këtë vrasje. Z. Olldashi po kujdeset personalisht që kjo çështje të mbyllet, si shpërblim për ndihmën që ka dhënë klani “Xhakja” gjatë zgjedhjeve të 2005. Kjo ngjarje është në gjykim pranë Gjykatës së Krimeve të Rënda në Tiranë, ku ndër dëshmitarët okularë, përfshihen edhe ish-oficerët e policisë, Urim Koka (SPZ në atë kohë, i arrestuar tashmë në Itali dhe i dënuar me 15-vjet burg për trafik prostitucioni) dhe Maksut Zhiti (SPK në atë kohë); të dy miq të Xhakajve; ky i fundit është emëruar nga Olldashi, si drejtor i Rezervave Shtetërore në Durrës, si shpërblim për nderin e bërë.

Në 1998, Ilir Xhakja ka vrarë, në prani të shumë dëshmitarëve, qytetarin E. Shega nga Peqini, gjatë varrimit të kushëririt të tij (i biri i dajës) Agim Xhaka, vëllanë e Arbenit, sepse E.Shega kishte vrarë Agimin në Krrabë, Tiranë, katër vite më parë, për shkak trafikimit të femrave në Itali. Kjo çështje është po ashtu e pazbuluar, pavarësisht se është kryer në publik. Të dy ish-policët, U. Koka dhe M. Zhiti, kanë qenë të pranishëm në vrasje.

Në korrik 1999, i gjithë klani Xhakja (Azem, Ilir, Bardhi - zv.kryetar i Komunës së Katundit të Ri, Genti dhe bashkëpunëtorë të tjerë) kanë qëlluar të gjithë anëtarët e klanit Maloku, me anë të një arsenali që përfshinte edhe tanke, duke u shkatërruar edhe shtëpitë. Ata u arrestuan nga forcat speciale dhe armët e tyre u konfiskuan, përfshirë këtu mjete të blinduara dhe gjithashtu dy femra moldave. Mbas gjashtë muajsh burgim, Zyra e Prokurorit të Përgjithshëm në Durrës i liroi. Kjo ngjarje u bë e njohur dhe si rrjedhojë, avokati i zyrës së Prokurorit të Përgjithshëm në Durrës, Shkëlqim Xhemollari, u përjashtua nga puna.

Në mars 2003, Ilir Xhakja dhe të tjerë kanë vrarë qytetarin Rudin Shahini nga Katundi Sukth në Sallmone, për t’u hakmarrë mbas daljes së këtij nga burgu pasi ai kishte vrarë xhaxhanë e tij, Hamdi (babanë e Arbenit). Gjatë kësaj ngjarjeje u konfiskua një arsenal armësh të llojeve të ndryshme dhe ekspertët arritën në përfundimin, se një nga armët ishte përdorur në vrasjen e Qerim Malokut në 1998. Edhe kjo ngjarje është e pazbuluar.

Të gjithë anëtarët janë të përfshirë në trafik femrash, droge dhe armësh, si në Shqipëri ashtu edhe në Itali. Shumica e klanit “Xhakja” kanë tendenca të theksuara kriminale për vrasje, trafik droge dhe prostitucioni.

Në Mars 2006, pati një përpjekje për të sulmuar Fatbardh dhe Arben Xhakajn në fshatin Sallmone, në komunën Xhafzotaj, ku Arbeni u plagos. Sipas informacioneve të policisë, ata u qëlluan për shkak të tregut të drogës në Durrës. Ata kanë marrë me qira një klub me emrin “Fosfor Club”, i cili ndodhet pranë Drejtorisë së Policisë të Rrethit të Durrësit, që është edhe vendi ku furnizohen të gjithë shpërndarësit e drogës në Durrës, pasi policia lokale nuk guxon të hyjë në këto ambiente, sepse ky klan dhe anëtarët e tij, njihen si miqtë dhe mbështetësit më të ngushtë të M.B. S., Olldashi. Mjetet që përdoren nga ky klan për të lëvizur, janë nga llojet më të fundit, si një “Mercedes” kabriole, gri, me targa italiane, një “Mercedes” blu, me targa DR 5255 D, një “Mitsubishi Pajero” me targë Durrësi etj. Të gjitha këto mjete nuk kanë dokumentacion, dhe janë të vjedhura në Itali.

Dashamir GJOKA dhe klani i tij, me banim në fshatin Sallmone, kanë një listë penale si më poshtë:

Në vitin 1996, D.Gjoka ka vrarë një qytetar nga Shkodra me mbiemër Zefi, në Itali, duke i prerë kokën për shkak trafikimi femrash. Ai është larguar menjëherë nga Italia dhe është kthyer në Shqipëri; nga ajo kohë, nuk është kthyer më në Itali; është marrë me ndërtimin e Supermarketit të Sallmone. Shkodranët kanë ardhur disa herë në Shijak, me qëllim për ta vrarë.

Në 1998, në bashkëpunim me qytetarin Arben Haki Tollja, banor në Fermë Xhafzotaj (njihet me nofkën “Zjarrmi”, tashmë i arrestuar për shumë përdhunime studentesh në Tiranë) kanë vrarë vajzën e vëllait të qytetarit, Zyrafet Murati (nga Kuksi) dhe qytetarja Silvana Murati nga Shijaku, është plagosur rëndë (ajo tashmë punon si pastruese dhe si prostitutë, për miqtë VIP pranë Supermarketit “Gjoka”), është arrestuar në 1998, por është liruar mbas 11-muajsh burgim, për shkak të mungesës së provave.

Në 1999, D. Gjoka, në bashkëpunim me klanin e tij, kanë qëlluar një mjet në pronësi të Ilir Xhakajt në fshatin Sallmone, ku si pasojë, qytetari Veli Rexha është vrarë dhe vëllai i tij është plagosur rëndë. Të dy këta, janë banorë të Katundit të Ri dhe vëllezër të Qamil Rexhës. Kjo është ngjarje akoma e pazbuluar, pavarësisht se provat ishin të shumta.

