November 8, 2014

Kërkohet arrestimi i Sali Berishës



Në rrjetet sociale qarkullon një foto ku shfaqet ish-kryeministri Sali Berisha, i prangosur. Duket se pilafi nuk mban më ujë dhe dikush duhet të mbajë përgjegjësi për gjendjen në të cilën qeveria aktuale trashëgoi vendin.

Shumë ngjarje që kanë ndodhur gjatë tetë viteve të qeverisjes Berisha, jo vetëm që kanë mbetur pa autor, por autorët e akuzuar janë duke shijuar frutet që po i vjelin ende nga pushteti i së kaluarës.

Në Facebook, fotoja është shpërndarë me shpejtësi të madhe me diçiturën “pamja që duam të shohim shumë shpejt”. Dhe janë pikërisht ata që shpërndajnë këtë foto, të cilët i kujtojnë Edi Ramës, fjalinë që u tha një javë më parë shtresave në nevojë, gjatë një takimi në kryeministri: “Ky vend është bërë lesh e li, kam një vit që shkel ferra dhe nuk kam mbjellë asnjë farë”.

Thirrja e një komentuesi me emrin Elton është: Zoti kryeministër, që fara të mbillet e të mbijë shëndetshëm, duhet të arrestoni këtë njeri që ka prishur tokën”.



*   *   *








November 7, 2014

Sali Berisha facebook- faqja zyrtare

Sali Berisha facebook
Faqja Zyrtare

Berisha: Rama do shpallë Xhuvanin të sëmurë psikik, të ngrihemi kundër qeverisë

Ay është deputeti më aktiv i PD-së.

Për të dytën herë brenda 24 orëve Berisha thotë se populli duhet të ngrihet kundër qeverisë.

“Edi Rama dhe pushtetaret e tjer te krimit jane ne sulm frontal me te gjitha mjetet per te shpallur vrasesin serial te sojt te tyre te semure psiqik, te droguar vete e vete qe ti ulet denimi pra te mos denohet perjet ashtu si ç’ meriton”, shkruan ai në FB.

Pasi komenton daljet në media të ministrit Tahiri, ish-kryeministri vijon:

“Ju bej thirrje qytetareve te ngrihemi kunder qeverise”.



*    *    *





Shtatorja e 5 Heronjve të Vigut




70 vjetori, shtatorja e 5 Heronjve të Vigut do të rivendoset në Shkodër

Shtatorja e 5 Heronjve të Vigut do të rikthehet në një prej shesheve të qytetit të Shkodrës.

Gjatë qeverisjes së Berishës, shtatorja do të hiqej nga sheshi kryesor në Shkodër, duke u hedhur në plehrat e kryeqendrës së veriut.

Këtë vit është edhe 70 vjetori i çlirimit të vendit, ndërkohë që priten të organizohen edhe ceremoni shtetërore të veçanta për përkujtimin e kësaj ngjarjeje që renditi Shqipërinë në Luftën e Dytë Botërore përkrah vendeve aleate.

Në vitin 2008 Këshilli Bashkiak i Shkodrës vendosi që të lëvizte nga qendra e qytetit monumentin e “5 Heronjve të Vigut” duke e zhvendosur në periferinë e qytetit në varrezat e “Dëshmorëve të Shkodrës”. Ky vendim asokohe u kundërshtua ashpër nga këshilltarët e majtë të cilët e konsideronin si tendencioz vendimin për të  zbehur vlerat e luftës nacional-çlirimtare por edhe të paligjshëm. Muajt e fundit kanë reaguar sërish familjarët dhe pasardhësit e këtyre 5 Heronjve pranë Prefektit të Shkodrës.

Ky i fundit, nisur nga ankesa ka marrë në shqyrtim të gjithë procedurën e ndjekur për këto veprime dhe duket se dokumentet e kanë habitur dhe vetë Prefektin. Konkluzionet e tij janë tejet interesante.

Ai e konstaton procedurën si të jashtëligjshme dhe të nisur si të tillë që prej vitit 2005. Pasi rendit problemet në vite Prefekti i shkkruan familjarëve se: “Gjithë kjo procedurë e jashtëligjshme e gjatë këtyre viteve ka marrë “statusin zyrtar” duke u quajtur si çështja e 5 Heronjve të Vigut në Shkodër, por nuk dihet se me cilin akt ligjor Bashkia e Shkodrës ja ka dhënë këtë “status” dhe ka dërguar monumentin e ‘5 Heronjve të Vigut’ tek ‘Varrezat e dëshmorëve’. Nëse do të ishin zbatuar aktet ligjore në fuqi ky monument do të duhej të ndodhej sot në sheshin përpara gjimnazit ’29 Nëndori’ në Shkodër. Bashkia e Shkodrës duket pak e sforcuar në aktin e saj për të bërë zhvendosjen e këtij monumenti”.

Në fund të letrës Prefekti bën dhe propozimin spektakolar, ai i orienton familjarët e heronjve që për të rivendosur në vend të drejtën e tyre të padisin vendimet e Këshillit Bashkiak, të Këshillit të Qarkut dhe të vetë Prefekturës:

Paulin Radovani

“Në të gjithë procedurën e ndjekur për ta çuar monumentin tek ‘Varrezat e dëshmorëve” në rastin kur shtrohet problemi për ta hequr nga vendi ekzistues, përmenden të gjitha vendimet e KRRT-së së Shqipërisë dhe rregullorja e zbatimit të saj, e në asnjë rast nuk shqyrtohet për zgjidhje pyetja nëse duhet hequr ose jo, ndërsa kur shtrohet problemi për sheshin e ri pas zhvendosjes nuk përmendet asnjë vendim i KRRTRSH-së dhe as rregullorja e zbatimit të tij, por vetëm propozime jashtë sheshit të përcaktuar me vendim të KRRTRSH-së dhe Rregullores për zbatimin e tij.

Nisur nga sa më sipër, Prefekti i Shkodrës ju sugjeron familjarëve të “5 Heronjve” që t’i drejtohen organeve gjyqësore duke konstatuar pavlefshmërinë e veprimeve dhe akteve administrative të miratuara nga Këshilli i Bashkisë dhe Këshilli i Qarkut Shkodër, madje kini të drejtë të padisni si palë të tretë dhe Prefekturën. Me anë të padisë ju mund të kërkoni dhe rregullimin e pasojave të ardhura nga kjo procedurë e paligjshme”, – shkruhet qartë e saktë në letrën e Prefektit.


*   *   *