Tifozi i Kombëtares

"Me sy të enjtur, me një vizë të dukshme poshtë tyre në krahun e djathtë, në gjendje të rënduar shëndetësore, ku dukej se mezi qëndronte edhe ulur, Nishani e çoi deri në fund porosinë e liderit të tij shpirtëror; Nuk e lejoi Sokol Çomon të bëhej pjesë e KLD-së edhe pse parlamenti e votoi me shumicë votash. Argument juridik nuk kishte(megjithëse ka dy këshilltarë legalë, Ilia Jolldashi dhe Shaqir Hasanaj), por vetëm mendime personale të gjyqtarëve të partisë që iku nga pushteti. Ky skandal nuk kaloi pa u vënë re dhe ka bërë bujë. Ish pushteti, që nuk la gjë pa i vjedhur arkës, po kërkon të vendosë edhe terrorin për të treguar se është ende i fuqishëm."

Kështu shkruan AMA News (http://www.ama-news.al/2013/10/cfare-skandali-nishani-ne-gjendje-kritike-sy-te-enjtur-nuk-le-comon-ne-kld/)

Si kundërpërgjigje e menjëhershme nga presidenca (konkretisht nga këshilltari kulturor - 81 vjeçari “4ever Young”, zoti Amik Kasoruho) na vjen në redaksi një foto-fakt:

Presidenti Bujar Nishani është në gjendje të shkëlqyer psiqike dhe shëndetësore. Ai ka veshur uniformën e Kombëtares dhe është drejtuar shkallëve të stadiumit  “Qemal Stafa”, me hap dhe këngë rreshtore “Oh Sa mir me ken shqiptar, o hej, o hej”.

Siç na konfirmon edhe këshilltari i tij politik, shkëlqesia e tij Princ Leka II Zogu, zoti president do të ndjekë nga afër për 90 minuta rresht, ndeshjen e futbollit Shqipëri – Zvicër.

Forca çunat e Kombëtares, Jari osht me JU!

*  *  *

Ansambli Çiftelia

Ansambli “Çiftelia”

Shënime nga Ditari i Doktorit: 

Hakmarrje ndaj ansamblit “Çiftelia”

Kjo që ka ndodhur sot është një ditë e zezë për policinë shqiptare. Që nga koha e Ismail Qemalit deri më sot, nuk ka ndodhur që brenda një dite të ndryshojnë 80 drejtorë në Policinë e Shtetit dhe të shkatërrohen struktura që janë ngritur me mund dhe djersë këto tetë vite.

Por ajo që më shqetësoi më shumë, ishte një qëndrim i qëllimshëm krahinor me tendencë të qartë tribale ndaj drejtuesve kryesorë të policisë.

Motra dhe vëllezër! Ata nuk u shkarkuan se ishin policë të paaftë. Ata u shkarkuan se dolën në fotografi me një çifteli. Ky është një turp i madh që duhet denoncuar deri në fund.

I shqetësuar thellë për këto reprezalje, thirra në zyrë Zenin të ishte pranë meje në këtë ditë të vështirë për të.

-Sa ka shkuar numri, i thashë.

-80 vetë, tha.

-Sa ishin tanët nga këta?

-Më shumë se gjysma, tha.

-Kush janë këta që po emërohen, e pyeta.

-Kanë marrë në punë atë që të arrestoi ty, më tha. Me sa duket duan të të arrestojnë prapë.

-Niko Brahimin?

-Po, tha i dëshpëruar.

-Ky është skandal, i thashë. D.m.th këta nuk kanë bërë reformë, por ndryshime simbolike. Duan të na tregojnë se kush i bie çiftelisë, nuk punon më në polici, dhe kush më ka arrestuar mua, ribëhet prapë drejtor. Nuk do t’i lejoj kurrë ta gëzojnë këtë pushtet. U thuaj njerëzve tanë të qëndrojnë. Nuk e kanë të gjatë.

-U thashë, më tha i mërzitur. Na leni në hallin tonë, më thanë, se na morët më qafë. Janë të mërzitur…

-Ashtu, mirë. Dakord… Thuaju… Mirë, shiko, ashtu ë…? Mirë, thuaju ne do fitojmë përsëri…

-U thashë, por as që duan ta dëgjojnë. Kanë hallet e tyre, është e kuptueshme.