Nipat e tij, Beonard dhe Mandrin Hyqmet Gjoka, janë shpërndarësit kryesore të drogës në qytetin e Shijakut, Fermë Sukth, Durrës dhe Tiranë, dhe mbajnë edhe disa vajza që punojnë për `ta në Itali. Njëkohësisht, Mandrini është arrestuar në 2004, si i dyshuari kryesor për vjedhje me armë në fshatin Xhafzotaj, ngjarje që rezultoi në vdekjen e qytetarit Jaho Smoqi. Ai qëndroi në burg, për rreth një muaj dhe tashmë Gjykata e Krimeve të Rënda po shqyrton çështjen e tij në gjendje të lirë. Fatbardh Xhakaj u arrestuar për këtë çështje dhe qëndroi në burg për dy javë, pasi emri i tij u përmend nga Fatos Balla, personi fajtor për krimin, i cili tani është në paraburgim. Beonard është dënuar në Itali, në qytetin e San Benedetto, për trafikim droge dhe femrash. Në këtë moment, me anë të përfitimeve nga shitja e drogës, është duke ndërtuar një vilë trekatëshe në fshatin Sallmone. Ai ishte anëtar i Komisionit të Qendrës Zgjedhore nr.1406 në Sallmone, për z.Olldashi. Të dy vëllezërit, tashmë lëvizin duke mbajtur armë në makina të vjedhura dhe të viteve të fundit, duke shpërndarë drogë në Durrës dhe Shijak, si dhe transportojnë drogë në Itali përmes personave të tjerë. Mandrini shpesh shkon në Itali për të tërhequr paratë, meqë Z. Olldashi i ka siguruar një vizë Schengen gjermane. Gjithashtu, ata janë vënë në dukje nga Policia e Shtetit, si kontingjent i rrezikshëm kriminal me tendenca të theksuara kriminale si: Vrasje, Drogë dhe Trafikim Prostitucioni.

D. Gjoka ka qenë dhe është një nga trafikantët më të mëdhenj të femrave, me qëllim prostitucioni, për në Itali. Shefi i vajzave në Itali, ka qenë një vajzë nga Vlora, me emrin Linda, tashmë gruaja e Dashit dhe ata kanë dy fëmijë. Vëllai i saj, Miri, punon te Supermarketi si shefi i llogarisë. D. Gjoka është regjistruar nga Policia e Shtetit për Trafikim Ndërkombëtar Droge dhe Femrash, me qëllim prostitucioni, vrasje, etj.

Supermarketi “Gjoka” është qendra kryesore e trafikimit të drogës që vjen nga Turqia dhe Maqedonia, dhe është baza e shpërndarjes për shumë grupe kriminale në Durrës dhe Tiranë, dhe është gjithashtu vendi ku furnizohen makinat që transportohen në Itali. Dashi është pronar i një mjeti të blinduar, me targë DR 51 90 C. Duhet të theksohet se Dash Gjoka është burimi kryesor për furnizuesit e drogës për të gjithë Shqipërinë, sepse është i njohur si një mik i ngushtë dhe mbështetës financiar i M.B. S. Olldashi. Ky i fundit, takohet me Gjokën gati çdo javë. Shpesh, deputetët e PD-së, Bamir Topi, Ridvan Bode dhe S. Olldashi, shkojnë të darkojnë ose të furnizohen pranë këtij Supermarketi, meqë janë miq të ngushtë të Dashit.

Ushtari kryesor dhe më besnik i tij është shoferi i tij, qytetari Artan Rami Bode, banor në Xhafzotaj, nipi i deputetit Ridvan Bode. Gjithashtu, duke qenë figurë kryesore ai kryen porosi të Olldashit, në lidhje me trafikun e drogës dhe femrave. Artani, bashkë me vëllanë më të madh të Dashit, Nazmiun (i quajtur Nexhi) bëjnë kontrabandë mallrash në Portin e Durrësit; të dy kanë qenë anëtarë të Komisionit të Qendrës së Votimit nr.1402 për z.Olldashi.

Gjoka, ka edhe disa lidhje të tjera miqësore, si Hekuran Hoxha (Roni) dhe Fundim Dedja, të dy të dënuar në Itali dhe në vende të tjera, për trafik droge, drejtuar për në territorin italian. Tani, Gjoka është kryetari i zonës Komunë Xhafzotaj-Shijak dhe më gjerë, ku të gjithë shpërndarësit e drogës furnizohen nga ai. Prova të shumta dëshmojnë për një arsenal armësh të sofistikuara të ndodhur në banesën e tij, si dhe për një kasafortë të sigurisë së lartë, që mban miliona euro në valutë. Duhet theksuar, se droga e Gjokës kalon përmes Portit të Durrësit dhe Vlorës, dhe gati çdo ngarkesë që ndalohet në Itali është e Gjokës, dhe të gjithë personat e arrestuar punojnë për të.

Vëllezërit Gëzim dhe Besnik Sijoni, banorë të fshatit Xhafzotaj, kanë një listë penale si më poshtë:

Në vitin 1994, G. Sijoni është përpjekur të vrasë qytetarin Pëllumb Hoxhaj, por arriti vetëm ta plagosë në këmbë. Ai nuk është arrestuar as sot; kjo çështje nuk është ngritur kurrë në familjen Pëllumbi, apo të afërmit e tyre.

Në vitin 1997, G. Sijoni bashkë me vëllanë e tij, Besnik, janë përpjekur të vrasin ish-kunatin e tyre (vëllanë e vogël të Arben Vorës, pasi ai kishte lënë motrën e tyre, pasi ishin fejuar) në mes të qytetit të Shijakut. Çështja u hap; dy personat në fjalë u identifikuan dhe u shpallën të kërkuar nga policia, por ata nuk u arrestuan kurrë. Zyra e Prokurorit të Përgjithshëm në Durrës, e mbylli çështjen.

Në 1997, vëllezërit Sijoni kanë marrë me armë “Filanton” dhe kanë fituar shuma të mëdha parash për ruajtjen e saj; ata e ruajnë edhe sot. Për këtë qëllim, Gëzim ka marrë lejen për krijuar Polici Private, me ndihmën e mikut të tij S. Olldashi.

Të dy vëllezërit Sijoni merren me trafikim droge për në Itali dhe mbajnë tre vajza që punojnë për ta si prostituta në Itali (një nga `to është nga Burreli). Ata gjithashtu janë furnizuesit më të mëdhenj të drogës në Tiranë, ku kanë lidhje të ngushta familjare. Të dy vëllezërit janë dënuar në Itali për trafikim droge, por urdhrat e Italisë nuk janë zbatuar, pasi ata janë miqtë e ngushtë të S. Olldashit, si dhe mbështetësit kryesorë të fushatës së tij. Ata gjithashtu janë vënë në dukje nga Policia e Shtetit, si kontingjent me tendenca të rrezikshme kriminale si: Vrasje, Trafik Droge dhe Prostitucioni.

