November 1, 2014

Korrupsioni, gjenden 2.2. ton para në shtëpinë e


Wei Pengyuan 
zv.drejtorit kinez të prodhimit të qymyrit

Foto nga 2.2 ton = 200 200 milionë juan

Hetuesit në Kinë gjetën në shtëpinë e një zyrtari të sektorit energjetik, më shumë se 200 milionë juan, para kesh.

Ato janë të barasvlershme me 33 milionë dollarë dhe kjo konsiderohet konfiskimi më i madh i parave kesh në vend deri më tani.

Paratë kesh janë konfiskuar në shtëpinë e Wei Pengyuan, zëvendës drejtor i Zyrës së Qymyrit në Administratën Kombëtare të Energjisë, gjatë nje hetimi për korrupsion.

Të gjithë paratë ishin monedha 100 juanëshe dhe peshonin rreth 2.2 ton (!)

U desh aq shumë mund për ti numëruar kartmonedhat një nga një, sa u shkatërruan katër aparate nga 16 të tilla që u përdorën nga hetuesit.

Korrupsioni endemik ka nxitur autoritetet kineze të Partisë Komuniste që në fund të vitit 2012 të fillojnë një fushatë të gjerë kundër korrupsionit.


*    *    *








October 31, 2014

Me kë drekon në restorant ky burrë i moshuar?!


Ky imazh është shpërndarë në mënyrë virale në internet, në një kohë shumë të shkurtër. Në të shihet një mashkull, i cili ha i vetmuar një hamburger, gjersa vazhdimisht mendon duke shikuar në një fotografi në tryezë.

Personi në moshë ka zbuluar se ajo është fotografia e bashkëshortes së tij të ndjerë, me të cilin u kurorëzua 55 vjet më parë, ndërsa ajo vdiq në vitin 2009, transmeton Telegrafi.
Klientëve kureshtarë ky burrë u rrëfeu se bashkëshorten e tij e kishte takuar në moshën 17-vjeçare. Ata humbën kontaktin kur ai shkoi në luftë, ndërsa familja e saj u zhvendos në Kaliforni.

Kur u kthye nga lufta, ai kaloi 10 vjet duke e kërkuar vajzën për të cilin ishte i sigurt se ishte shpirti i tij binjak. Një ditë shkoi tek një rrojtore në Kaliforni, ku kuptoi se vajza e berberit është ajo të cilën ishte duke e kërkuar tashmë 10 vjet. Ai u entuziazmua po ashtu, kur mësoi se edhe ajo i kishte kaluar dhjetë vitet e fundit duke e kërkuar.
Ata nuk humbën më shumë kohë dhe shumë shpejt u kurorëzuan. Jetuan të lumtur bashkë, gjatë 55 vjetëve të martesës.


Që nga koha kur gruaja i vdiq, ky zotëri mban me vete një fotografi të saj kudo që të shkon.
*   *   *



October 28, 2014

Rita Ora lëshon “bombën” në Moskë: Jam kosovare!



“Jam nga Kosova”, janë fjalët e këngëtares Rita Ora në Moskë. Popstar-ja e njohur si britanike, ka fluturuar të hënën drejt Moskës për koncertin e saj.






Sigurisht kjo delaratë e Ritës, ku tregon rrënjët dhe origjinën e saj bën përshtypje në Moskë, pasi marrëdhëniet mes Rusisë dhe Kosovës nuk janë aspak të mira, për shkak të raportit të ngushtë mes serbëve dhe rusëve.

Rita Ora dhe i dashuri i saj Ricky Hill (djali i dizajnerit Tommy Hilfiger) pas koncertit të Moskës

Këngëtarja e famshme në të gjithë botën ka sfiduar temperaturat e ulëta të Rusisë, duke i vënë zjarrin skenës me performancat e saj.



*   *   * 

Studimi, 600 milionë indianë nuk e përdorin WC-në!




Në Indi vazhdojnë t’i kryejnë nevojat fiziologjike në mjedise të hapura. Një problem që i takon pjesës më të madhe të popullsisë në fshatra, rreth 40%, edhe pse kanë një banjë në shtëpi. Ky zakon që sjell rreziqe konkrete për shëndetin, është denoncuar nga një studim i Unicef-it, i raportuar nga gazeta “Hindustan Times”.

Rreth 40% e familjeve në Utar Pradesh, Bihar, Rajasthan, Madhya Pradesh dhe Haryana, që edhe pse zotërojnë një tualet në shtëpi, kanë treguar një tendencë të spikatur për “të mbaruar punë” në mjedise të hapura.

Sipas Unicef-it, janë akoma të paktën 600 milionë indianët që nuk përdorin një banjë pikërisht për nevojat e tyre fiziologjike, duke lënë në territor rreth 66 milionë kilogramë mbetje njerëzore në ditë, duke rritur rrezikun e infeksioneve, sëmundjeve dhe epidemive për popullatën.