Atëherë vendosa të marr në telefon Stefan Fylen. I thashë që statusi i Shqipërisë rrezikohet në muajin dhjetor, pasi qeveria e krimit dhe drogës ka emëruar drejtor policie një njeri, i cili e ka zakon të më arrestojë mua më 28 Nëntor. Kjo është e sigurt që do të ndodhë se ky person është punësuar vetëm për këtë punë. Nëse kjo ndodh, dihet që statusi i Shqipërisë nuk do të jepet dhe ky është një atentat i madh ndaj vendit tonë.

Më dëgjoi me qetësi dhe tha se kushtet për marrjen e statusit janë 12 ligjet që janë miratuar, lufta kundër korrupsionit dhe forcimi i shtetit ligjor. Çdo hap në këtë drejtim, e afron Shqipërinë me BE.

Ky njeri duket që është nën ndikimin e Edi Ramës. Bile më provokator se ai. Ia mbylla telefonin pa pritur përgjigje më të qartë se aq.

Të dashur motra dhe vëllezër. Këta duan të hakmerren pse policia i ka përgjuar, pse i ka përndjekur, pse nuk i ka lënë të bëjnë greva dhe protesta, pse u ka përgjuar telefonat, pse u ka arrestuar të afërm… Por unë nuk do t’i lejoj kurrë të triumfojnë. Kjo do na bashkojë më shumë me njëri- tjetrin. Përpara!

http://www.gazetatema.net/web/2013/10/09/shenime-nga-ditari-i-doktorit-hakmarrje-ndaj-ansamblit-ciftelia/

Autoportret

Lulzim Basha

*    *    *

Nacionalisti

DOKUMENTI i vitit 1992:

 Pjetër Arbnori i kërkonte Berishës që të ekstradonte 

Janullatosin nga Shqipëria

Një dokument i 26 dhjetorit 1992, përgatitur nga Kuvendi Popullor dhe që mban firmën e ish- kryetarit Pjetër Arbnori, i dërgohej Presidentit të asaj kohe, Sali Berisha, duke i kërkuar ekstradimin e Anastas Janullatosit.

Dokumenti është publikuar nga gazeta Dita.

Në fillim të dokumentit theksohet se ishte ish- Presidenti Ramiz Alia që e ftoi Anastas Janullatosin që të vinte në Shqipëri.

Në një bisedë me At Artur Liolin, Ramiz Alia i thotë se ka për qëllim që të ftojë Janullatosin në Shqipëri, pasi ka katër muaj që pret për vizë.

Liolin i thotë që i duhen vendosur disa kushte Janullatosit.

Por pas ardhjes së Janullatos në Shqipëri, Ramiz Alia nuk e zbatoi marrëveshjen me At Artur Liolinin, madje as nuk e ftoi më Liolinin për takim.

Janullatos ngriti menjëherë një Këshill të Përgjithshëm të Kishës Ortodokse Autoqefale, thuhet në raportin e Arbnorit.

“Si sekretar u zgjodh Aleko Dhima, një person që për shumë vjet militoi në radhët e PPSH,” shkruhet në raport.

Raporti thekson faktin që Janullatos nuk ka reaguar ndaj operacioneve fshesa që po bëheshin në atë kohë ndaj emigrantëve në Shqipëri.

“Nuk kaloi shumë kohë dhe çdo gjë nisi që të qartësohej. Në fillim skenari filloi me ndërrimin e fesë dhe të emrave të refugjatëve shqiptarë me atë të forcës dhe presionit, pastaj me lëvizjen antishqiptare në Greqi. Si gjithmonë udhëheqësi dhe flamurtari i Vorio-Epirit ishte Mitropoliti i Konicës, Sebastianos, i cili së bashku me qarqet shoviniste nisi një fushatë të egër spastrimi, e cila u quajt “Operacioni Fshesa”,” thuhet në raport.

Janullatos akuzohet edhe se nuk ka bërë gjë për kishat në Shqipëri.