Tani, bashkë me vëllezërit Tusha, ata lajnë para përmes projekteve të ndërtimit të zonën e Shkëmbit të Kavajës, në Durrës. 

Kush eshte burimi i raportit “Olldashi”?

Ky është një raport konfidencial, i cili ndodhet tashmë në zyrat e CIA dhe FBI Amerikane, si dhe në Ambasadën Amerikane në Tiranë, i dërguar gjithashtu për vetë Olldashin nga shqiptaro-amerikani i njohur, Geri Kokalari.

Zoti Kokalari, bashkëngjitur me këtë raport që kompromenton rëndë ministrin e Brendshëm të vendit dhe njëkohësisht kandidat për Bashkinë e Tiranës, Sokol Olldashin, ka dërguar një letër konfidenciale për Olldashin, pjesë nga e cila “Shekulli” botoi dje.

Kokakari thotë në letrën e tij, që ky raport shumë i hollësishëm për lidhjet mes klaneve të Shijakut dhe deputetit të zonës Olldashi, është i dyti në radhë. Një raport i mëparshëm (ku flitej për të dhëna korruptive të ish-kryeministrit Nano) i është dhënë z.Kokalari nga një këshilltar i Berishës dhe i eshte derguar gjithashtu prej Kokalarit, Olldashit.

Kokalari i shkruan Olldashit: “…Në 3 dhjetor 2006, në vijim të komenteve të tua publike në mbështetje të kandidaturës së F. Nanos për President, ju kam dërguar disa materiale të bashkëngjitura, të përgatitura nga një këshilltar i Berishës…”. Dhe më tej në e-mailin e tij për Olldashin, Kokalari shkruan: “…kam mundur të siguroj një tjetër raport, i cili është i bashkëngjitur këtu, në mënyrë që ju të mund ta lexoni. Ky raport, i ngjashëm me atë që Këshilltari i Berishës kishte përgatitur, rendit gjithashtu një sërë akuzash…”. Pra, autorësia e raportit të parë kompromentues, është e qartë: Një këshilltar i Berishës.

Po ky raport i dytë, që tashmë ndodhet në zyrat e amerikanëve, nga kush është përgatitur? Redaksia u lidh via email me z.Kokalari, për ta pyetur atë, se cili është burimi i raportit të dytë dhe si ka rënë ai në duar të tij. Përgjigja e shqiptaro-amerikanit të njohur edhe për mbështetjen e tij në fushatën opozitare te Berishës, u përgjigj: “..Raporti “Olldashi” më është dhënë në koenfidencë…”. Më tej në përgjigje, duke cituar raportin e parë për Nanon, ai shton: “..Ndaj, pyetja që kam për Olldashin, është: E konsideron Saliun burim të sigurtë…?”.

*  *  *

Hekri i PD

Erzen Breçani

Nga filmi 

“Tongërlliqet e Hekuronit” 
alias 
“Trimëritë e Herkulit”

Thirrje në Facebook e Hekrit të PeDe,

për rrëzimin me dhunë të Edi Ramës

Përveç gabimeve të shumta ortografike të Hekrit (mbi 40 gabime në vetëm 6 rreshta!!!), vini re edhe komentet e shokëve dhe miqve të tij.

“…Pershendetje liderit historik te shqipetareve Doktorr Sali Berishes e duam ndihmen tende se jemi mesuar me ty qe te na prish deri sa te largojm pinjollet e komunistave me ne krye edvin ramen ta largojm kete enver te dyte ne qe dikur studenta te 91 shembem diktaturen enveriste do gjejme forc dhe optimizem do te ngrihemi te tere se bashku me rinin qe te mos e leme kete hitler te gjunjezoj shqiptaret…”.

Erzen (Hekuron) Breçani 

i PeDe, 

via Celular

Komente

- Ardit Breçani: Kusho je i madh. Rrespekt!

- Nik Nik: ti je kandidati i duhur per kryetarin e PeDe, uroj qe te shohim ne ate post nje dite, PD eshte e Tropojes

- Shpresart Memia: Tan Tropojen e Kie me Veti

- Gezim Durici: e meritonveret vendin e doktorit...

- Vendim Demaj: Besnikeria, perkushtimi dhe fisnikeria me te cilen ti i sherbeve Kryeministrit, Liderit te Kombit,

ka bere qe te gezosh respekt dhe vlersim nga te gjithe ata qe te njohin dhe te kane degjuar vetem emrin.

Pa asnje medyshje kontributi yt per te ringritur PD aty ku e ka vendin, do te jete i padiskutueshem dhe shume frytedhenes.

Respekt per ty Komandant.

Mirenjohje PER JETE Liderit te Kombit.

*   *   *

http://www.gazetatema.net/web/2013/07/02/erzen-brecani-ben-thirrje-te-shporrim-edi-ramen-kete-hitler-te-shqiptareve/

Nekropolitikanët

http://www.gazetatema.net/web/2013/06/23/lajm-i-fundit-edi-rama-shpall-fitoren-rilindja-ka-fituar-mbi-rrenimin-kemi-arritur-objektivin-e-mandateve/

Devil's Advocate

Lul Berisha 

dhe/apo 

Sali Basha

Lulëzim Basha,

një portret i paautorizuar

Nga Mero Baze

Për herë të parë për këtë njeri dëgjova në fund të Dhjetorit 2004. Sali Berisha më pat kërkuar ta takoja dhe të njihesha me të. Më thirri në zyrë dhe po më fliste me entuziazëm për njerëzit që po vinin nga Kosova pranë PD-së. Në krye të listës ishte Lulëzimi. Pastaj mori telefonin dhe foli me dikë. Nga biseda u kuptua se dhe ai ishte dikush që po kthehej nga Kosova. Bile për rastësi simbolike kur foli me Berishën sapo kishte kaluar Morinën. Ky i dyti ishte Florian Mima dhe e njihja para vitit 1997. E lavdëroi pa fund si “arkitekt i buxhetit të Kosovës”, ndërsa për Bashën më tha se ka qenë truri i UNMIK për Ministrinë e Drejtësisë.