Rreth 47% e personave të anketuar në studimin e Unicef-it, kanë konfirmuar, që një gjë e tillë në mjedise të hapura, është “e kënaqshme dhe e përshtatshme”. Për disa, kjo praktikë konsiderohet një metodë jete virtuoze dhe të shëndetshme.

Diane Coffey, ekonomiste dhe përgjegjëse e studimit të Unicef-it, ka thënë: “Nëse këto janë të dhënat, qeveria indiane nuk mund të pranojë që ky fenomen publik do të mund të eliminohet në vitin 2019”, -siç ka pohuar së fundmi kryeministrja Narendra Modi. Kofi ka përfunduar: “Është një aksion urgjent social për një ndryshim të thellë mendësie”.


*   *   *




Rafineri heroine në Parma, kimistë të drogës dy ish-policë





Policia italiane godet grupin italo-shqiptar të narko-trafikut. Pranga 10 personave. Si funksiononte organizata dhe roli i Artur Bregut, shqiptarit të shkolluar! Në grup edhe dy ish-policë, njëri oficer kufiri në Durrës dhe tjetri oficer patrulle në Kavajë. 


Nga Nikoleta Kovaçi

Punëtorë që bënin një jetë modeste dhe thuajse gjithë kohës ishin anonimë. Në krye të tyre, rezultoi të ishte një djalë i shkolluar, një emigrant shqiptar që, veç të tjerave, fliste gjuhën italiane në shumë dialekte, aq sa ishte e vështirë të kuptohej modestia e tij prej emigranti. Lustra e normalitetit që shqiptari Artur Bregu i kishte dhënë jetës së tij, kishte fshehur prej të paktën 5 vitesh, ekzistencën e një prej organizatave më të mir`organizuara kriminale të trafikut të heroinës dhe të kokainës. Dyshimi, në fakt, ka nisur që një vit më parë, kur autoritetet policore të Parmës, arritën të ndalonin një shtetas italian me një ngarkesë prej 100 kg pluhur të bardhë. Fillimisht u dyshuar si përzierës droge, por më pas rezultoi se lënda e bardhë ishte paracetomol. Autoritetet policore vendase e mbajtën italianin në qeli, pasi në rrëfimet e tij mbi faktin se çfarë i duhej paracetomoli, ai u tregua kontradiktor. Prej plot një viti, policia ka nisur të hetojë mbi dyshimet për destinacionin e pluhurit dhe gjatë hetimeve ka arritur të zbulojë një prej grupeve më të fuqishme të trafikut ndërkombëtar të heroinës. Pas italianit të arrestuar, një vit më parë, në pranga kanë rënë edhe 9 persona të tjerë, prej tyre shtatë shqiptarë dhe dy italianë. Prokurorët kanë hedhur dritë mbi të gjithë mekanizmin se i funksiononte grupi që trafikonte lëndën narkotike nga Shqipëria në drejtim të Italisë, ku dyshohet se heroina dhe kokaina hynin në Shqipëri nga Turqia. Mes të arrestuarve janë edhe dy ish-oficerë të Policisë së Shtetit, të larguar nga radhët e bluve në prill dhe korrik të këtij viti, motivacioni i largimit të tyre, ende nuk dihet.

Operacioni “Prerja”

Policia italiane ka shkatërruar ditën e djeshme një bandë kriminale italo-shqiptare të trafikimit të lëndëve narkotike, kryesisht heroinë, ku gjatë operacionit policor kanë rënë në pranga 7 shqiptarë dhe 2 italianë. Të dhënat janë publikuar nga mediet vendase sipas të cilave, në prangat e policisë kanë rënë shqiptarët Gëzim Hasa 30 vjeç, Artur Bregu 33 vjeç, Velino Koroveshi 24 vjeç, Denis Tafili 29 vjeç, Bledar Brahimi 28 vjeç, Lauret Greca 24 vjeç dhe Ded Bajraktari 23 vjeç si dhe shtetasit italianë, Davide Cavalli 43 vjeç, Marcelo Panariti 34 vjeç dhe Tomaso Villirillo 37 vjeç. Sipas policisë, trafikantët në fjalë zotëronin në Parma të Italisë një laborator droge të përpunimit të të gjitha llojeve të lëndëve narkotike. Në këtë laborator janë zbuluar dhe sekuestruar në cilësinë e provës materiale; 13 kg heroinë në 26 pako, 3 kg kokainë, 100 kg paracetamol, që shërbente si përzierës i heroinës, 13 000 euro kesh edhe një presë hidraulike, që shërbente për ambalazhimin e drogës. Karabinierët kanë zbuluar se ky grup kishte arritur të trafikonte, të paktën, 60 kg heroinë të pastër, e cila pas përzierjes me paracetamol arrinte në 480 kg. Sipas policisë italiane, kjo bandë trafiku e lëndëve narkotike, operonte që në vitin 2009, kryesisht në Parma dhe krahinat përreth, dhe gjithnjë sipas tyre, vlera e drogës së trafikuar arrin deri në 20 milionë euro. Operacioni i policisë italiane i koduar "Prerja", që çoi në shkatërrimin e bandës italo-shqiptare, nis me zbulimin dhe sekuestrimin e një sasie prej rreth 100 kg paracetamol e gjetur në makinën e Marcello Panariti, i cili u ndalua në Parma, në tetor 2013-s. Në fillim, u mendua për drogë, por hetimi i mëtejshëm zbuloi se bëhej fjalë për paracetamol, i përzier me kafeinë.