“Deri tani akoma nuk ka përfunduar restaurimi i Kishës Katedrale në Tiranë dhe është ngritur një kishë e vogël me parafabrikate në Fier, kurse në Korçë ka 7 muaj që një kishë ka mbetur tek guri i parë i themelit”.

Në raport theksohet se Janullatos ka kërkuar që të bëhet kryepeshkop, në kundërshtim me Kanunet e Shenjta dhe Statutin e KOASH.

Në raport kritikohet edhe qeveria shqiptare.

“Është e udhës që të kritikohet edhe veprimtaria e mefshtë e qeverisë së sotme shqiptare. Shumë gjëra ndodhin nën hundën e saj”.

Konkluzionet e raportit janë si më poshtë.

“Së pari, Janullatos nuk mund të jetë kurrsesi kryepeshkopi i Shqipërisë dhe udhëheqës shpirtëror i një populli besimtar, të cilin ai e ndau në dysh.

Së dyti, ai s’mund të jetë i tillë sepse nuk është kanonikisht i rregullt.

Së treti, ai nuk mund të jetë i tillë sepse puna e tij ka qenë në dëm të interesave fetare dhe kombëtare.

Së katërti, është marrë nëpër këmbë gjaku dhe puna e martirëve të rënë për këtë kauzë si dhe respekti dhe dinjiteti i popullit shqiptar.

Dhe së pesti, kurrë s’është e mundur që një i huaj të dojë më shumë se vendin e tij prej nga vjen, një vend tjetër”.

Raporti i dërgohet Berishës, që gjithmonë citohet si “Presidenti ynë i nderuar”.

Por Berisha nuk ndryshoi mendje nga ky raport.

Ndoshta edhe për faktin që e përmend vetë raporti.

“Emri juaj Presidenti ynë i nderuar përmendet në të gjithë qarkoret dhe deklaratat e Kishës për dhënien e lejes për fronëzimin”, thuhet në raport, kurse naivi Arbnori mendonte se emri i Berishës po keqpërdorej./ep

http://www.gazetatema.net/web/2013/10/03/dokumenti-i-vitit-1992-pjeter-arbnori-i-kerkonte-berishes-qe-te-ekstradonte-janullatosin-nga-shqiperia/

Përpara,

Përpara,

O burra se na shpëtoi 

Shurra!

P.S. Burime të sigurta brenda PD na njoftojnë se Deputeti “Rradha 3 Karrikja 7” ka filluar të urinojë shpesh dhe në mënyrë të pavullnetshme, nganjëherë edhe në mes të mbledhjeve të grupit parlamentar. 

Shkencëtarët demokratë me ndihmën e Podesta Group, janë hedhur në kërkim të një lloji special pampersash të tipit Anti-Berisha.

WC Sali

WC Sali Victory

Agimi i Artë

KY ISHTE AGIMI 

PREJ 

FLORIRI?!

*   *   *

Tërmet në Greqi, 

arrestohet lideri i Agimit të Artë

Policia greke ka arrestuar liderin dhe zëdhënësin e partisë së ekstremit të djathtë, Agimi i Artë.

                                                            

Akuza është ajo e krijimit të një organizate kriminale.

Policia thotë se ka urdhra arresti edhe për të tjerë anëtarë dhe deputetë të kësaj partie.

Sipas Reuters, policia po heton lidhjet e kësaj partie me vrasjen e një këngëtari anti- fashist nga një mbështetës i Agimit të Artë.

Vrasja e Pavlos Fissas më 17 shtator provokoi protesta të dhunshme në Athinë.

Dy të arrestuarit janë Nikolaos Mihaloliakos dhe zëdhënësi Ilias Kasidiaris, bëri të ditur policia.

Agimi i Artë është partia e tretë më popullore në Greqi, sipas sondazheve më të fundit. Ajo ka mohuar lidhjet me vrasjen e këngëtarit dhe ka paralajmëruar se do të tërheqë 18 deputetët nga Kuvendi nëse vazhdon ky sulm ndaj tyre./ep

http://www.gazetatema.net/web/2013/09/28/greqi-arrestohet-lideri-i-agimit-te-arte-nikos-mihaloliakos/

Berisha me Bashën,

janë dy kriminelë...