Në një diell Dhjetori në një kafe para Piacës në Tiranë, Lulëzim Basha më gjeti së bashku me dy miq të mi nga Kosova. Nuk kishim shumë biseda për të bërë, veç njohjes formale. Ishte paksa i rezervuar në fillim. Pasi shkëmbyem disa biseda boshe, më kujtoi se ai më kish parë dikur mua verën e shkuar, por nuk më kish folur.

-Të pashë në Sarandë me djalin, tha, po nuk të fola. Isha me pushime. A e di pse nuk të fola, vazhdoi vetë. Kisha lexuar një shkrim tëndin që shkruaje për njerëzit që të ndalin rrugës dhe të thonë “të ruajt Zoti” dhe që ti i quaje bezdi këtë hipokrizi qytetare që të uron me zë të ulët dhe nuk ngre zërin vetë. Më çuditi vëmendja për përzgjedhjen që kish bërë nga shkrimet e mia për tu mu prezantuar si “lexues”. Diçka që i përziente të gjitha, pak servilizëm, pak vlerësim, pak vëmendje për sakrificat e medies opozitare. I tejmësuar me “përshtypje” shkrimesh u përpoqa vetëm të kuptoja nëse vërtet më kish parë në Sarandë dhe a kish qenë në verë me djalin aty. Disa ditë më vonë u ritakuam bashkë në zyrë të Sali Berishës. Kishte sjellë një shok të tij me vete t’ia prezantonte Berishës. Berisha kishte një lloj bezdie nga kërkesa e tij dhe për ta konsumuar pritjen pa shumë intimitet e ftoi brenda ndërkohë që unë isha aty. Ishte një djalë me emrin Eris Hoxha. E prezantoi dhe atë si një shok të tij të talentuar që ka mbaruar në Utreht. Berisha bëri një bisedë disa minutëshe dhe u dha dorën. Po grumbulloheshin pak nga pak njerëzit që disa javë më vonë do të quheshin anëtarë të KOP. Të nesërmen e prezantimit të KOP, ai ishte sërish në zyrën time. E lamë të bënim një intervistë prezantuese  tek Tema. Bëra një sërë pyetjesh në kompjuter dhe ja lirova tavolinën të ulej për përgjigjet. Filloi të mendohej gjatë. Shkruante dhe fshinte me makth fjali. U bë gjatë dhe mu desh ta shikoj çfarë kishte shkruar. Thuajse asgjë. I rashë shkurt duke ia plotësuar përgjigjet dhe i thashë të redaktonte ato që nuk donte të dilnin. Kështu mbaruam punë shpejt pasi nuk ndryshoi asgjë. Të nesërmen gazeta Tema botoi foton e tij të madhe të qeshur. I ngjante tmerrësisht Enver Hoxhës kur kish qenë i ri dhe unë me të qeshur i kujtova se ishte në moshën e tij kur themeloi partinë.

Në korridoret e PD ishte ndezur lufta. Jozefina Topalli kishte një mosdurim të pazakontë edhe për të dëgjuar emrat e tyre. Të tjerët më të rezervuar, por të gjithë të çuditur me diferencën mes boshllëkut që rrezatonin njerëzit e rinj dhe kartëvizitës me të cilën prezantoheshin.

Po kush ishte ky njeri që po debutonte në oborrin e opozitës me parashutën e vajzës së Sali Berishës për të shijuar gjithë frytet e betejës tetëvjeçare të njerëzve që kishin mbajtur gjallë opozitën në Tiranë?

Lulëzim Basha është një përjashtim i madh për gjithë ata që mendojnë se në politikë duhet të kesh karrierë, vlera dhe personalitet. Në historinë e politikës janë të rralla rastet kur një njeri për 15 vite ka një jetë të zbrazët dhe ordinere dhe fare papritur katapultohet në krye të shtetit.

Kur ai u shfaq në oborrin e Berishës dhe u bë yll i politikës së tij, ky qytet dinte shumë pak gjëra për të. Shokët e gjimnazit e kujtonin si një djalë që i kishte spiunuar tek drejtoria e shkollës kur ata kishin qëlluar jo aq pa dashje me domate portretin e Enver Hoxhës. Më tej nuk u kujtohej asgjë. Të tjerë mbanin mend një periudhë të shkurtër të punës së tij si kamerier në Aeroportin e Rinasit, një privilegj që u bëhej njerëzve të lidhur me regjimin. Dikush përfoli lidhje të familjarëve të tij me Drejtorinë e Pritjes dhe prej aty lidhjet e tij si shoqërues i një veprimtari të shquar për të drejtat e njeriut, Barend Cohen. Me honorarët e tij ai shfaqej në mitingjet politike të viteve  1991 deri në zgjedhjet e vitit 1992. Edhe pse vetëm një shoqërues që fliste anglisht dhe i tregonte veprimtarit të të drejtave të njeriut rrugët e qytetit, ai nuk ngurroi që 20 vjet më vonë këtë ta quante në këtë fushatë elektorale si status vëzhguesi në zgjedhjet e 22 marsit 1992. Më tej akoma ai guxoi të quajë shoqërimin e këtij veprimtari në takimet me Komitetin e Helsinkit Shqiptar, si anëtarësi të tij në këtë Komitet. Edhe pse kujtesa e këtij qyteti e ka fare pak të regjistruar praninë e tij në vitin 1991- 1992, sa herë që ai tenton t’i referohet asaj periudhe, gënjen. Gënjen kur nuk tregon kush ja mundësoi punën si kamerier në aeroportin e Rinasit në një kohë që Shqipëria ishte ende e izoluar dhe vendi qeverisej nga nomenklatura e fundit komuniste. Gënjen kur thotë se ka qenë vëzhgues i zgjedhjeve të 22 Marsit dhe më pas anëtar i Komitetit të Helsinkit Shqiptar. Pastaj hesht për periudhën e shkollimit të tij në Holandë, falë një dobësie njerëzore që ka pasur për të veprimtari i shquar Barend Cohen, i cili i mundësoi shkollimin dhe qëndrimin në Holandë.