Hetimet

Nga hetimet e policisë italiane bëhet e ditur se droga vinte nga Shqipëria si dhe nga vendet e Evropës Lindore, për tu trafikuar më pas në zona të ndryshme të Italisë së Veriut nga Parma deri në qytezën e Imperias në Rivierë, afër me kufirin francez. Hetimet për këtë bandë të strukturuar vazhdojnë për zbulimin e personave të tjerë të implikuar që kanë të bëjnë me kanalet e furnizimit jo vetëm të drogës por edhe të përzierësve, pasi ka rezultuar se grupi funksiononte në bazë të një piramide, ku secili kishte detyrën e tij dhe se e kryente në mënyrë perfekte dhe pa rënë asnjëherë në sy të askujt. Hetuesit, teksa kanë publikuar të dhënat mbi grupin e trafikut të heroinës e kanë krahasuar funksionimin e organizatës, me grupet që përdoren nga Hollivudi për skenar filmash. Artur Bregu, është cilësuar nga policia si “truri” i grupit kriminal të narkotrafikut. Bregu, duke qenë “truri” i operacionit koordinonte veprimet e të gjithë bandës. Nga hetimet mësohet se ky grup narkotrafikantësh ishte strukturë e mirë organizuar, mjaft i kujdesshëm dhe i vëmendshëm për çdo detaj, duke mos i lënë asgjë rastësisë. Ata ishin gjithnjë së bashku, madje edhe kur merrnin përzierësit kimikë të cilët gjithashtu si lënda narkotike, vinte nga Shqipëria. Edhe makinat e përdorura nga banda ndryshoheshin në mënyrë të rregullt, për të mos tërhequr vëmendjen e padëshiruar. Secili me një detyrë të qartë, të përcaktuar nga Bregu, i cili gjithnjë konsiderohej në zonën ku banonte si një prej emigrantëve më të integruar në jetën e vendasve. Sipas policisë, Marcelo Panariti dhe Velino Koroveshi, kishin detyrën e prokurimeve të pajisjeve, Gëzim Hasa dhe Denis Tafili, ky i fundit me funksion polic gjatë kohës që ishte në Tiranë, janë identifikuar si kimistët, ndërsa shitjet i menaxhonte Tomaso Villirillo, nga Kalabria. Pjesa tjetër shërbenin për transportin nëpër pikat ku duhej të shpërndahej lënda.

Dy ish-policë në grup

Mes grupit kriminal të heroinës dhe të kokainës që u godit ditën e djeshme në Parma të Italisë janë arrestuar edhe dy persona të cilët kanë shërbyer në radhët e Policisë së Shtetit në vendin tonë. Gëzim Hasa dhe Denis Tafili, të cilët në grup kishin rol të përbashkët që konsideroheshin edhe kimistët e lëndës mësohet se janë përjashtuar nga radhët e Policisë pikërisht në vitin 2014. Të dhënat në lidhje me dy ishoficerët e policisë u bënë të ditura për “Shekulli-n” nga burime konfidenciale policore, ku saktësohet se Hasa ka shërbyer konkretisht në policinë kufitare të Durrësit. 30-vjeçari është përjashtuar në mesin e korrikut të këtij viti, ndonëse ende nuk bëhet i qartë se cili ka qenë motivacioni i largimit të tij, pikërisht nga pika kyçe ku jo pak herë u kapën sasi të mëdha lënde narkotike, që për destinacioni kishte Italinë. Ndërsa burimet sqarojnë se Denis Tafili, ka shërbyer për shumë kohë si oficer i patrullës në Komisariatin e Kavajës. Edhe ky si bashkëpunëtori i tij në rolin e kimistëve të heroinës, mësohet se është larguar nga radhët e policisë së shtetit në prillin e këtij viti, ndonëse në një moshë vetëm 29 vjeç.


*   *   *