Lul Berisha

Nga Arben Duka

Të më thotë Saliu,

se unë nuk e di:

"Si ndihet njeriu,

kur vret një njeri?!."

Më thuaj njëçikë,

plumbat si i qite,

se në këtë pikë,

ti je plot kredite?!

Ti je plot kredite,

kampion i vërtetë,

se brënda një dite,

more katër jetë.

Janarin e ngjeve,

ti me vello zie,

për vete e ktheve,

në ditë krenarie.

Shikoje me sy,

popullin e vrarë,

dhe garda nga ty,

urdhër kishte marrë.

Pas perdes shikoje,

tamam si një bishë,

si të tuat roje,

qëllonin në mish!

Qëllonin në mish,

njerëz të pa mbrojtur,

dhe ti-o Berishë,

s'ishe një i lojtur.

Po një kriminel,

me gjakftohtësi,

ne kështu na del,

more ditëzi!

Ti ishe-o flamë,

kapak' i tenxheres,

ne të gjithë të pamë,

fshehur pas penxheres.

I pe mirë dhe ike,

kur ranë katër vetë,

dhe pastaj na shpike,

stilot pistoletë!

The e ç'nuku the,

për ne atë ditë,

dhe shpërblim i dhe,

çetës me banditë!

Ne mirë na kujtohen,

lehjet si zagari,

ndaj nuk na harrohen,

ato ditë Janari.

S'e harron për jetë,

këtu Shqipëria,

popullin e vet,

vrau qeveria!

Ashtu si pa dashur,

nga pakujdesia,

zullumin ka trashur,

palo drejtësia!

Po të gjithë e panë.

këtu o mallkim,

të katër u vranë,

me Paramendim!

Me Paramendim,

dhe gjakftohtësi,

ndaj dhe Çdo Vendim,

është një poshtërsi.

Nuk ka tjetër emër,

ti je dollibashi,

por të ka dhënë zëmër,

atë ditë Lulashi.

Lulashi që njohim,

ministrin bufon,

që sot po e shohim,

si na bilbilon!

Si po ndez stuhinë,

si po sjell rrebesh,

ky që me Salinë,

njerëz vranë në shesh!

Ky që bilbilon,

tok me babën Salë,

dhe dot nuk duron,

nga Rama një fjalë!!!

Ti ore kokosh,

që solle mandatën,

nuk ke gojë të mbrosh,

sot administratën.

Do administrata,

avokat vërtetë,

po jo ty me Salën,

që vratë katër vetë.

Jo ti o Lulash,

me babën Sali,

këtë unë e quaj,

një moral të zi.

Nga punët ca njerëz,

dhe mund të largohen,

po këto me vrasjet,

kurrë s’krahasohen!

Kam thënë dhe më parë,

diku për Lulushin,

që don t’i fërkojnë,

edhe bibilushin!

Ndaj dhe po më duket,

karabush vërtetë,

se askush për krimet,

s’ka imunitet.

Edhe po të jesh,

Njësh’ i opozitës,

S’ka-se vrau njerëz,

m’u në mes të ditës.

Me mostrat si ju,

groshi na ka pjellë,

nga “qëndresa” blu,

na vjen për të vjellë.

E shihni si rreket,

kopja e Saliut,

që tani mos preket,

e drejtë e njeriut!

Si kali balash,

ditë për ditë na del,

po ti o Lulash,

je një kriminel!

Kështu je Luladhe,

për hir të vërtetës,

se është me e madhe,

e drejta e jetës.

Je jashtë loje krejtë,

kot që bën si gorre,

sepse kjo e drejtë,

është themelore.

E dimë se ç’ka ngjarë,

kur revolta plasi,

kush njerëz ka vrarë,

s’ka të drejtë të flasi.

Ç’vendos sot gjykata,

nuk ka vlerë aspak,

se ju o mandata,

kini derdhur gjak.

E drejta do kthejë,

pa u tharë loti,

dhe haka do vejë,

shumë shpejt tek i zoti.