Në vitin 1999, kur konflikti në ish Jugosllavi shpërtheu pas ndërhyrjes së NATO, Basha u angazhua nga Tribunali i Hagës në ekipin e përkthyesve që merrnin dëshmi nga terreni. Në fillim ishin dëshmitë e terrorit serb në Kosovë, por pasi Kosova u çlirua në fokus u vunë hetimet e krerëve të UÇK dhe krimet ndaj serbëve. Lulëzim Basha ishte njeriu që përgatiti dosjen e parë për krime të mundshme lufte ndaj robërve serb në Shqipëri gjatë vitit 1999, e cila më vonë evoluoi si dosja Dik Marti. Ai pat udhëtuar në Shqipëri sipas dëshmive të bashkëpunëtoreve të tij në Tribunal për të hetuar varrezat hipotetike të serbeve të vrarë, i maskuar si inxhinier rrugësh apo përkthyes. Ai ka punuar për Gjykatën dhe Departamentin e Drejtësisë pranë UNMIK-ut pas luftës, dhe hetoi personalisht informacionet për këto vendburgosje në veri të Shqipërisë. Ai ishte përgatitësi i dosjeve të para që u çuan në Gjykatën e Hagës për shqiptarët siç ishin dosja e Fatmir Limajt, Ramush Haradinajt, si dhe dosjet e tjera të gjykuara nga drejtësia në Kosovë siç ishte rasti i Daut Haradinajt. Edhe pse ka qenë pjesë e atyre që kanë mbushur dosjet me fakte të diskutueshme, ai nuk ka pasur kurajën t’i pranojë ato publikisht kur ka pasur debat rreth besueshmërisë së tyre.

Detyra e fundit e Bashës në Kosovë ka qenë Departamenti i Drejtësisë i UNMIK, i cili përgatiti strukturën e Ministrisë së re të Drejtësisë. Bashkëpunëtorët e tij e përshkruajnë si një njeri hije, i cili kujdesej të ishte një pasqyrë ku shefat e tij të shikonin njeriun që u duhej. Në këtë projekt ai kishte bashkëpunëtor dhëndrin e Sali Berishës, Jamarbër Malltezin dhe ky ishte një rast për të forcuar miqësinë që e futi në politikë. Miqësia e tij me vajzën e kryeministrit Berisha në Prishtinë u forcua ndjeshëm bashkë me idenë e hedhur qysh në fillim të vitit 2004 nga Sali Berisha për mundësinë e krijimit të një Komiteti për Orientimin e Politikave pranë PD, të përbërë nga të rinj të shkolluar në Perëndim. Në Kosovë, Lulëzim Basha njihet me Damir Fazlliç, një biznesmen serbo boshnjak, i cili në vitin 2004 ndërmjetësoi në Kosovë një kontratë për shitje energjie nga një kompani serbe. Në fund të vitit 2004 Basha shkëput marrëdhëniet e punës në Kosovë dhe vjen në Tiranë. Bashkë me listën e personave që do të formonin Komitetin për Orientimin e Politikave, Basha dhe Fazlliç, kishin projekte më të mëdha.  E para ishte sigurimi i një kontrate lobimi për fushatën elektorale të Partisë Demokratike. Damir Fazlliç siguroi kontaktet e para me degën evropiane të kompanisë BG&R falë lidhjeve personale që kishte me një nga bashkëdrejtuesit e kompanisë dhe në janar të vitit 2005 ai ndërmjetësoi takimin e Sali Berishës në Uashington në zyrën qendrore të kompanisë. Marrëveshja ishte shumë dyshuese. Zyrtarisht kompania mori 500 mijë dollarë, ndërkohë që do të mblidheshin 1.5 milionë dollarë. 1 milionë dollarë do të paguheshin nën dorë në rajon. Një ish ministër i qeverisë së Kosovës dhe një shqiptar i Maqedonisë morën përsipër rrezikun e transferimit të pareve nga kufiri shqiptar në Maqedoni për Damir Fazlliçin. Gjithçka ishte e dyshimtë. Koordinatori i KOP, Lulëzim Basha dhe biznesmeni serbo- boshnjak Damir Fazlliç, kishin nisur të bënin biznes ende pa fituar Berisha pushtetin.

Ndërkohë Basha kishte dhe një jetë paralele në Holandë. Prej vitit 2001 ai kishte aty banesën e vet dhe familjen e vet. Gruaja e tij, Aurela Isufi, vjen nga një familje e afërt me Vebi Alimuçën, bosin e firmës piramidale Vefa. Daja e saj Refati ishte martuar me motrën e Vebi Alimucës, por kjo nuk ishte gjithçka. E rëndësishme ishte se familja e saj kishte thuajse nën kontroll gjithë punët e VEFA, që nga arka e deri tek siguria personale e Alimuçës. Disa investime të bëra me paret e VEFA në Ujin e Ftohtë në Vlorë kaluan në emra të familjes. Sot, nëse shkoni në Ujë të Ftohtë në Vlorë, do të shikoni buzë detit, bile fare mbi det, një kantier ndërtimi rrethuar me llamarina. Ndërtues është babai dhe vëllai i gruas së Lulëzim Bashës mbi troje të përfituara në atë kohë. Nëna e saj dhe ajo vetë, kanë bërë transaksione të kësaj kompanie brenda dhe jashtë vendit. Pas vitit 1997 ajo dhe vëllai i saj u shkolluan në Holandë, ndërkohë që formalisht prindërit e tyre në Tiranë ishin të varfër dhe pa punë.

Në pranverën e vitit 2005, ndërsa Lulëzim Basha po kandidonte si “ylli” i ri i Berishës, njeriu që e kishte shkolluar dhe kishte ndjekur me përkushtim atëror gjithë rrugën e tij të vështirë në Holandë dhe më pas në Kosovë, Barend Cohen, mbërriti në Rinas me një buqetë lulesh për t’i uruar Lulëzim Bashës futjen në politikë. Ai shkoi ta priste në Hotel Sheraton, por Lulëzim Basha nuk gjeti kohë të shkonte ta takonte. Njeriu i mirë Barend Cohen u kthye i dëshpëruar në Hollandë dhe pas një muaji vdiq. Familja e tij e dëshpëruar bëri kujdes të paralajmëronte Lulëzim Bashën të mos guxonte të shkonte në ceremoninë e varrimit. Portreti mosmirënjohës i Lulëzim Bashës këtu u plotësua në çdo detaj.