Krimi edhe ju,

në qeli do ngryset,

dhe sikur këtu,

bota të përmbyset!

Prej krimit dhe mundit,

lodhet njerëzia,

po në fund të fundit,

fiton drejtësia.

Sot akoma jini,

në një histeri,

po vendin e kini,

vetëm në qeli.

Kur çdo krim vërtetë,

të kaloi në zigj,

SHTETI DO JETË SHTET,

LIGJI DO JETË LIGJ! 

*   *   *

Vizite Zyrtare ne USA

Kthejeni në shtëpi 

“Raxh Kapurin” tonë!

Nga Mero Baze

Bujar Nishani ka më shumë se një javë që ka ikur në SHBA. Nuk është se i duhet dikujt këtu, dhe as që ka lënë ndonjë boshllëk, por udhëtimi i tij mbi njëjavor në diasporën shqiptare në SHBA, duhet të marrë fund për arsye etike. Dhe nuk e kam fjalën për gjendjen e tij shëndetësore, që nuk i mundëson një luks të tillë të bredhë nga një restorant shqiptar në tjetrin. E kam fjalën për sëmundjen e tij të vjetër, atë të ushtarit politik të Sali Berishës, që e ka detyruar në atë gjendje të rëndë shëndetësore që është, të udhëtojë derë më derë shqiptarësh në SHBA që të duket se dhe ai ka qenë në SHBA njësoj si Edi Rama.

Është e qartë se sesioni i zakonshëm i OKB në muajin shtator kishte të ftuar Kryeministrin e Shqipërisë, Edi Rama. Vetë Presidenti është nxituar me sa duket muaj më parë gjatë verës, kur Berisha ishte ende në zyrë dhe nuk është përfshirë në delegacion. E ka pasur të lehtë të përfshihej pasi aty shkojnë dhe presidentët.

Por javën e parë të shtatorit, kur Berisha doli nga zyra dhe ka menduar udhëtimin e Edi Ramës në Nju Jork, e ka detyruar Presidentin të niset dhe ai për në SHBA për të dubluar dhe ai vizitën e Kryeministrit. Nëse i hedh një sy protokollit të vizitës së Bujar Nishanit në SHBA, e kupton se ai është një protokoll i hartuar me urgjencë dhe telefon nga Sali Berisha. Protokolli i tij dominohet nga pritja tek shoqata Vatra, pastaj vazhdon me dreka dhe darka shqiptarësh, të cilët emërtohen një herë biznesmenë, pastaj patriotë, pastaj arsimdashës, pastaj politikanë, pastaj diasporë… e kështu me radhë. Fjalimet e tij po ashtu janë qesharake nga takimi në takim, dhe mesazhet vulgare, pasi janë të dyzuara mes porosive që i jep Berisha në telefon dhe zorit që ka t’i thotë tamam porositë e tij para atyre shqiptarëve që u ka zënë derën nga mëngjesi në darkë.

Ky është një udhëtim i sikletshëm. I sikletshëm jo vetëm se Presidenti ynë nuk e ka të lehtë të hipë e zbresë nga makina, avioni apo shkallët e restorantit, por dhe të sillet si President në kafene shqiptarësh. Diaspora jonë në SHBA nuk ka ndonjë hall aq të madh dhe as ndonjë ngjarje jubilare të madhe që të presë një javë kafe më kafe Presidentin tonë. Dhe ata janë njerëz me halle e punë dhe kanë telashet e tyre. Nuk ka pse u shtojmë dhe një telash më shumë, të presin një tip që shëtit me paterica vetëm për t’u dukur sikur ka ikur në SHBA.

Ata po ashtu nuk kanë nevojë të madhe të dëgjojnë fjali të tipit “që një qeveri të jetë e mirë, duhet të punojë”, që “shteti ka nevojë për reforma” apo broçkulla të ngjashme. Ata kanë nevojë të shikojnë Shqipërinë si një vend normal, ku ata shpresojnë të jetojnë mirë të afërmit e tyre.

Presidenti ynë, i pafuqishëm për të kundërshtuar dhe ish- Kryeministrin që e ka dërguar “bedel” për të dubluar një vizitë zyrtare të Kryeministrit dhe takimet e tij, duhet të kthehet urgjent në Tiranë, ose të marrë telefonin, të thërrasë Edi Ramën dhe t’i bashkohet delegacionit të tij për t’u bërë njeri dinjitoz. Edi Rama nuk e ka bezdi të presë dhe një biletë më shumë për Bujar Nishanin meqë gjendet në SHBA dhe ta marrë me vete. Nuk i kushton gjë as ta merrte në OKB dhe në takimet e tij me nivelet më të larta të politikës që ka bërë në SHBA. Ai për fatin tonë të keq është presidenti ynë dhe kur poshtërohet kështu rrugëve, ndjehemi të gjithë të fyer. Për këtë arsye ai duhet të kthjellohet dhe të kuptojë se Sali Berisha ka ikur nga pushteti dhe nuk ka pse i frikësohet ende. Ai duhet të çlirohet dhe të sillet së paku si një njeri normal, i cili nëse ka dëshirë të shkojë në SHBA, mund të shkojë bashkë me delegacionin zyrtar të Shqipërisë. I ikur vetëm si klandestin, dhe duke shëtitur nga një restorant qoftesh në një piceri, dhe duke përfunduar në çajtoret e shqiptarëve në Detroit, duke folur për politikën shqiptare, ai na bën qesharakë të gjithëve.

Edhe pse ka probleme shëndetësore, që mund t’i kenë prekur dhe trurin, dikush duhet t’i kujtojë se është Presidenti i Shqipërisë dhe nuk ka pse sillet rrugëve si halabak. Kthejeni në shtëpi të qetësohet dhe të ndërpresë këtë udhëtim banal alla “Raxh Kapuri” me trasta në krah. Kthejeni në shtëpi dhe hiqjani frikën që ende nuk i del nga Sali Berisha. Kthejeni në shtëpi mes të tjerash të mos llomotitë rrugëve duke gënjyer akoma siç e mëson Sali Berisha, kur thotë se në Presidencë ka staf me bindje politike të ndryshme, ndërkohë që nuk ka asnjë njeri që të ketë mendime të ndryshme për Berishën dhe Lulin. Ka hequr andej dhe pastrueset e Bamir Topit, i cili në shumicë e kishte stafin me njerëz të PD-së. Kthejeni në shtëpi të mos dëgjojmë gënjeshtrat që i dërgon Berisha me sms dhe që e kthejnë debatin real politik të Shqipërisë në një çështje kafenesh në SHBA. Le të vijë t’i thotë para nesh ato gjëra nëse nuk ka turp. Po së paku të qetësohet dhe të rehatohet në shtëpi të vet pasi të flasë. Ka mbi një javë që po rropatet rrugëve dhe nuk e lënë të kthehet pa u kthyer Edi Rama. Dikush duhet të merret seriozisht me fatin e tij, dhe sidomos imazhin e Presidentit të Shqipërisë, i cili po bëhet si “Raxh Kapuri” i filmit të famshëm indian, në kërkim të fatit rrugëve të SHBA.

                                                     *   *   *

Në Litar

Korrigjim Shënjestre

FOTOT provokuese të Berishës 

përpara litarit…

Gazeta Dita, e njohur për titujt e saj provokativë, ka sjellë disa foto në versionin e saj në print, ku ish- kryeministri Sali Berisha qëndron përpara një litari.

Fotot janë realizuar nga fotoreporteri Franc Zhurda disa vite më parë, por nuk janë botuar deri më sot.

Ato janë realizuar në një ekspozitë të titulluar “Atmosfera e viteve ’90”.

Vetë Zhurda e kujton kështu momentin e realizimit të fotove: “Doja të fiksoja pamjen e tij përpara litarit. Pak a shumë në foto e kam dhënë këtë, por në momentin kur koka do korrespondonte me lakun, sigurisht në largësi, një bodigard mu afrua dhe më shtyu, dhe unë nuk arrita të bëja dot foton finale. Por edhe këto që kam shkrepur e japin idenë dhe besoj janë foto që flasin”

http://www.gazetatema.net/web/2013/09/24/fotot-provokuese-te-berishes-perpara-litarit/