Dy javë pasi Berisha fitoi pushtetin, Damir Fazlliç hap katër kompani biznesi në Tiranë, me administrator kunatin e Lulëzim Bashës. Paret e dyshimta të fushatës duket se po riktheheshin në bizneset e tyre. Në lojë hyri menjëherë vajza e kryeministrit Berisha. Studioja e saj mori përfaqësinë ligjore të këtyre kompanive, me të drejta të plota deri dhe për tërheqje paresh apo transferim pronash. Nëse heton shitje- blerjet e këtyre kompanive, duket se të gjithë dalin të kënaqur. Shqiptari nga Maqedonia që kish ndihmuar në transfertat e lekëve “cash” kish marrë aksione të dy kompanive të basteve, ndërsa kunati i Lulëzim Bashës u investua në një kompani që do të ndërtonte më pas një hipermarket. Damir Fazlliçi la mënjanë Bashën dhe vazhdoi bizneset e veta me vajzën e kryeministrit. Përpara Lulëzim Bashës u hapën perspektiva të reja financiare dhe ato lidheshin me rrugën Rrëshen- Kalimash. Berisha i kishte dhënë atij gjithë fuqinë për të negociuar me Bankën Botërore dhe donatorë të tjerë për të gjetur mundësinë e financimit të rrugës. Në mënyrë të pazakontë Basha arriti ta fusë Berishën në një spirale entuziaste për financimin e kësaj rruge nga Banka Botërore duke ju referuar bisedave informale të tij me një përfaqësues të Bankës Botërore në Tiranë. Të gjithën këtë e bëri më bindëse duke thirrur dhe një konferencë donatorësh në Tiranë. Pikërisht këtu plasi skandali. Drejtoresha rajonale e Bankës Botërore tha se projekti ishte jo efiçent dhe Banka Botërore nuk mund ta financonte. Berisha, i cili kishte shpallur projektin prioritet kombëtar, u gjend para alternativës së vetëfinancimit. Lulëzim Basha ja kish arritur të merrte nën kontroll gjithçka. Duke futur Berishën nën presionin e kohës dhe nën trysninë e përzgjedhjes së një kompanie si Behtel, tashmë e kishte më të lehtë. Konsulenti i përzgjedhur prej tij dhe Damir Fazlliçit, rekomandoi procedurën kosto për kilometër me faturë të hapur. 24 shkelje të forta ligjore, në kundërshtim flagrant me legjislacionin shqiptar, kanë bërë që diferenca e hetueshme e kostos të lëvizë me mbi 240 milionë euro. Në fushatën e zgjedhjeve lokale të vitit 2007 Basha, i cili kishte bërë një “nxemje” të lehtë si rival i mundshëm i Edi Ramës, nuk u fut në garë për shkak se ishte personi kyç që duhet të mbyllte letrat e skandalit të rrugës Rrëshen- Kalimash. Një muaj më pas Berisha e tërhoqi nga detyra dhe përgjatë një viti bëri betejë politike për të shmangur arrestimin e tij. Prokuroria vonoi disa ditë më tepër dorëzimin e dosjes dhe ai i shpëtoi gjykimit.

Si Ministër i Jashtëm ai përdori pushtetin sërish për të lobuar në Uashington për të blerë heshtjen e diplomacisë amerikane për problemet e demokracisë në Shqipëri dhe sidomos zgjedhjet e vitit 2009. Lidhjet e tij me Podesta Group, një kompani lobiste e afërt me Hillari Klinton, u përdor disa herë kundër ish ambasadorit amerikan në Tiran Xhon Uidhers, por pa sukses. 21 janari ishte ngjarja e fundit politike, e cila forcoi shumë arsyet përse Berisha duhet të fuste në garë Lulëzim Bashën. Nevoja për të pastruar biografinë e tij si vrasës, me vota popullore, dhe miliona që janë në dispozicion të shtrembërimit të vullnetit të qytetarëve, janë arsye kryesore përse ky njeri sot është në garë. Duke qenë një krim i madh dhe monstruoz, 21 janari ka nevojë të ketë pas një betejë të madhe politike për ta pastruar nga ana e qeverisë. Testi po bëhet mbi Lulëzim Bashën. Ky qytet po vihet në provë për të pastruar historinë e një njeriu që ka lënë katër palë jetimë në këtë vend. Mbi të djathtën shqiptare, kurrë nuk është bërë ndonjë presion kaq barbar për ta detyruar atë ose të pastrojë biografinë e një “kodoshi” të Familjes, ose të humbasë pushtetin. Ky qytet kurrë nuk është provokuar deri në këtë shkallë, jo për të ndryshuar të ardhmen e tij, por për të shpëtuar të ardhmen e një figurine të familjes Berisha.

Ky njeri, e shkuara e të cilit është e mbushur plot me gënjeshtra dhe histori të dyshimta, kërkon sot votën për të ardhmen e tij në politikë dhe jo votë për të ardhmen e Tiranës. Ky qytet, i cili nuk ka pasur fuqi t’ia njohë të shkuarën këtij njeriu, po provokohet për t’i dhënë të ardhme historisë kriminale të tij. Ashtu si në eksperimentet e biologëve që studiojnë rezistencën e njeriut përmes eksperimenteve mbi minj dhe lepuj, Sali Berisha po teston kryeqytetin e vendit tonë, se deri ku mund të pranojë krimin politik të 21 Janarit, duke eksperimentuar me Lulëzim Bashën.

*   *   *

http://www.gazetatema.net/web/2011/07/09/lulezim-basha-nje-portret-i-paautorizuar-2/

Kjo Nuk Mjafton!

Edi,

Kjo Nuk Mjafton!

http://www.gazetatema.net/web/2013/06/21/foto-lajm-rama-i-shkul-veshin-edhe-fevzos/

Simptomat e Skizofrenisë

Çfarë është Skizofrenia?

Skizofrenia është një formë e përsëritur dhe shpeshherë kronike e sjelljes anormale që i referohet asaj që shumë prej nesh e quajmë "çmenduri".

Psikiatri zviceran, Eugen Bleueler, ka qenë ai që ka përdorur për herë të parë nocionin “skizofreni”, fjalë kjo e cila vjen nga greqishtja dhe do të thotë “shpirt i ndarë”.

Skizofrenia është një sëmundje e rëndë mendore që prek rreth 1% të popullsisë së botës. Mendohet që simptomat janë pasojë e një disbalance biokimike në tru. Kërkimet e fundit tregojnë që skizofrenia rezulton nga një defekt i zhvillimit fetal të trurit, pasojat e të cilit shpërthejnë në formën e sëmundjes në adoleshencën e vonë. Çrregullimi karakterizohet nga deluzione, haluçinacione, çrregullime të të menduarit dhe komunikimit. Skizofrenia përbën një patologji të trurit e cila ndikon në aftësinë e individit për të dalluar atë çka është reale dhe atë çka jo.

Psikiatrit e klasifikojnë skizofreninë si psikozë. Me këtë ata nënkuptojnë një person, i cili nuk mund t'i dallojë mendimet, idetë, perceptimet dhe imagjinatat e tyre intensive nga realiteti, (perceptimi i ndarë, idetë dhe vlerat që njerëzit e tjerë në atë kulturë i mbajnë si të vërteta).

Simptomat karakteristike

Dy (ose më tepër) nga simptomat e mëposhtme, prezente në një pjesë kohe rreth njëmujore (ose edhe me pak) janë të mjaftueshme për të përcaktuar pacientin si skizofren:

Simptomat pozitive përfshijnë:

1 -  Mendime dhe fjalime të çrregulluara (si mendimet dhe fjalimet pa lidhje të Salës)

2 - Halucinacione, si dëgjime të zërave apo tingujve (si vegimet, letrat në vrimat e shkëmbinjve në Malin e Dajtit, Bekimi Hyjnor i Salës ... ).

3 – Deluzionet (deluzionet nga shokët e idealeve; Hajdari, Fevziu, Zhulali ...)

4 - Iluzionet (autostrada Tiranë-Pekin, rekordet tij të notit, Shqipëria e Dyta pas Gjermanisë, shqiptarët janë norvegjezët e Ballkanit, dy gjysmat e tjera të jetës së tij...)

Simptomat negative përfshijnë:

1 - Nevojë për t'u ndier të mbrojtur (200 badigardët që e ruajnë, antiplumbi që nuk e ndan asnjë herë  në daljet në publik, zbulimi i shpeshtë i armiqve të vet, ...)

2 - Pamundësi për t'u përqëndruar (gjestikulacionet dhe mimika e fytyrës, hidhet degë më degë pa u përqëndruar tek subjekti i fjalimit, ...)

3 - Humbje e funksioneve normale (...)

Kohëzgjatja

Shenja të vazhdueshme të shqetësimeve duhet të jenë shfaqur gjatë 6 muajve të fundit. Kjo periudhë 6-mujore duhet të përfshijë të paktën një muaj që nga shfaqja e simptomave nga grupi A (faza aktive e simptomave) dhe mund të përfshijë periudha të simptomave, si fazën aktive të keqësimit ose fazën e shfaqjes së simptomave pozitive (d.m.th. përmirësim në funksione të ndryshme). 

Këto simptoma mund të jenë të njëjta me sëmundjet e tjera mentale siç janë çrregullimi bipolar dhe çrregullimi skizoafektiv apo mund të jenë rezultat i ndonjë problemi fizik. Psikiatrit dallojnë gjatë diagnozës se skizofrenisë disa prej simptomave pozitive dhe negative.

Shkaqet e Skizofrenisë

Shpeshherë simptoma të ngjashme me skizofreninë ndodhin edhe në patologji të tjera si psh: sëmundja e Huntigtonit, sëmundja Wilson, në epilepsi, encefalite, meningite, në Sklerozën Multiple etj. Diagnoza e skizofrenisë së vërtetë vlerësohet atëhere kur janë përjashtuar këto sëmundje si shkaktare të mundshme të simptomave psikotike.

Shkaktari i saktë i skizofrenisë mbetet edhe sot akoma i panjohur. Ndryshimet në funksionet e trurit si percepsioni, emocioni dhe sjellja indikojnë shumë në zhvillimin e kësaj sëmundjeje. Truri është vendi biologjik i skizofrenisë. Disa kërkues kanë dyshimin që në këtë keqfunksionim kanë rol edhe neurotransmetuesit si dopamina dhe serotonina. Sistemi limbik (strukturë anatomike e përfshirë në përpunimin e emocioneve), talamusi (strukturë anatomike e trurit që merret me koordinimin e mesazheve neuronale) dhe disa rregjione të tjera të trurit duket se janë të përfshira në sëmundjen e skizofrenisë.

Gjenet dhe Trashëgimia

Aktiviteti i neurotransmetuesve është i kontrolluar nga gjenet në një shkallë të gjerë. Ka evidenca mjaft të qarta që tregojnë se janë pikërisht këto të fundit të përfshira në patogjenezën e skizofrenisë. Studimet tregojnë që ka rreth 10-15% mundësi që të zhvillohet sëmundja nëse një nga prindërit ose vëllezërit /motrat është diagnostikuar me skizofreni. Nëse të dy prindërit janë skizofrenë, atëhere risku rritet në 40-50%. Për nipërit dhe mbesat e një pacienti me skizofreni risku për të zhvilluar sëmundjen shkon rreth 3 %.

Këshillimi gjenetik ndihmon në llogaritjet e riskut për të afërmit e pacientëve skizofrenë.

*   *   *

P.S. Materiali i mësipërm është mbledhur dhe redaktuar nga mjeku neuro-psikiatër Dr. R.C. në NYC, dhe përkthyer në shqip nga I.Sh.

Me shkronja korsive janë shënimet tona ballafaquese.

Burime:

Faqja Zyrtare e Instituti Amerikan i Shëndetit Mendor  (National Institute of Menthal Health)

http://www.nimh.nih.gov/health/topics/schizophrenia/index.shtml

Wikipedia

https://en.wikipedia.org/wiki/Schizophrenia

Pordhët e Salës

Kryetari i Partisë Socialiste, Edi Rama, i pranishëm në emisionin “Opinion” të Blendi Fevziut, ku si gjithmonë më shumë ka zhurmë se debat, i pati debatet më të forta me gazetarët Armand Shkullaku dhe Henri Çili.

Në një moment kur po flitej për situatën e krimit në Shqipëri, Henri Çili deklaroi se niveli i krimit në Shqipëri është më i ulëti në rajon. Rama e kundërshtoi duke i thënë se ishte gënjeshtër, por Çili i tha se i kishte ardhur një mesazh që ia tregonte një gjë të tillë.

Pasi kamerat e TV Klan tentuan që të filmojnë celularin e Çilit, moderatori Fevziu ia uli dorën kameramanit.

Më pas pati sërish debat mes Ramës dhe Çilit, pasi kryetari i PS deklaroi se do të ngrihet një Byro Kombëtare e Hetimit. Çili tha se kjo është një metodë enveriste.

“Ajo që tha Çili është një budallallëk që ka brirët e Saliut,” tha Rama.

Më pas debati u rikthye kur Çili dhe Shkullaku thanë se sistemi shëndetësor në Angli është një katastrofë e vërtetë.

“Ju të dy jeni fytyra ekselente e injorancës që bëhet argument”, iu përgjigj Rama atyre./ep

http://www.gazetatema.net/web/2013/06/14/ju-te-dy-jeni-fytyra-ekselente-e-injorances-qe-behet-argument/

Bac, u shkërdhy!

Bac, u shkërdhy!

Argita dhe Lulzimi, rrogë nga Beogradi?!

Ibrahim Kelmendi është një ndër grevistët të cilët janë në ditën e 10 të grevës së urisë në Prishtinë si shenjë revolte dhe proteste ndaj arrestimeve të luftëtarëve të UÇK-së, disa ditë më parë. Kelmendi në një intervistë për DITA-n ka sqaruar edhe akuzat e bëra pak ditë më parë nga aktivistët e UÇK-së ndaj prokurorit Salustro dhe Lulzim Bashës apo Argita Malltezit për hartimin dhe montimin e dosjeve të luftëtarëve të UÇK-së. Sipas Kelmendit ka të dhëna që sugjerojnë se Basha dhe Malltezi përveçse kanë punuar si përkthyes në zyrën e UNMIK-ut, janë angazhuar dhe në zyrën e veriut të Kosovës, në një projekt serb për “dokumentimin e krimeve të luftës të UÇK-së”.

http://www.gazetatema.net/web/2013/06/10/argita-dhe-lulzimi-rroge-nga-beogradi/

http://www.gazetatema.net/web/2013/06/11/basha-qytetar-nderi-i-nje-qyteti-qe-neperkembi/

Koha për ...

njëri-tjetrin!

Në faqen zyrtare të Partisë Demokristiane shkruhet:

http://kartodrom3.al/pdk/index.php?fq=brenda&m=shfaqart&aid=35 

Kreu i PDK Nard Ndoka

Lindi më 18 maj 1963. Kreu studimet e larta në Fakultetin e Drejtëisë pranë Universitetit të Shkodrës. Karriera politike e z. Ndoka nisi që në vitet ’90. Gjatë viteve 1991 – 1996 ai kreu një varg detyrash të rëndësishme në pushtetin lokal në qytetin e Vaut të Dejës, duke shërbyer si kryetar i Komitetit Ekzekutiv të Rrethit (1991), sekretar i Bashkisë (1992) dhe kryetar i Bashkisë së Vaut të Dejës (1996). Në vitin 1997 z. Ndoka zgjidhet për herë të parë dhe me mbështetje të gjerë deputet i Partisë Demokratike. Prej këtij viti e në vazhdim ai ka mbajtur funksionin e deputetit në të tria legjislaturat e deritanishme. Funksionet politike të z. Ndoka janë ushtruar brenda Legjislativit, duke qenë 3 herë kryetar i grupeve parlamentare të së djathtës si dhe anëtar i disa komisioneve të rëndësishme në Kuvend. Në vitet 1997-2001 deputeti Nard Ndoka ka qenë njëherësh dhe anëtar i Komisionit Parlamentar të Çështjeve Publike. Në vitin 2001 u zgjodh deputet i Partisë Demokrate dhe shërbeu pranë Kuvendit edhe si anëtar i Komisionit të Ligjeve. Në vitin 2006 u zgjodh kryetar i Partisë Demokristiane, duke dhënë në vazhdim një kontribut të veçantë për këtë parti. z. Ndoka është përfshirë një sërë trajnimesh në fushën e menaxhimit, në vitin 2001 ai është trajnuar në “Politikat Qeveritare të Decentralizimit dhe Vetëqeverisjes”, gjatë vitit 2002 ai mori pjesë në një trajnim mbi qeverisjen lokale dhe çështjet penale (Trajnim?!! Kur dhe ku?). Në vitin 2003 z. Ndoka kreu një trajnim në Itali mbi Funksionimin e Policisë Bashkiake, një vit më vonë ai ishte në Çeki për një tjetër trajnim mbi shërbimet e sigurisë sociale dhe në vitin 2005 mori pjesë aktive në një seminar të organizuar mbi pushtetin lokal në Gjermani.

Kaq!

Pyetje:

Sa ishte kohëzgjatja e këtyre trajnimeve (zakonisht janë disa-ditore)? Të cilit nivel ishin trainimet (të mesëm, të lartë apo në nivel akademik)? Çfarë gjuhe të huaj zotëron zoti Ndoka se gjuhën e Nënës së Tefta Camit e kemi parë/dëgjuar se si e zotëron? Ka marrë përkthyes për trainimet?!!

Përse Faqja zyrtare e PDK është e krijuar në Website të Kartodrom3?  (http://kartodrom3.al )

Dhe pyetjet e fundit por jo më pak të rëndësishme: 

- Retushimin e fotografive të Fushatës Elektorale e ke bërë vetë apo ta ka bërë ndonjë specialist? 

- Na thuaj emrin e asaj çikës që ke dash me i prish mendjen me këto foto të rregulluara me photoshop dhe sloganin “Koha për njëri-tjetrin”!

Shikoni edhe videon zyrtare elektorale nga është marrë foto e Nardit:

Ky eshte zhvillim?!!

Në këtë fushatë zgjedhore kryeministri Berisha është mburrur pacipërisht për mijëra kilometra rrugë të shtruara e rregulluara gjatë  Udhëheqjes së tij të ndritur. 

Shikoni me kujdes këtë foto inagurimi rruge: Në pjesën më të rrezikshme  të rrugës, në kthesë,  mungon parmaku mbrojtës. 

Kaq të qorruar të jenë vallë? Apo gënjejnë kaq shumë sa i besojnë edhe vetë? 

Të jetë ky zhvillimi?!!

http://www.gazetatema.net/web/2013/06/06/cudira-shqiptare-rruget-sipas-standardit-olldashi/

Kopja Salës, Hazbi Kasaj kandidat i PPSH - Fiks Fare:

http://www.top-channel.tv/video.php?id=28511